جە پەیامەکەو پاژگینە ئاماژە پانەی کریان کە ئازاڎیی جەستەیی عەبدوڵا ئۆجالانی ڕابەروو گەلوو کوردی چی ساڵاو کۊشیایشانە ئامانجی سەرەکیشانە و واتش، "پی ویر و باوەڕۆ، یاڎوو جە ئەڎابیەو ڕابەر ئاپۆی پۍ ژەنا بەرز ڕاگێرمۍ”. ، گەلوو کوردی و دۆساو گەلی. مبارەکبایی جە ۋێشا مکەرا."

جە پەیامەکەو پاژگینە پی جۆرە ئامان: "وەڵۍ گرڎ چێوێنە مبارەکبایی ٤و نیسانی جە ڕابەریما، ژەنا، گەلوو کوردی و گرڎوو مرۆڤایەتی کە پەی ئازاڎیی کۊشیا. بە ماناو ژیۋایۍ ئازاڎیی، وەشی سەرکۊتەی ژەنێوە ئازاڎۍ، مبارەکبایی ماچمۍ". ، گلێرگێوە ئازاڎ، پا باوەڕیە کە جە ئەڎابیەو ڕابەر ئاپۆی جە ئەڎابیەو ئینسانێوە ئازاڎی و جە ئەڎابیەیۆ مرۆڤایەتیێوە ئازاڎییا.

٤و نیسانی بانگەوازوو ئازاڎیی گەلوو کوردین دژوو قڕکەردەی و کوشتەی و ئەرەگیری

رابەر ئاپۆ هەڵوێسوو کوردی ئازاڎییا جە ۋەرا ۋەروو سیستموو دەسەڵاڎدارینە کە گەرەکشا کوردوو ۋێش خوڵقنۆ و پەی ۋێش کۊشیۆ، وەشکەرد. جە ئەڎابیەی بە مەعناو مردنای ئا رەوتەیە روو جە هۊروێڵیای و سەرەو چێری و یاونایش بیەن بە رەوت و ڕاکەردەی راس و دروسی. پی مەعنۍ ٤و نیسانی نەک هەر جە ئەڎابیەی تەنیا ئینسانێوەن، جە ئەڎابیەو گەلێوەن، جە ئەڎابیەو ملوێنان کەسان. بەتایبەتی جە ئەڎابیەو گەلوو کوردین. ٤و نیسانی بانگەوازوو ئازاڎیی گەلوو کوردین جە ۋەرا ۋەروو ئەسڕیەیۆ، قڕکەردەی و ئەرەگیرینە. نەک هەر نوێنەرایەتی یەک جە ئەڎابیەیش کەرد، نوێنەرایەتی ژیۋایۆ گرڎوو چێردەساش کەرد. هەمان وەخت ژیۋایۆ ژەنۍ ئازاڎیی، گلێرگەی ئازاڎیی و ئینسانی ئازاڎییا.

٤و نیسانی بۊبەمایۍ ئانەی جارێوەتەر گێڵایۆ ئا جەوهەرەی جە مرۆڤایەتی دزیان. ئانە بۆ بە گەورەتەرین هێزوو فاڕیای و هۊرچەرخنای. رابەر ئاپۆ ئا هێزوو فاڕیای و هۊرچەرخنایەی جە ڕاو پارێزنامەکاشۆ کەرد بە دیاری پۍ گرڎوو مرۆڤایەتی. ئارۆ بە مەڵامەتوو ئا خەڵاتیۆ جە گرڎ شۊنۍ جەهانینە جە تەرەفوو گەلوو کوردیۆ و دۆساشاوە خاوەنداری جە ئاستوو رێکوستەبیەی ژیۋای و کۊشیاینە موینیۆ.

گەلوو کوردی ئارۊمانە فرە ئەنجامۍ گرنگۍ و سەرکۊتەی ئێژاش بەدەسئاردەن. ئا سەرکۊتەیە زیاڎ جە گرڎ کەسی جە رێکوستەی و زانابیەی ژەنانە ئاشکران. ئا فشارەی سەروو ژەناوە هەن جە ئاستێوە باڵاتەرەنە سەروو گلێرگەیچ بەرەو وەڵۍ ملۆ. جە ۋەرا ۋەروو ئا دیاردەینە سەرهۊرداو ژەنا و بانگەوازوو ئاڎیی پۍ ئازاڎیی جە هەمان وەختەنە بە مەعناو مردایۆ خودوو گەلوو کوردین. رابەر ئاپۆ ژەنی و ئازاڎیش بە یۊترینی ئشناسۍ، ژەنیش بە ئشناسنامە و وەڵینگەو ۋێشا ئشناسۍ.

مزانیۆ کە هەر ئینسانێوە جە ئەڎابیەیێش هەن. ئانە حەقەتینێوە بایۆلۆژیکا، بەڵام جە ئەڎابیەی فکری گرڎ وەختۍ نمۍ دی. ۋەروو ئانەی ئینە جە ئەڎابیەیۍ فرە گەورە و دژوارا. پۍ وەڵێکۊتەیچش پەنەوازش بە رەنج و ئامانجی گۊرەی هەن. پێسە مزانیۆ هوشیاری دەوڵەتی چێروو نامۍ شارستانیەتی مرۆڤایەتینە نیازش بۍ گرڎوو دۊڵەمەنڎیی ۋەرکەوتوو دلێڕاسەی بە دۆڵەمەنڎیی ئینسانە ئازاکا وزۆ چێروو کاریگەری و ئەرەگیری ۋێشۆ. بە هەزاران ساڵێن ئا ئەرەگیریەیشە درێژە پنەمڎۆ. کولتور و خوڵقنای ئاڎیی، پێسە هینوو ۋێش گێرۆ و بەکارش مارۆ. بەرهەمەکۍ ئینسانەکاشا جە ۋەرا ۋەروو ئانەینە بەکارئاردۍ.

جە ئەڎابیەی رابەریما بی بە مەڵامەتوو دمایی ئاردەی پا گرڎ نزیکایەتی، ئەقڵیەت و ویرکەردەیۆیە، جە ڕاو سەرچەمەکا ژیۋایۆ چنی ۋێش تازەبیەیشۆ سازکەرد. جە ئەڎابیەو رابەریما بە جە ئەڎابیەیۍ ئاساییرە نەویەردەن. بە گرڎ مەعنێوە جیاوازی ۋێش ئاردەن ئاراوە. رابەرما پۍ ئانەی ژەنی جە ئاستوو بەکاڵابیەینە ویەرا، بە رێکوستەی با و زانۍ باو گەورەتەرین رەنج و مانیایش کێشتەن. ئازاڎیی پۍ ژەنا بیەن بە حەقەتینێوە کە مەتاویۆ دەسبەردارش بۆ. ئازاڎیی ژەنا بە ئاستوو کۊشیای ئارۊی ئامان ئاراوە. جە تەرەفوو ژەنا ۋەرکەوتوو دلێڕاسەی و ژەنا کوردیوە ئی ڕووە گرنگیێوە فرەش پنە مڎریۆ.

ڕابەرێتی ئیرادەو ژەنێ ئازادێش بەر وست

چەنی سیستمو شارستانی ٥ هەزار ساڵەی و پێسەو دەرئەنجامی دڕندانەو سیستمی سەرمایەداری، گردو گەلاو جیهانی کەوتێنێ چێرو ئەرەگیرکاریێوی گەورەی و وەرفراوانیوە. ئەنجامو ئەرەگیرکەردەی سەرو ئینسانیەتی، سروشتی و ژیوگەی قڕێ کریۍ. بە نامێ یەکسانی و ئازادییوە گردو بەها کۊمەڵایەتییەکا پاشێلێ کریۍ. جە حیچ سەردەمێوی تارێخیینە جڤاک پا شێوە بێ پارێزنای جیا نازیان. بە تایبەت ژەنی قوربانیێ سەرەکیێ کردە و پراکتیکو ئی سیستمەینۍ. بە بەرکەوتەی ڕابەر ئاپۊی، جە نەهامەتی و هەرمانەکاو ئی سیستمەیشە کۊڵاوە، چارەسەرەکێشا بەرکەوتێ و بیێ بە جوابو هومێدەکاو ژەنا. ئینەیچ هامزەمان ماناو پەیدابییەی ژیواێوە ئازادین وەراوەرو سیستمو پیاسالاری. بۊنەو ئا گردو کردەوە دژە ئینسانی و دژە سرووشتیاوە، سەیەو فەلسەفەو ژیوای ئازادیی ڕابەر ئاپۊی، ئەم ژیوایە بە پاو ژیوایۊ جە ڕاو ئازادیی ژەنێوە دەسش پەنە کەردەن. ئا ڕاسیێ  جە ڕاو ژەناوە دەسشا پەنە کەرد و لاو سیستمی پیاسالارییوە دلێنەشیێ و واوەی بەرێ کەوتێوە. ڕابەر ئاپۊ ئازادیی ژەنێش وست چەقو ئازادیی جڤاکی و پاسە نرخنایش پەی کەرد و ڕاو فەلسەفەو ژیایۊ چارەسەرێوی جڤاکییش فۊرمولە کەرد. واوەی ڕابەر ئاپۊ قۊناغو ئیمراڵیینە دژو زیهنیەتو پیلانگێڵنی، مۊدێلو جڤاکی دیموکراتیک-ئیکۊلۊژیک-ئازادی ڕەگەزییش خولقنا. چێوە ئیرادەو گەلا چەنی ڕاسیی جڤاکی سیاسی و ئەخلاقی ئاشکرا کریا و وەراوەرو ئیرادەو تاک ڕەهەندی پیای، ئیرادەو ژەنێ ئازادێش بەر وست.

پێسە ژەناو تەڤگەرو ئازادیی کوردستانی پەیدابییەی ڕابەر ئاپۊی پێسەو سەرچەمەو ژیوای وێما موینمێ، بەڵام چونکوم هەڵای ڕابەر ئاپۊ ئینا ئیمراڵیینە، جە گرد وەختێو زیاتەر وەراوەرو ئی ڕەوشەیە تووڕێنمێ و تا مسۊگەرکەردەی ئازادیی جەسەیی ڕابەر ئاپۊی هەڵوێستو کۊشیای مگێرمێنە وەر. پێسەو پارتو ئازادیی ژەنا (پاژک) ساڵەو ٢٠٢٤ ینە پەی ئازادیی جەسەیی ڕابەر ئاپۊی کۊشیەینمۍ. بەپاو ئینەیە هەڵوێستو وێما ئاشکرا مکەرمۍ. پەی ڕابەری و دژو ئا ڕاسییە نائینسانییە دژش مکریۊ، ئێساڵ زیاتەر جە جارا جە ٤و نیسانینە درەختێ منیەیمۍ. ٤ نیسانینە پەی ئازادیی ڕابەریما مۊرەو وێما وەنەو تارێخی مدەیمی. ٨ و ئاداری و نەورۊزینە بە هەڵوێست و ئاهەنگی گەورە پێسەو ژەنا خاوەنداریما وەنەو ڕابەریما کەرد. ئی٤و نیسانی بە نیای درەختا سرووشتنە وەنەو ڕابەریما نزیکێ بیمێوە. ئینەیچ بە زانایی و قووڵبییەیۊ ئیکۊلۊژی میاوۊ ئەنجام. تا ڕابەرما داری سەوز نەوینۊ، دارەکا بڕاوە. ئێمەیچ گرد دەڤەرێونە پەی ڕابەریما سەوز مکەرمۍ. پێویسا مدرامان و کۊشیای ئارۊو ژەناو کوردی شایسێ ڕابەریما بۊ، جە گرد یاگێونە خاوەنداریی وەنەو ڕابەری بکەرمێ و بە ڕۊحی گەرمتەرۊ ئی ڕوا جە ڕابەریما بکەرمۍ.

هەرپاسە ڕابەر ئاپۊ گردو ژیوایش پەی ئازادیی ژەنێ و ئازادیی گەو کوردی و ئینسانیەتی تەرخان کەرد. پەی سەروستەی ئینەیە، پەی زیندەکەردەیۊ باوڕ و هومێدی، کۊشیای و مدرامانیوی بێنموونەش وست وەڵۍ. ڕابەرما ٢٥ ساڵێن ئیمراڵیینە ئینا گۊشەگیریێوە تندنە، چاگەیچ پەی ئازادیی ژن-جڤاکی و ئینسانیەتی مدرامانی تارێخی مکەرۊ. هەڵوێست و کۊشیای ٨ ئاداری و نەورۊزی پاگێرتەیرە جە ئازادیی جەستەیی ڕابەرێتی بۍ. باوڕما پاسنەن کۊشیای چینە و دماییچ هەمان ڕۊحۊ بۊ. پێسە چەنی گەریلاکاو ئازادی چەنی خەڵکی ئایرو کۊشیایشا بەرز کەردۊ،شمەیچ بە سەرمەشقایەتیی ژەنا سەرکەوتەی مسۊگەر مکەردۍ.

ئێمە پێسەو پاژکی واوەی ماچمیشۊ ئازادی جەسەیی ڕابەریما چی ساڵە دژوارێ کۊشیاینە، ئامانجی سەرەکیی ئێمەن. پی ویروباوڕۊ ڕۊو پەیدابییەی ڕابەر ئاپۊی جە ژەنا و گەلو کوردی و دۊسەکاش مەبارەک مکەرمۍ.