پەدەکە بەشداریی ورچنیەی نمەکەرۆ
مەکتەبی سیاسیی پەدەکەی پێوەس بە قەرارو دادگای فیدراڵیی عێراقیوە، سەرو ورچنیەی پەرلەمانو هەرێمو کوردستانیوە ئەرەیاوناش، کە بەشداریی ورچنیەی نمەکەرا.
مەکتەبی سیاسیی پەدەکەی پێوەس بە قەراروو دادگای فیدراڵیی عێراقی سەروو ورچنیەی پەرلەمانوو هەرێموو کوردستانی، هەڵوێستوو پارتەکەیش ئەرەیاونا.
ئەرەیاونایەکەو مەکتەبی سیاسیی پەدەکەینە ئامان: "ئێمە پابەندێ قەرارەکەو دادگای فیدراڵیی عێراقی نمەبیمێ و بەشداریی ورچنیەیێوە نایاسایی و نادەستووری سایێ سیستمێوە سەپیاینە نمەکەرمێ".
یاگێ ویرۆوستەینە ورچنیەیە وەڵیناو پەرلەمانوو هەرێموو کوردستانینە پەدەکە ١١ کورسیێ کۆتای پێکئامایەکا بەرژەوەندیی وێشنە بەکار ئارێ، بەڵام ٢١ شوباتو ٢٠٢٤ دادگای فیدراڵیی عێراقی قەراروو ورشانایوە کورسیی کۆتاکاش دا و واتش ئی ورچنیەیە بە شێوەی چواربازنەیی کریۆ و چێروو چەمداریی کۆمیسیۆنو باڵاو ورچنیەیەکاو عێراقینە بۆ.
چەمدارێ بەگومانۆ پەی قەرارەکەو پەدەکەی مدیا، بڕواشا چانێنە پەدەکە نمەتاوۆ ئەنجامی دڵواز ورچنیەییەکانە بەدەس بارۆ، پەوکای ڕاو وێ پڕنایۆ "بایکۆت"ش ورچنیەن.
