پارتو چەپی سەوزی زیاڎ جە ٢٠٠ ژەنا کاندید مکەرۊ
پارتو چەپی سەوزی لیستو کاندیدەکاش پۍ ھورچنیەو پەرلەمانی ئاشکرا کەرڎ، کە دلېشەنە زیاڎ جە ٢٠٠ ژەنا ھەنۍ و جە ٣٨ پارێزگێنە ژەنی ۋەڵێۋەبیەی لیستەکەی مکەرا.
پارتو چەپی سەوزی لیستو کاندیدەکاش پۍ ھورچنیەو پەرلەمانی ئاشکرا کەرڎ، کە دلېشەنە زیاڎ جە ٢٠٠ ژەنا ھەنۍ و جە ٣٨ پارێزگێنە ۋەڵێۋەبیەی لیستەکەی ژەنینۍ.
ھێزی یەکشەممە، پارتو چەپی سەوزی نامۍ کاندیدەکاش پۍ بەشڎاربیەی جە ھورچنیاکا ١٤و ئایارینە ئاشکرا کەرڎ، ئەۋەڵجارا کە هەدەپە جە ٨١ پارێزگێنە بەنامۍ پارتو چەپی سەوزیۊ ٦٠٠ کاندیدێش دیاری کەرڎێنۍ و زیاڎ جە ٢٠٠ کاندیداشا ژەنیەنۍ و جە ٣٨ پارێزگێچەنە ژەنی ۋەڵێۋەبیەی لیستەکەی مکەرا.
قەرارا ڕۊو ١٤و ئایارو ئېساڵی ھورچنیەو پەرلەمانی و سەرۊکایەتى تورکیای بلۊ ڕاۋە و هەدەپەیچ پېسە پارتێۋە کورڎی فرەتەرین ژەنیش پۍ ئا ھورچنیەیە کاندید کەرڎێنۍ.
هەدەپە جە ھورچنیاکانە تاكە پارتی سیاسی بیەن جە توركیانە كە تاۋانش ٢٣٠ ژەنۍ کاندید بکەرۊ و ٥٠٪ و کاندیدەکاش پۍ پەرلەمانی جە ژەنا پپێک ئامان، ئینەیچ بە ئەندازەو یەرە پارتەكەی تەرو دلۍ پارلەمانی بیەن كە هەریۊ جە ئاکەپە، جەهەپە، مەهەپەی و پارتەکا تەری، گرڎشا ئنەو هەدەپەی كاندیدۍ ژەنیشا بیێنۍ.
پەرلەمانو توركیای ١٧٪ و پەرلەمانتاراش جە ژەنا پێكمۍ، ژمارەو پارتو پەرلەمانتارا ژەنۍ پی جۊرەنە
ئاكەپە جە ٢٩٥ پەرلەمانتارانە،٥٢ۍ پارلەمانتارۍ ژەنێش ھەنۍ
جەهەپە جە ١٤٦ پەرلەمانتارانە، ١٨ پەرلەمانتارۍ ژەنیش ھەنۍ
هەدەپە جە ٦٧ پەرلەمانتارانە، ٢٦ پەرلەمانتارۍ ژەنیش ھەنۍ
مەهەپە جە ٤٩ پەرلەمانتارانە، تەنیا یەرۍ پەرلەمانتارۍ ژەنیش ھەنۍ
پارتی باش جە ٤٣ پەرلەمانتارانە، تەنیا یەرۍ پەرلەمانتارۍ ژەنیش ھەنۍ
ھ.ش
