ئەنداماو تابوری نەمرانی گەشمەرڎە رۆژهات زیلان و گەشمەرڎە ئەرداڵ شاهین کە ١و تشرینوو یووەم و ٢٠٢٣ جە ئەنقەرەنە چالاکی گیانبازییشا کەرد ، وەڵۍ ئانەینە بەرەو ئەنجامدای چالاکیەکەی گناڕا قسێشا کەردېنۍ و قسەکېشا جە گەریلا تیڤیۆ وەڵا کریېوە.

رۆژهات زیلان بە سڵام کیانای پۍ هامڕایاش جە مېڎانەکا مدرامانینە دەسش بە قسەکاش کەرد و واتش، "وەڵۍ گرڎ چێوێنە سڵام جە هامڕایاما کەروو کە جە سەنگەرەکاو جەنگینە کۊشیا، حەرپاسە هەڤاڵە گەشمەرڎەکاما بە رێزۆ یاڎ کەرووە و وەعدوو حەق کەردەیۆ دووپات کەرووە.

ماوېوە فرە بۍ کە چەمەڕۍ بێنمۍ چالاکی گیانبازی کەرمۍ. ئێمە دمایچ کۊتیمۍ، بەڵام دماجار هەلومەرجەکە رەخسیا. وەروو ئانەیچە رەخنەداو ۋېما کەرمۍ. ماوېوە فرەن بە قۆناغێوە دژوارەرە وییەرمۍ. بەردەوامی هجومەکاو دوژمنی، بەکار ئارڎەی چەکی کیمیاۋیی، هامکاری و داردەسەیی پەدەکەی دژواری ئا قۆناغۍ نیشانە مڎا. جە وەختی دیاریکریانە مشۊم بڕۍ هەنگامۍ بنریا، کریۆ کە چالاکیەکەما ئانەی بارۊنە دی. گەرەکمانە چی قۆناغە دژوارەنە ئەرکوو ۋېما بیونمۍ مەنزڵ . جمیەرەکەما دەرفەتێوەش بە ئێمە بەخشا سەروو ئانەیچە دڵوەشێنمۍ و پڕ جۆش و خرۆشێنمۍ. جە وەختێنە کە گۆشەگیری سەروو ڕابەرایەتی پا رادە تنکریانۆ، هجومەکۍ جە دژوو جمیەری و گەلەکەیما زیاتەرۍ بیۍ، ئشیۍ بڕۍ چێو کریابیۍ. گرنگا کە بڕۍ چێوۍ جە یاگۍ حەقەتینە و وەختی حەقەتین و دروسەنە بکریا. ئا وەختەیچە وەختۍ پی جۆرەنە. چی قۆناغێنە فرەو هەڤاڵاما گەرەکشابۍ جە یاگۍ ئێمەنە با، ئێمە هەست پانەی کەرمۍ. هامڕێکېما ئینۍ دڵمانە.

جە مېڎانەکا مدرامانینە هەڤاڵۍ گەنجۍ فرۍ بیەیشا هەن. وەختۍ ئا هەڤاڵا وینمۍ فرە ورە و هێزشا چنە هۊرگێرمۍ، بڕواما حێقمتەر بۆ. بێگومان ڕاوەبەردەی جەنگێوە پی جۆرەی ئاسان نییا، بەڵام بڕوا و ئیراڎەو ئا هەڤاڵا راسی ڕابەرایەتی و جمیەرەکەیمانە. دوژمن پۍ ئانەی هەڤاڵێوەما تیرۆر کەرۆ، چێشش دەسەنەمۍ کەرۊش. پېسە مزانیۆ چەکی کیمیاۋییچ بەکارمۍ. پی بۆنۊ جە کەسایەتی باز مۆردەمی و هەڵبەست کۆچەرینە گرڎوو هامڕایاما کە بە چەکی کیمیاۋیی گەشمەرڎۍ بیۍ جارێوەتەر بە رێزوو حورمەتۆ ویرمارووە. گەشمەرڎەبیەو ئا گرڎ هەڤاڵا بە چەکی کیمیاۋیی پۍ ئێمە فرە قورس و دژواربۍ. یۆ جە ئامانجەکا هجومەکا بە چەکی کیمیاۋیی سانایۆ حەقەو ئا هامڕایامانە کە تیرۆر کریۍ. ئامانجما ئانەن کە ڕابەرایەتی، جمیەرەکەیما، گەلەکەما و هامڕایاما سەرۍ گنا. ئێمە وەعدوو ئانەیما دان و وەختۍ ئا وەعدە بریۊنە سەر ئا وەختە ماناڎار بۆ. پۍ ئێمە فرە گرنگ و بەقیمەتا کە چالاکیەکەما سەرگنۆ. چنی هەڤاڵ ئەرداڵی بڕواما بە سەرکۊتەی تەمامەتی هەن. ئێمە حەقەو ئا هەڤاڵاما کەرمېوە کە بە چەکی کیمیاۋیی گەشمەرڎۍ بیۍ. ۋەروو ئانەی ئانە جە دڵمانە زامېوەن.

داواکاریما جە هامڕایاما ئانەن کە ۋېشا پارێزنا، ۋېشا بەقووەت کەرا، گورزەی قورسە جە دوژمنی بڎا. قۆناغوو ئیسەی ئانەی وازۆ. وەختۍ تەماشەوو چالاکی هامڕایاما کەرمۍ موینمۍ کە چنی گورزەی قورسە جە دوژمنی مڎا. بەتایبەتی ئەنجامدای ئا چالاکیا کە یەژاستار کەرۊشا هێز و ورەمان پنەما بەخشۆ. هەڤاڵا ژەنی جە گرڎ مېڎانېنە سەرمەشقایەتی پۍ کۊشیای کەرا. جە مدرامان دژوو دوژمنینە هامڕێکېما رەنج و حۊڵی فرەشا کېشت. یۊ بە یۊ سڵام جە هامڕایاما کەرمۍ، وەشەسیایی ۋېماشا پۍ بەربڕمۍ. سەربەرزێنمۍ کە هامڕۍ ئاڎیسانمۍ. ئێمە بە دڵێوە ئاسودە و بە بڕوا بە سەرکۊتەی گنمۍ ڕا. چەمېما جە دمای نیەنۍ. جارێوەتەر بە رێزوو حورمەتۆ سڵام جە گرڎوو هامڕایاما کەرمۍ، عال ئاگاڎارۍ ۋێتا بیدۍ.

گەریلا رۆژهات زیلان بە دروشمەکا 'بژیۋۆ سەرۆک ئاپۆ'، ' بژیۋۆ پەکەکە'، 'بێ سەرۆکی ژیۋای مەبۆ' و 'ژەنی، ژیۋای، ئازاڎیی' دمایش بە قسەکاش ئارڎ.

 با دوژمن عال ئانەی بزانۆ؛ کە مەتاوۆ دمایی بە پەکەکەی بارۆ

گەریلاو هەپەگەی ئەرداڵ شاهین باسش چانەی کەرد، کە جە ۋەران ۋەروو هجومەکا دەوڵەتوو تورکینە گەریلا مدرامانېوە گۊرەش کەرد و وەڵۍ ئانەینە گنۆ ڕا پۍ ئەنجامدای چالاکیەکەیش ئی پەیامشە ئەرەیاۋنا: "گەرەکمانە بیمۍ بە بەشێوە چی شەپۆلەو مدرامانینە. هامڕېکێما و جمیەرەکەما رەنجی فرەشا پۍ ئێمە کێشت و مافشا ئینا سەرماوە. گەرەکمانە لایەق پا ڕەنجەیە بیمۍ ئێمە ئینایمۍ قۆناغێوە فرە دژوارەنە. پەی ئازاڎیی کوردسانی، پۍ ئازاڎیی ڕابەرایەتی و گەلەکەیما، حەر شۊنېوە کە جمیەرەکەما و گەلەکەماش چنەبۆ، مېڎانوو مدرامانیا. وەختۍ گرڎ یاگۍ بی بە مېڎانوو مدرامانی ئا وەختە ئێمە سەرۍ گنمۍ. بێگومان ئاخېز پێویسش بە قوربانیداین. پەکەکە هەزاران جارۍ سەلەمنانش کە قوربانی مڎۆ، بەڵام هەنگامۍ پۍ دمای مەنیۆ. چێش پێویس کەرۆ تا دمایی کەرۊش. هەر جەنگاوەرێوە پەکەکەی فیدایێوەن. پەکەکە جە بنەڕەتەنە جمیەرېوە حەقسانا. ئێمە پېسە گەلی و گەریلای مشۊم چی قۆناغېنە ئەرکوو ۋېما بیاونمۍ مەنزڵ. ۋەروو ئانەی چی قۆناغېنە پەنەوازما بە گیانبازی فرەی هەن. ڕۆ دماو ڕۊی زیاتەر جە ئامانجەکەیما نزیکۍ بیمۍ. یۆ جە گۊرەتەرین ئامانجەکاما، مسۆگەر کەردەی ئازاڎیی ڕابەرایەتی و کوردسانیا. ۋەروو ئانەیچ مشۊم ئێمە ئەرکوو ۋېما جابەجۍ کەرمۍ.

ئێمە چنی هەڤاڵ رۆژهاتی ملمۍ پۍ ئەنجامداو چالاکی. ۋېم فرە بە بەختەوەر مزانوو، ۋەروو ئانەی جمیەرەکەما دەرفەتېوە پا جۆرەش پنەدانا. ئەنجامدای چالاکیۍ پی جۆرە داواکاری سەڎان هامڕایامانە. مزانمۍ کە باروو سەروو شاناما قورسا، حەرپۊکەی پۍ جابەجێکەردەی ئا ئەرکەیە بە شێوۍ شایستە، چېشما دەسەنە بۍ کەرمېش. جگە جە سەرکۊتەی حیچ ڕېوەتەرەما نیەنە. چی قۆناغەنە هامڕۍ فرە بەقیمەتێما جە دەسدۍ. ئانەی مشۊم کەرمېش ئەسایۆ حەقەو هامڕا گەشمەرڎەکامانە. با دوژمن عال بزانۆ؛ گرڎوو دنیۍ یۊگێرا مەتاوا دمایی بە پەکەکەی بارا. دوژمن بە گرڎ جۆرۍ بە تایبەتی بە بەکارئارڎەی چەکی کیمیاۋیی هجوم کەرۆ ، بەڵام نەتاواش مدرامانما ماڕۆ. پەکەکە هەر کە ڕۆ بۊوە گورزە جە دڵوو دوژمنی شانۆ. پۍ ئی گەلەیە، پۍ ئی جمیەرەیە و ئی ڕابەرەیە حەرچېوۍ کەرمۍ هەڵای هەر کەما هەزاران گیانېما با، ئێمە بەخشمېشا، هەڵای وەسۍ نییا. پەکەکە بەحرێوەن، ئێمەیچ گەرەکمانە بیمۍ بە دڵۊپېوە دلۍ ئی بەحرەینە. بڕواما پانەی هەن کە چالاکیەکەما سەرگنۆ.

تاکە داواو ئێمە جە هامڕایاما ئانەن کە چېش قۊمیۆ با قۊمیۆ دڵوو دوژمنی وەش مەکەردۍ. جە دژوو دوژمنی با بەردەوام ۋێشا پارێزنا. پۍ ئانەی چی قۆناغە دژوارێنە بە سەرکۊتانە بەرۍ بشا، مشۊمە بە دڵنیاییوە گرڎوو هەڤاڵا ۋێشا پارێزنا و جوابی پێویس بە دوژمنی بڎاوە. تاکە داواکاریما جە هامڕایاما ئانەن. جە گرڎ یاگێنە، جە گرڎ مېڎانېنە با خۊتانکەردەی جە جمیەری، رابەرایەتی و هامڕایاشا کەرا. ئینە پۍ ئێمە دمایی نییا، سەرەتان، ۋەروو ئانەیچ خواحافیزی جە هامڕایا مەکەرمۍ. ۋەروو ئانەی یەک ئامانجما هەن، گەرەکمانە ئی ئامانجیە بیاونمۍ بە سەرکۊتەی. گرڎوو ئا هامڕایا جە مېڎانوو ئازاڎیینە بە گیانبازی گۊرۆ کۊشیانە، وێڕاگری کەرا، جارێوەتەر بە رێزوو حورمەتۆ سڵامشا ونەکەرمۍ، وەشەسیایی ۋېماشا پێشکەش کەرمۍ. هیواو سەرکۊتەی پۍ گرڎیشا موازمۍ".