پەرلەمانوو ئەوروپاینە لاو کۆمیسیۆنوو هاموەڵاتاو تورکیایۆ ئەوروپاوە بە ناموونیشانوو "زینڎانیییە سیاسییا تورکیانە: ڕاو ئازاڎی و ئاشتی بەرەو کۆ" کۆنفرانسێوە کریا.  

پەرلەمانتاروو پەرلەمانوو ئەورووپای و ئەنداموو کۆمەڵەو هامپەیمانیی وەڵێکەوتەوازوو سۆسیالیست و دیموکراتیکی، جولیانۆ پیساپا پەشتگیرییش وەنەوکۆنفرانسەکەی کەرد.

سەرۆکوو کۆمیسیۆنوو هاموەڵاتاو تورکیای ئەورووپانە، نەرویژنە و ئەکادیمیسیاناو زانکۆو بێرگەنی کاریان وێسترهایم ئەوەڵوو کۆنفرانسەکەینە قسێشا کەردێ.

قسەکاشانە واتشا فرەو زینڎانییە سیاسییا تورکیانە ئۆپۆزیسیۆنەکێنێ، سیاسەتمەدار و پارێزنەر و ڕۆنامەوانێ و سەدان کەسێ بە بەهانێ  پەیوەندییشا بە پەکەکەیۆ گیریێنێ.

وێسترهایم تیشکەش وستە سەروو  گۆشەگیریی ڕابەروو گەلوو کوردی عەبدوڵا ئۆجالانی و واتش هامشێوەو ڕەوشوو نیلسۆن ماندێلاین و تەنانەت مامەڵەکێ دژوو ڕابەروو گەلوو کوردی عەبدوڵا ئۆجالانی ڕەوشوو ماندێلایچش ویەرنان و واتش: "تورکیا بە هەرمانەکاش دژوو ئۆجالانی پەیامەکاو یۆبییەی ئەورووپای و نەتەوە یۆگێرتەکا  پاشێل کەرۆ".

وێسترهایم ئاماژەش کەرد بە خەباتوو کوردستانییا و دۆسەکاشا پەی ئازاڎیی ڕابەروو گەلوو کوردی عەبدوڵا ئۆجالانی و کەمپەینوو ئازاڎیی، واتش: "ئۆجالان دەوری سەرەکییش هەن جە چارەسەروو پەرسەو کوردینە. ئۆجالان وەڵتەرێ چندین جارێ ئەوەخوایش کەردەنۆ، ئاد چارەسەروو پەرسەو کوردیش گەرەکا".

وێسترهایم تیشکیش وستە سەروو وەرپرسیارێتیی ڕێکوزیا میاننەتەوەییەکا پەی ئازاڎیی ڕابەروو گەلوو کوردی عەبدوڵا ئۆجالانی و واتش: "پێویسا ڕێکوزیا میاننەتەوەییەکا پێسە نەتەوە یۆگێرتەکا و یۆبییەی ئەورووپای، پەی هانیدای دیالۆگوو بەینوو لایەنە پەیوەندیدارەکا و وێستەیوە چارەسەرێوە، خەباتی دیپلۆماتیکی کەرا".