پەرلەمانتارەو پارتوو سەوزی ئوسترالیای جە ویلایەتوو نیو وەیڵز (NSW)ی ئەبیگەیل بۆیدە، جە واتېوەشەنە جە پەرلەمانوو (NSW)ی جە سیدنی، ئاماژەش پانەی کەرڎ، پەنەوازەن گۆشەگیری هۊرشېویۊوە کە پاشێلکەرڎەی یاسا میان نەتەوەییەکان، ئازاڎیی جەستەیی ڕابەروو گەلوو کورڎی عەبدوڵا ئۆجالانی مسۆگەر کریۊ.

"دەوڵەتوو تورکی یاسا میان نەتەوەییەکا پاشێل کەرۊ"

بۆیدە ۋاتش: "بەشڎارەبېنا جە کۆنفرانسێوە ڕۆنامەوانینە بەنامونیشانوو "ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی" کە جە لایەن و فیدراسیۆن و گلېرگەی کورڎیی دیموکراتیکی ئوسترالیای جە ١١و تشرینوو یۋەمی ۋەروودەم و پەرلەمانوو ویلایەت و NSW ینە لۋاڕاوە. ئۆجالان بەمەڵامەتوو تنی ئاژەی گۆشەگیرییوە، زیاڎ جە ٣ ساڵا نەتاوانش چنی خانەواڎەکەیش و پارێزنەراش کۊبۊوە. دمایین جار جە ساڵەو ٢٠٢١ ینە ڕاش پنەدریا جە ڕاو تەلەفۆنیۊ چەمپنەکۊتەیۍ کوڵ چنی خانەواڎەکەیش ئەنجام بڎۊ. ئی سیاسەتەو گۆشەگیری ۋەران ۋەر بە ئۆجالانی پاشێلکەردەی یاساکا تورکیای و یاسا میان نەتەوەییەکان. ئۆجالان و پەکەکە دەیان ساڵېن پەی ئازاڎیی و مافە دیموکراسیەکا گەلوو کورڎی دژوو دەوڵەتوو تورکی کۊشیانە. عەبدوڵا ئۆجالان چراوەو هومېڎین پۍ گرڎوو کورڎا جەهانی و ڕەوەندوو کورڎین جە ئوسترالیا. جە هەمان وەختەنە ڕەمزوو ١٠٠ ساڵا مدرامانین جە ۋەران ۋەروو ستەم و دەوڵەتوو تورکینە. پۍ ئانەی عەبدوڵا ئۆجالان دەوروو ۋېش جە چارەسەری ئاشتیانە و دیموکراسیانەو قۊرتەو کورڎینە گېڵنۊ، پەنەوازەن دەموودەس گۆشەگیریی ڕەها هورگیریۊ و چنی خانەواڎەکەیش و پارێزنەراش کۊبۊوە. ئێمە پېسە پارتوو سەوزی داوا جە حکومەتوو ویلایەتوو نیو وەیڵز (NSW)ی کەرمۍ، پەشتیوانی بەقوەت جە گەلوو کورڎی کەرا، پەشتیوانی جە داواو ئازاڎیی پۍ عەبدوڵا ئۆجالانی کەرا".