پەدەکە هێزێوە سەروازیش کیانان پۍ کەش و گارەی
ئەرەیاۋییا کە پەدەکە هێزێوە ٢٥٠کەسی کە جە چەتەکاو ڕۆژی و زێرەڤانی پێکئامان، جە ما بەینوو کەش و گارەی و شێلادزێنە بنە پنە وستەن.
بە پاو زانیارییەکا، هێزێوە ٢٥٠کەسی کە جە چەتەکا ڕۆژی و زێرەڤانی پێکئامان، جە پانیشتوو شارەدەگاو شیلادزۍ ی سەر بە ئامێدی جە بەینوو کەش و گارەی و شیلادزێنە یاگەگیرکەردەن.
چەتەکۍ پەدەکەی جە دەوروبەروو دەگاکا خواستۆ، دەوک، لاتکەی و سەروکانی عەشیرەتوو زێباری بنەشا وستێنە و وچیۆ، تەوقەو شارەدەگاو شیلادزێشا دان.
بەپاو زانیارییەکا، هێزەکاو پەدەکەی یەرۍ نوقتۍ سەروازیێشا ئەرەمەرزنێنۍ.
جە دیمەنەکانە ئانە وینیۆ کە هێزەکاو پەدەکەی شش هامەرۍ سەروازیۍ دۆشکەدارۍ، ٣ گەڵابۍ، ٣ حەفارۍ، تانکەرێوە ئاوۍ و چنڎین پێداویستیۍ مەدەنی و سەروازیێشا بەردێنۍ پۍ هەرێمەکەی.
