ناوەنڎوو هەماهەنگی پاژکی جە ماڵپەڕوو ۋېشەنە بەیاننامېوەش وەڵاکەردۆ و ئەرەیاۋناش:"ساڵەو ٢٠٢٤ کەرمۍ بە ساڵەو ئازاڎیی جەستەیی ڕابەر ئاپۆی و ئازاڎیی ژەنا". حیچ هێز و پیلانێوە مەتاوۆ ڕاما ۋنە گێرۆ".

بەیاننامەکە پی جۊرەنە:

"جە ١٢ەمین ساڵیاڎوو گەشمەرڎەبیەو  ڕەمزەکا مدرامانوو کۊشیاکەیمانە ساکینە جانسزە، ڕۆژبینە و ڕۆناهیێ جە کادیرە شوڕشگێڵنەکا جمیەروو ژەناما بە ڕێز و حورمەتۆ یاڎشا کەرمېوە". ئی هەڤاڵېما جە ٩و کانوونوو دووەموو ٢٠١٣ جە پاریس بە پیلانێوە نامرۆڤانۍ تیرۊر کریۍ. جە کەسایەتی یووە جە سەرمەشقەکامانە، ئەڤینە-ئەمینە کارا،ینە کە جە دووەم کۊکوشی پاریسینە تیرۆرەکریا، ئێمە هونەرمەنڎوو کوردی میر پەروەری و وڵاتپارێزی ئازیزیما عەبدولڕەحمان کزڵی بە ڕێزۆ ۋیر مارمېوە، وەعدوو ۋنەپەرسایۆ جە بکەراو کۆکوشیەکەی واوەی کەرمېوە. وەعد مڎەیمۍ کە بەدڵنیاییوە ئی پیلانە تاریکۍ دژ بە سەرمەشقەکا کۊشیاکەیما ڕۊشن کەرمېوە. سەرەو ڕێزی پۍ یاڎوو گەشمەرڎا منامنمېرە و جارێوەتەر کۆکوشییەکا پاریسی شەرمەزار کەرمۍ.

ئێمە هەڵای ئێشوو کوشتەی ئەندامەکا ئەرەمەرزنەروو پارتیما پەکەکەی، سەرمەشقا و تاریخی زینڎەو کۊشیای ژەناما، سارا ساکینە، ڕۆژبینە و ڕۆناهیێما جە دڵەنە مەنەبۍ، دووەمین کۆکوشی پاریسی ڕووەشدا. جە ساڵەو ٢٠١٣یوە گەل و ژەنا کوردی جە مېڎانەکانە پۍ ئانەی سەرنج وزا سەروو کۆکوشییەکەو پاریسی و پۍ بەرکۊتەو ڕاسییەکا کۊشیای کەرا.

جیای ئانەی دەسەڵاڎداراو فەرەنسای سەرنج وزا سەروو کۆکوشی نامرۆڤانەو دەوڵەتوو تورکی، زەمینەشا پۍ دووەم کۆکوشی پاریسی جە ٢٣ۍ کانوونوو یووەمینە ڕەخسنا. گرڎ چېوۍ ئاشکران فایلەکۍ دیارېنۍ، بەڵام قەراری پەنهانی سەروو دۆسیەکەی دریان، داوا کریان مامەڵەی گڵیا و پەیوەندییەکاش سەبارەڎ بە کۆکوشییەکەی بشاریاوە.

حۊڵ مڎا دەس جە دۆسیەکا هۊرگێرمۍ

ساکینە جانسزە کە جە پێکئامای و قۆناغەو گروپوو پارتیمانە دەورش بیەن، فیدان دۆغانە کە جە بەشوو دیپلۆماسینە خۊتان دەورەبیێنە و یووە جە سەرمەشقەکا گەنجا لەیلا شایلەمزە کۆکوش کریۍ ئینە بەڕێکۆت نەبیەن بەڵكم هۊرچنیێنۍ. جە وەختێنە کە چنی ڕابەر ئاپۆی پڕوسەو چارەسەری گفتوگۆ کریۍ، یەرۍ ژەنۍ کە نوێنەرایەتی کۊشیای پۍ ئازادیی ژەنا کەرېنۍ کریۍ ئامانج. ڕابەر ئاپۆ بە 'گەورەتەرین پڕۆژەو وێش' نامېش بەردەن، بە تایبەت هۊرچنیەو ساکینە جانسزۍ کە جە ڕاو کۊشیای و مدرامانوو وېشۆ بیە بە ڕەمزەو ژەنێوە ئازاڎۍ، کریۆ ئامانجوو ئی پیلانۍ و ئامانج دایونەیبۍ جە بەقووەتتەرین لایەنوو نزیک جە ڕابەر ئاپۆی . هەڤاڵ ساکینە جە ساڵەکا سەرەتاو کۊشیاینە تا بە پارتی بیەی و بەشداری و فاڕای پارادایمی و ئەرەمەرزنای سیستموو کۆنفیدرالیزمی دیموکراتیکینە دەوری کاراش بۍ، هەڤاڵ ساکینە بەبێ دوودڵی چنی سیاسەتەکا ڕابەر ئاپۆی لووۍ و بەردەوام قەناعەتش بە پەرەپنەدای سیستموو کۆنفیدرالیزمی دیموکراتیکی بۍ. ئە کۆکوشییە بە یەکجاری پڕوسەو چارەسەری دیموکراتیکیش تێکدا و پی جۊرە قەرار دریا کە سیاسەتوو ئینکاری-دلېنەبەردەی جە گرڎ بوارێنە جابەجێ کریۆ. ئەگەر مرۆڤ وریا بۆ، چا ڕوۆ تا ئارۆ، سیاسەتوو کوشتەی- نکوڵیکەردەی بە ۋەرفراوانی ملۊڕاوە. سەروو ڕابەر ئاپۆیۆ گۆشەگیری دەسش پنەکەرڎ و ئا ڕۍ کە جە یاساکاو تورکیای و میان دەوڵەتیینە بیەیش نییا وزیا بوارو جابەجێکەردەیۆ. ئانۍ پلانە و کۆکوشی پاریسیشا نیارە ئاشکرۍ مەکریا، بکوژەکە لادریا. پی جۊرە حۊڵدریا بکەرا ڕووەداکەی جە ویروو گەلینە نەمەنۆ.

جە کوردسانیچ فاشیزم دژوو ژەنا سەرمەشقی و گەلەکەیما بە هەمان سیاسەت بە خێراییوە بەردەواما. ژەنا وېڕاگری کوشیا، بەردەوام هجوم کریۆ سەروو پیرۆزییەکا کوردی و چەکی قەڎەغەکریا دژوو گەریلای بەکارمۍ. جە وەران وەروو ئینەینە هەمان هێزە پیلانگێڵەکۍ ۋېشا کەڕ و کۊر کەرا. گەرەکشانە پی عەقڵیەتەیە کۆکوشییەکا پاریسی ئاسایی نیشانە بڎا و جە ویر کریا. بە هەرچېوۍ بۆ، جەنگوو ئێمە دژوو ئا عەقڵیەتەیە بەردەوام بۆ. پۍ ئانەی ڕاسییەکاو ئی کۆکوشییاو دەوڵەتوو تورکی و لایەنگراش ئاشکرۍ کریا و جە ۋەران ۋەروو تاریخینە ۋنەپەرسایشا چنی کریۆ، کۊشیایما بەبەردەوامی جە گرڎوو بوارەکانە بەردەوام بۆ.

کوشتەی بکوژوو کۆکوشییەکەو پاریسی (یان بێسەروشۆنکەردەیش) مەبۆ بە مەڵامەتوو پۊشنایرەو دۆسیەکەی. جە بەڵگەنامەکانە بەرکۊتەن کە ئەنجامدەروو ئی کۆکوشییەیە ئەنداموو هەواڵگری دەوڵەتوو تورکین و بە هامکاریی ئەرەمەرزیاکا و هێزە جیاوازەکا بە شێوېوە ڕێکوستەی ئی کۆکوشییەشە ئەنجام دان. حۊڵوو دادگاو فەرەنسای پۍ وستەیرەو دۆسیەکەی، نیشاندەرو هامکارییەکاشا چی کۆکوشییەنە.

ئێمە پېسە پاژکی، ئی کۆکوشییە جە ویر مەکەرمۍ و نمازمېچ جە ویر کریۆ. گەلوو کوردی، ژەنا و دۆسەکاشا بە دڵنیاییوە بە کۊشیایشا ڕاسیەکا پەشتەو ئی تاریکیە ڕۊشن کەراوە.

ڕابەر ئاپۆ کۆکوشی پاریسیش بە 'کۆکوشی دووەموو دێرسیم'ی پێناسە نەکەردەن. چونکی جە کەسایەتی هامڕېما سارېنە، ڕابەرایەتیما، کۊشیایش پۍ ئازاڎیی ژەناو کوردسانی و بەهاکاش کریان ئامانج. جە سەردەمێوەنە کە جمیەروو ژەنا جە چوار پارچەو کوردسانی و بەروو وڵاتینە کۊشیای فرە کاریگەر جە دژوو سیستموو پیا سالاری ڕاوەبەر کەرۆ ، ئی کۆکوشییە بە مەبەسوو ناستەی ئا کۊشیایە ئەنجامدریا. جە وەختێنە کە ژەناو کوردی چنی ژەناو جەهانی پەیوەنڎییشا وەشکەردەبۍ و بە کۊشیایشا جۆشێوەش وەش کەردەبۍ، دووەمین کۆکوشی پاریسی جە ٢٣ۍ کانوونوو دووەموو ٢٠٢٢ ېنە سەروو هەمان ئامانجی گڵیاوی ئەنجامدریا.

سارا واتە خوڵقەکەردەی پۍ کۊشیای

کۆکوشییەکۍ پاریسی توڕەیی قووڵش لاو ژەنا، گەل و دۆسەکاماوە وەشکەرڎ. هەڤاڵەما سارا کە تاریخوو زینڎەو کۊشیایمانە، بە هەڵوێسش جە دژوو ئەشکەنجەدەرا، بیێنە بە داسانوو گەلەکەیما. تفش جە میاچەماو نەیاراش کەرد و تا دمایی پاگیریش سەروو کۊشیای کەرڎ. جەسارەت و ئیراڎەش جە تاریخمانە بە پیتەی زێڕینە نوویسیان. بە نوێنەرایەتیکەردەی بەهاکاو بەسێ و زەریفەکا و سەڎان ژەنا کە چا مەجالەنە ڕەنجشا دان، بیەن بە بەهاو ئازاڎیی هەم پۍ گەلوو کوردسانی و هەم پۍ ژەنا و گەلاو ۋەرکەوتوو دلېڕاسەی و ڕەمزێوە گرڎیا. ئنڎەو ژیۋایش کە بیەن بە مژاروو داستانەکا، بیەن بە سەرچەمېوە نەمر کە گرڎوو ژەنا بە گەشمەرڎەبیەیش جە دەوروو یۊی کۊکەرۊوە. سەرمەشقېوە ئەفسانەییە بۍ کە ژیۋای ۋېش پەی کۊشیای حەقیقەتی بەخشا و جە ۋەران ۋەروو ستەموو ستەمکارانە سەرەش نەنامنارە. ئی ڕاسییەنە خاڵەو هورچەرخناو کۊشیای ئێمە پۍ ئازاڎیی ژەنا.

پی مەعنۍ حەقیقەتوو سارا-ساکینە جانسزۍ بیێنە بە جەوهەروو ئیراڎەو بەقوەت و سەرمەشقایەتی جمیەروو ئازاڎیی ژەنا و ئازاڎیی گەلوو کوردی. پۊکەی ساکینە جانسزە واتە ژیۋای و ئازاڎیی! واتە کۊشیای پۍ بنیاڎنیای ژیۋایۍ تازەی بە هوشیاری ژەنا سەروو خاکوو خوڎاوەندەکاوە بە شکۆمەندانەتەرین شێوە. هەزاران ژەنی کە ئی میراتەشا پۍ مەنەنۆ، بە هەمان ڕۆح و پا گیریوە جە کەشەکا کوردسانینە کۊشیانە و جە دەشتە و شار و گرڎوو جەهانینە کۊشیایشا بەرز کەراوە.

سارا-ساکینە جانسزە، کە بیە بە ڕاهێبەو مدرامانی، بانگەوازێوەنە پۍ گرڎوو ئا ژەنا کە شۊنەو ئازاڎیرە گېڵا. بانگەوازێنە پۍ کۊشیای و ڕێکوستەی سەروو بنەماو ژیۋای و ئازاڎیی، پېسە سارۍ کۊشیای، ئازایانە پۍ ئازاڎیی جە ۋەران ۋەروو فاشیزمینە و جەنگکەردەی پۍ بنیاڎنیای ژیۋایۍ ئازاڎیی سەروو خاکوو خوڎاوەندەکانە، ڕوانگەی سەرەکیمانە پۍ کۊشیای. بە دڵنیاییوە بە پەشتیوانی شۆڕشگێڵنا ئاپۆیی و هەڤاڵ سارۍ گرڎوو تاریکی و پیلانگێڵنییەکا دلېنەبەرمۍ. مدرامان و ئیراڎەو بەهەیبەتوو سارا، ڕۆژبین، ئەڤین، رۆناهی، سێڤێ، فاتمە و پاکیزیەکا، پۍ ئێمە، ماناو خوڵقېنە پۍ کۊشیایۍ بەقووەتتەری. سەروو ئی بنەمۍ گرڎوو ئا ژەنا جە ۋەران ۋەروو فاشیزمی و دەسەڵاڎداری پیاینە ویستشا ئازاڎییا، به ڕۆحوو سەفەربەرییوە دەس بە کۊشیای کەرا. پۍ ۋنەپەرسایۍ تاریخی مەڵامەتی گەورەما ئینا وەروودەسینە. پۍ ئانەی سەرکۊتۍ بیمۍ و تاجەو سەرکۊتەی سەروو سەرەو وەرموو هەڤاڵاماوە بنیەیمېرە، جە گرڎ وەختۍ بە قووەتتەر و بە ڕێکوستەییتەر کۊشیەیمۍ.

ئێمە گرڎوو هێزوو ۋېما پۍ پارېزناو میراتوو گەشمەرداما کە بە ڕۆحی بەقووەتوو ئاپۆیی بنیاڎشا نیان کۊشیەیمۍ. پی ئیراڎەیە ساڵەو ٢٠٢٤ کەرمۍ بە ساڵێوە کە وەڵېکۊتەی گەورە پەی ئازاڎیی بەدەس بۍ و ئازاڎیی جەستەیی ڕابەر ئاپۆی دەسەبەر بۆ. حیچ هێز و پیلانێوە مەتاوۆ ۋەروودەمیمانە ڕاگیر بۆ. پېسە هەڤاڵ سارۍ جە زینڎانوو ئامەڎینە تفش جە میاچەماو دڕندەیی و خیانەتوو ستەمکارا کەرد، بە مدرامانوو ۋېش شکسش بە دوژمنی ئارڎ، سەرۍ گنمۍ! سەرکۊتەی و ئازاڎیی بە دڵنیاییوە پۍ گەلوو ۋېڕاگری بۆ، فاشیزم و عەقڵییەتوو پیلانگێڵنی مەحکوومېنۍ بە دلېنە شیەی".