بۊنەو ١و ئایاری ڕۊو جەهانی کرێکاراوە، کۆمیتەو ڕاوەبەری پەکەکەی داواش جە گرڎ لېوە کەرد بە ئامانجوو ئازاڎیی جەستەیی ڕابەروو گەلوو کوردی عەبدوڵا ئۆجالانی، هەڵمەتەکۍ بیاونا بە قەلاپۊپێوە تازە و گرڎوو مېڎانەکا پەڕ بکەراوە.

جە میانەو ئەرەیاۋناکەینە ئاماژە بە هجوومەکا ئی دماییەو ڕژێمی فاشیستی ئاکەپە-مەهەپەی پەی سەروو گەریلاکاو ئازاڎیی کوردسانی کریان و ئی پەیامشە ئەرەیاۋنان: "پېسە جمیەری و گەلی بە ڕۆحوو مدرامانوو ئیمرالیوە دژوو ئا هجووما مدرامان مکەرمۍ و بە دڵنیاییوە سەرۍ گنمۍ."

دەقوو ئەرەیاۋناکەو کۆمیتەو ڕاوەبەری پەکەکەی ئینەن:

"ئانا گنمێنە ١و ئایارۍ تازەی کە ڕۊو یۊبیەی، پەشتیوانی و کۊشیای چینوو کرێکاران. ئێمە پېسە تەڤگەری ئازاڎیی کوردسانی و گەلوو کوردی بە هەڵمەتەو ئازاڎیی جەهانی کە ئامانجش ئازاڎیی جەستەیی ڕابەر ئاپۆیا، پێشوازی جە ١و ئایارو ٢٠٢٤ـی مکەرمۍ. تەڤگەری ئازاڎیما بانگەوازش پەی گرڎوو کرێکارا و زەحمەتکێشا جەهانی کە گرڎوو هێزە سۆسیالیست و دیموکراتیکەکا جە ۋێش گێرۆ مکەرۆ و قەناعەتما پاسەن بە چالاکییەکاو ١و ئایاری، هەڵمەتەو ئازاڎیی جەهانیما بەقوتتەرە بۆ و جە گرڎوو مېڎانەکانە وەڵا بۆوە.

سەروو ئی بنەمایۍ، ١و ئایاری جە ڕابەر عەبدوڵا ئۆجالانی، گرڎوو هەڤاڵا، گەلی وڵاتپارێز، دۆسا سۆسیالیست و دیموکراتیکیما، کرێکارا، ژەنا و گەنجاما پیرۆز مکەرمۍ؛ ئێمە جە کۊشیای یەکسانی و دیموکراسیمانە سەروو بنەماو ئازاڎیی و جیاوازییەکا سەرکۊتەیما گەرەکا. سەرەتا گەشمەرڎا ١و ئایاریما عەبدولقادر چوبوکچو، ڕەمەزان کاپڵان و محەمەد ئەمین ئاسڵان و جە کەسایەتی گەشمەرڎا تەقسیم-ینە  ١و ئایارو ١٩٧٧ بە ڕێزداری، منەتبارییوە گرڎوو گەشمەرڎە قارەمانەکاما یاڎ مارمێوە. داوا جە گرڎوو گەلی وڵاتپارێزی، زەحمەتکێشی و دۆسا دیموکراتیکیما مکەرمۍ کە جە ١و ئایارینە مجیارە جاڎە و مېڎانەکا و هەڵمەتەو ئازاڎیی جەهانی بیاونا بە قەلاپۊپێوە تازە.

گەلەکەما و دۆساما مشۊم زیاتەر جە گرڎ کەسێ خاوەنداری جە ١و ئایاری بکەرا

فرە ئاشکران کە جە دماو ٨و مارسی ڕۊو جەهانی ژەنا زەحمەتکێشی و جەژنەو ئازاڎیی نەورۆزی، دەرفەتێوە گەورە ڕەخسیان پەی وەڵێوستەو هەڵمەتەو ئازاڎیی جەهانی بەتایبەتی جە ١و ئایارینە کە ڕۊو یۊگێرتەیی و پەشتیوانی و کۊشیای چینوو کرێکاریا مشۊم گرڎوو مېڎانەکانە ئانڎەیتەر ۋەرفراوان بکریۆ. بەدڵنیاییوە گەلەکەما و دۆساما جە هەر چوار پارچەو کوردسانی و گرڎوو مەنتیقەکا ۋەرکەوتوو دلېڕاسەی و جەهانینە فرە بەعالی ئی دەرفەتیە بەرز نرخنمۍ. پی بۆنۆ پێویسا گەلەکەما و دۆسەکېما کە گرڎ کرێکارۍ و زەحمەتکێشێنۍ، جە ١و ئایارینە زیاتەر جە هەر کەسێوە مجیارە مېڎانەکا و جە گرڎ شۊنێنە چالاکانە بەشداری چالاکییەکاو ١و ئایاری با و سەرمەشقایەتی بکەرا. ئێمە قەناعەتما پاسەن ژەنا و گەنجا کوردی، کوردا ئەنەیاوای و ۋۍ بە ڕێکوستەکریای جە گرڎ شۊنێنە پی جۆرە، پېسە نەورۆزی، ملانە پێشوازیی ١و ئایاری و ١و گوڵانی پیرۆز مکەرا و ئی ڕووەیە مکەرا بە ڕۆو هەڵمەتەو ئازاڎیی جەستەیی ڕابەر ئۆجالانی.

جە گر وەختۍ زیاتەر یۆبیەی و پەشتیوانی پێویسا

پێسە مزانیۆ ١و ئایاری ڕۆو یۆبیەی، پەشتیوانی و کۆشیای چینوو کرێکارا و پێویسا بە پاو ماناو ۋێش بریۆ ڕاوە. پێسە کرێکارا جە کوردسانەنە زیاتەر جە گر شۆنۍ جەهانی، جە گر وەختێ زیاتەر باوەڕما بە یۆبیەی، پەشتیوانی و کۆشیای هەن. ئێمە پێسە هێزی بەرهەمئاوەری هێز و تواناو پەرەپنەدای یۆبیەی، پەشتیوانی و کۆشیایما جە گرڎ بوارێنە هەن. بەڵام مشۆم ئی وزە چالاک بکریۆ و پەی ئینەیچ مشۆم تەنیا بە کۆشیای ڕێکوستەی ئازاڎیی و یەکسانی وەڵۍ گنۆ. سروشتوو ئێمە کە ژیۋایش سەر مکەرمۍ و گلێرگەکەما کە جە تەرەفوو ئێمۆ دروس بیەن، بە کۆشیایۍ پا جۆریە جە کاولکاری و تاڵانکەردەی مۆدێرنیتەی سەرمایەداری ڕزگارمان بۆ.

سیستموو مۆدێرنیتەی سەرمایەداری جە لاوازتەرین سەردەموو ۋێشەنە مژیۋۆ، ناکۆکتەرین و جەنگاویتەرین سەردەم تاریخیا. ئی ناکۆکی و جەنگە جە ئاژەو خولقنای ئاژاوۍ و قەیرانەنە درێژەش هەن. سەرمەشقەکاو ئا سیستمەیە جە دماو ٣٠ ساڵا جە جەنگی جەهانی یەرەمینە شۆنەو ڕێوەرە گێڵا پەی دەربازبیەی چی ئاژاوۍ و قەیرانا. بەڵام جیای  چارەسەری قۆرتەکێشا قووڵۍ کەردۍ و جەنگ و ملەملانێ زیاتەرشا خوڵقنا. پۆکەی بەرشیەی چی ئاژاوۍ و قەیرانا و ۋیەرنای ئی جەنگ و ناکۆکیا، گنۆنە ئەستۆو هێزەکاو مۆدێرنیتەی ئەڵتەرناتیڤی، واتە هێزەکاو مۆدێرنیتە دیموکراتیکی. پۆکاتی ڕزگاری سروشتی و گلێرگەی ئینا دەس و هێزەکاو مۆدێرنیتەی دیموکراتیکینە. مرۆڤایەتی جە ڕاو کۆشیای ئازاڎیی، یەکسانی و دیموکراتیکی کە جە تەرەفوو ئی هێزاوە ئەنجام بڎریۆ، ژیۋایۍ ئازاڎ و ڕاوەبەریێوە دیموکراتیک بەدەس مارۆ، ١و ئایاری ئیلهامبەخش و کاریگەرتەرین ڕەمزوو کۆشیایۍ چانەین.

پێوێسا جە ١و ئایارینە داواکاریەکۍ پەی ئازاڎیی ڕابەر ئاپۆی زیاتەرۍ با

گەر سەرنج بڎەیمۍ، دماو وەڵابیەیۆ سۆسیالیزمی بنیاڎنریای، سەبارەت بە بەهاکاو سۆسیالیزمی گرڎ چێوۍ وچیۍ، بەڵام ١و ئایاری ماناڎاری ۋێش جەدەس نەڎان. ١و ئایاری گرڎ وەختۍ پێسە سیمبولێوە کاریگەروو سۆسیالیزمی و شۆڵەچراوەو کۆشیای ئازاڎیی مەنەنۆ. ڕابەر ئاپۆ بە وەڵێوستەی پارادیموو مۆدێرنێتەی دیموکراتیکی قیمەتی زیاتەرش بەخشا بە ١و ئایاری، سۆسیالزم سەروو بنەماو ئازاڎیی ژەنۍ و ئیکۆلۆژی کۆمەڵایەتی سەرجە نۆ مجیاڕاوە و سۆسیالیزمی دیموکراتیکی زانستی جە سەروەری پیای ڕزگارش بی و ئا دەرفەتێشە حاسڵ کەردۍ پەی ئانەی بەشیێوێوە سەرکەوتە جابەجێبکریۆ. بی جۆرە شۆڵەچراوەو ١و ئایاری ڕۆشنتەرە بیۆ.

چی ڕوانگۆ بەشداریی ڕابەر ئاپۆی کە جە مانا و کاریگەرییەکاو ١و ئایارینە کەردەنش، هۆرگیروو گرنگیێوە تاریخیا. پۆکەی داوا پەی ئازاڎیی جەستەیی ڕابەر ئاپۆی جە چالاکیەکاو ١و ئایارینە و وەڵاکەردەیۆ پارادایمی دیموکراتیک، ئیکۆلۆژی و ئازاڎیی ژەنی ڕابەر ئاپۆینە، ئەرکێوە بنەڕەتیا پەی ئانەی جە گرد شۆنێنە داوابکریۆ و قەرزێوەن مشۆم بڎریۆوە. جە ئەساسەنە پارتیما و گەلەکەما پەی ئانەی ئی پێوەرەیە بەسەرکەوتەیی جابەجێبکەرۆ، کۆشیای فرە ماناڎاری ئایدۆلۆژی، سیاسی و پراکتیکی تاریخی بەرۆڕاوە و بیەن بەهێزی هەرە کاریگەر، کە دژوو سیستموو سەرمایەداری مۆدێرنێتەی کۆشیۆنە.

ئۆپراسیۆنە شۆڕشگێڵنییەکۍ سەرچەمەو مۆراڵی و وزەینۍ پەی چێردەسەکا

ئارۆنە گەلوو کوردی جە گرڎوو مێڎانەکانە ئینا سەروو پەیاوە و کوردسان بیەن بە قەڵاو ئاخێزوو ئازاڎیی. ژەناو کوردی بە هۆشمەندیی ئازاڎیی، بە رێکوستەی و ئا چالاکیا وەڵێشا وستێنۍ، سەرمەشقایەتی ئاخێزی کۆمەڵایەتی مکەرا. غیرەت و فیداکاریێوە کە گەنجاو کوردی جە خەتەی فیدایانەو  ئاپۆیینە وەڵێشا وستەن، ئیلهام بەخشۆنە بە گرڎ کەسێ. گرڎوو گەلا چێر دەسەی، ئا کۆشیایەی کە گەلوو کوردی دژوو دەوڵەتوو تورکی فاشیستی، قڕکەری بەڕۆش ڕاوە، مبارەک مکەرمۍ. ئۆپراسیۆنە شۆڕشگێڵنییەکۍ کە جە تەرەفوو گەریلاکاو ئازاڎیی کوردسانیوە جە گرڎوو مێڎانەکانە و بەتایبەت جە زاپەنە وەڵۍ وزیێ، گورزەی قورسەش جە سوپاو تورکی فاشیستی شانا، کە بە سوپاو دووەمەو ناتۆی پێناسە مکریۆ. جگە چانەی ئئی ئۆپراسیۆنۍ هێزەکاو فاشیست-قڕکەری متەرسنۆ، چنی ئانەیچە پەی گرڎوو چێر دەسا بی بە سەرچەمەو مۆراڵی و وزەی. مدرامانوو چاپەمەنی ئازاڎیی کوردی دژوو هجووماکا چ جە ئەوروپا و چ جەتورکیانە، هیوا و ئیراڎەو ئازاڎیی فرە بەقوەتتەر مکەرۆ.

بێگومان گرڎوو مدرامانەکاو ئیساتۍ لایەق پا نەین بە بە قوەتیۆ سڵامش ۋنه بکریۆ و پیرۆزۍ بکریا. هێزێوە گەورە جە  کۆشیای ئازاڎیی، یەکسانی و دیموکراسی کە ١و ئایاریش دلێینەو ۋێشەنە هۆرگێرتەن زیاڎۍ با. بە بەر وستەی گرڎ جۆرە فریودایۍ و دروەکا  تایبەتی دیکتاتۆری فاشیستی ئاکەپە-مەهەپەی، کوردسانش فاڕان پەی قەڵاو کۆشیا ئازاڎیی گەردوونی. هامڕا عەبدولقادر چوبوکچو کە جە ١و ئایاروو ١٩٨٢ێنە بەیروت شان بە شانوو گەلی فەلەستینی جنگ کەرۍ و گەشمەرڎە بی، واڵەو-برایەتی تاریخی گەلاو فەڵەستینی و کوردسانی بەقوەتتەر کەرد و دۆسایەتی ساختەو تەیب ئەردۆگانیش پەی گەلاو فەڵەستینی ئاشکراکەرد.

جە وەختێنە کە گەلوو کوردی و گرڎوو چێردەسا ئینێ قۆناغەو ١و ئایارینە، سیستەموو مۆدێرنێتەیی کاپیتالیستی و زاوڵە بێحورمەتەکەش فاشیزمی ئاکەپە-مەهەپەی بەردەواما سەروو هجوومەکاش. جە لێوە مەتینانە دژوو گەریلاکا کوردی هجوومی تازە مکەرۆ و جە لێوەتەرۆ فشار و هەرمانەو تیرۆری ۋەرا ۋەر بە چاپەمەنی ئازاڎیی زیاتەر مکەرۆ. هەر لېوەرە جە یۆدایۊیش پەی بکریۆ، ئا هجوومەو دەوڵەتوو بەلجیکای دژوو تەلەفیزیۆنوو کوردا، پارچێوەن چی پلانە تازۍ دەوڵەتوو تورکی. ئاشکران فاشیزمی ئاکەپە-مەهەپەی و تەرەفڎارەکاش، جە ماوەکا ئایندەینە هجوومی پی جۊریە پێکماراوە. پۊکاتی پێویسا پېسە تەڤگەری و گەلی بە ڕۆحیەتوو مدرامانوو ئیمراڵی و زاپی دژوو ئی هجووما ئەرەپڕا و بەدڵنیاییوە سەرۍ گنمۍ.

سەروو ئی بنەمایۍ جارێوەتەر ئا  مدرامانۍ کە گەریلا مەتینانە و چاپەمەنی ئازاڎ وەڵێشا وست مبارەک مکەرمۍ، سڵام جە گرڎوو ئا کەسا مکەرمۍ کە بەشداری جە ١و گوڵانینە مکەرا و بانگەوازی جە گرڎوو گەلەکەیما مکەرمۍ جە هەر کۆ هەنۍ، بەشێوێوە چالاک بەشداری چالاکیەکاو ١و گوڵانی بکەرا و سەرمەشقایەتی بکەرا! بژیۋۆ ١و ئایاری بژیۋۆ سۆسیالیزمی دیموکراتیکی زانستی.