دماو ئانەیە کارتەکاو پەدەکەی پەی دماکەوتەی ورچنیەیەکا شکسش ئارد، بە پاو تازەتەرین زانیاری، پارتی بە هانی دەوڵەتو تورکی، کارتو وەشکەردەی جەنگی دژو کوردی هەرێمەکاو پارێزنای مەدیاینە مکەرۆ بە بەهانێوە پەی دماوستەی ورچنیەیەکا و ئەرەیاونای باری نائاسایی.
دروسبییەی و ئەرەیاونای جەنگی ئینا سەعاتەو سفرینە و پارتی هێزەکاو 'ڕۆژی و گوڵان'یش بەرەو هەرێمەکاو پارێزنای مەدیای وستینێ حاڵەتو ئامادەییوە بە مەبەسو وەشکەردەی بارودۆخێو تا چا ڕێوە و نزیکتەرین وەختەنە باری نائاسایی ئەرەبیاونۆ.
دماو ئانەیە پەدەکە پەی دماوستەی ورچنیەیەکا شکسش ئارد، بە پاوی تازەتەرین زانیاری، پارتی بە هانەو تورکیای کارتو وەشکەردەی جەنگی دژوو کوردا هەرێمەکاو پارێزنای مەدیاینە مکەرۆ بە بەهانێوی تەرە پەی دماوستەی ورچنیەیەکا و ئەرەیاونای باری نائاسیی لایێوە و ئاردەی زیاتەرو سوپاو تورکیای پەی دلێ خاکو کوردستانی لاێوی تەرۆ.
زانیارییە سەرەتاییەکێ باسوو ئانەیە مکەرانێ دماو ئانەیە ئەوەی حەفتەی وەڵین پەدەکە زیاتەر جە ١٠٠ سەیارە سەروازییاش بە چەک و جبەخانەوە داخڵێ دلێ کوردستای کەردێنێ، ئیساتێ هێزەکاو ڕۆژی کە لاو تورکیایۆ پەڕچەکێ مکریا دەکرێن و مەشقشا پنە مکریۆ هاموەخت هێزەکاو گوڵانو پەدەکەی وزیێنێ حاڵەتو جموجووڵیوە بەرەو هەرێمەکاو پارێزنای مەدیای و ئینێ وەڵێ سوپاو تورکیوە پەی هجوومکەردەی.
زانیارییە بەدەسئامێکێ ئاماژە پەی گیسیاینەی جەنگی مکەرانێ ئان و ساتەنە، پاسە کە پەدەکە گردو ئامادەکارییەکاش پەی ئا جەنگەیە تەمامنێنێ و گەرەکشا لاو کەمیوە هەرێمو کوردستانی پەی ئی قۆناغەیە بوزۆنێ حاڵەتو جەنگیوە بە مەبەسو وەشکەردەی شەرعیەتێو پەی دماوستەی ورچنیەی و درێژەدای بە دەسەڵاتیش ڕاو ئەرەیاونای جەنگی و باری نائاساییوە.
ئی کارتەو پەدەکەیە ئینا وەختێوەنە هەرێمو کوردستانی بە بارێوی سیاسی و ئابووریی قەیراناوییرە مویەرۆ و هەرێمەکە ئینا وەردەمو ورچنیەی و دووەڕاێوەنە، پەدەکە ڕاو بەغدای و لایەنە سیاسییە عەرەبییە دەسەڵاتدارەکاو عێراق، ئەمریکا و وەڵاتە قەراربەدەساوە هەوڵێ دماوستەی ورچنیەیەکا مدۆنێ بەڵام بێئەنجام بییەن و گێرا ورچنیەی کارتو جەنگی دژو پەکەکەی پێسەو دمافیشەکی بوینۆ پەی دماوستەی ئا ورچنیەیە.
