کورڎسانیۍ و دۊسەکێشا پاریسوو پایتەختوو فەڕەنساینە بە سەرمەشقایەتیی جمیەروو ژەناو کوردی ئەورووپانە (تەژەکە-ئە) پەی دادپەروەری و وەنەپێتەیۊ جە بکەراو کۊکوشییەکاو پاریسی ڕاپیمایشا کەرد.

تووڕەیی  دژوو کۊکوشی

چونکوم تا ئیساتۍ دەوڵەتوو فەڕەنسای ئا کۊکوشییەشە ڕۊشن نەکەردەنۊ، کوردۍ و دۊسەکێشا تووڕەبییەیشا مەیدانەکانە  نیشانە مدا. چالاکۍ دادپەروەری و ڕاسیی جە سەعات ٠٥:٠٠ۊ جە مەیدانوو پاریسی دو نۊرد-نە کوۍ بیێنێوە.

وتار و پەیامەکێ

ڕاپیمایەکە ساڵیادوو کۊکوشیی دووەموو پاریسینە تا مەیدانوو کۊماری دەسش پەنە کەرد و بەردەوام بۊ. شاعیرۍ، نویسەرۍ، سیاسەتمەدارۍ، ڕۊشنویرۍ، ئەکادیمیستەکۍ، هونەرمەندۍ بەشدارییشا ڕاپیمایەکەنە کەرد. دماو ڕاپیمایەکەی کورڎسانیۍ و دۊسەکێشا کوۍ باوە. چەمەڕوان کریۊ ژمارێوە سیاسەتمەدارۍ و کەسایەتیۍ کورڎسانیۍ و دۊساو گەلوو کوردی وتار پێشکەش کەرا، حەرپاسە پەیاموو چند ڕێکوزیایۍ کورڎسانیۍ و میاننەتەوەیێچ ونیاوە.

جە بەیانیی زوۊ بەرەو پاریس خرۊشیێنێ

جە وەڵاتە جیاجیایاو ئەورووپایۊ کورڎسانیۍ و دۊسێشا بە ٢٠٠ پاسۍ ڕووەشا کەردێنە پاریس بە مەبەسوو بەشداربییەی وێنیشاندایە گەورەکەو یانزەیەمین ساڵیادوو تیرۊرکەردەی یەرۍ ژەنە شۊڕشگێڵناو کوردی سەکینە جانسز (سارا)، فیدان دۊغان (رۊژبین) و لەیلا شایلەمەز (رۊناهی) ێنە ملۊ ڕاوە.

زیاتەر جە ٥٠ شار و مەنتێقاو ئەڵمانیای و چندین شاراو بەلجیکای و هۊڵندایۊ کورڎسانیۍ پەی بەشداری جە وێنیشانداییەکەی ڕووەشا وەنەو پاریسی نیێنە.  

ڕۊو ٩ کانوونوو دووەموو ٢٠١٣ لاو میتی تورکیوە حەریۊ جە سەکینە جانسز، فیدان دۊغان و لەیلا شایلەمەزۍ پاریسنە تیرۊرۍ کریۍ، پێسە چالاکاو کوردی و دۊساشا باسش کەرا بۊنەو ئانەیۊ دەوڵەتوو فەڕەنسای ئا تاوانەی و بکەرەکێش ئاشکرا نەکریۍ، جە ٢٣ کانوونوو یوەموو ٢٠٢٢ینە حەریۊ جە ئەڤین گۊیی، هونەرمەند میر پەروەر و عەبدولرەحمان کزڵیچ کە پاریسنە تیرۊرۍ کریۍ.