پەرسەو گۆشەگیری پەرلەمانو نەرویجینە وزیا وەرو باسی
گۆشەگیریی قورسو سەرو ڕابەرو گەلو کوردی عەبدوڵا ئۆجەلانی، بی بە پەرسەو ڕۆی پەرلەمانو نەرویجینە. یاداشتێوەنە داوا وەنەو سی پی تی کریا، کە ڕاپۆرتەکێش سەبارەت بە ئیمرالی ئاشکرا کەردە.
گۆشەگیریی قورسو سەرو ڕابەرو گەلو کوردی عەبدوڵا ئۆجالانی و ٣ زیندانییا تەرو ئیمرالی کەوت پەرسەو پەرلەمانو نەرویجیوە.
پەرلەمانتارو پارتی چەپو سۆسیالیستو نەرویجی ئەندریاس شالگ ئۆنلاند سەبارەت بە پەرسەکێ وەڵێنیارە پرسیارێوەش پێشکەش بە وەزارەتو بەرو وەڵاتەکەی کەرد.
وەڵێنیارەکەنە سەردای لوجنەو وەڵێگێرتەی جە ئەشکەنجەو ئەنجومەنو ئەورووپای سی پی تی پەی ئیمرالییش یاد ئاردۆ و واتش، کە تا ئیستاتێ ڕاپۆرتەو مانگەو نۆڤەمبەری وەڵا نەکریێنۆ.
پەرلەمانتار ئونلاند پرسیارەش وەنەو وەزارەتو بەری کەردێنە، کە ئایا ملۆ شۆنە و ئی پەرسێرە یان نا؟
درێژەو وەڵێنیارەکەینە ماچۆ:"سی پی تی هەوڵێ مدۆ ڕاگێری وەنەو ئەشکەنجەدای و مامەڵەی نەشیاو و سزادای کەرۆ. دماو سەردایەکا ڕاپۆرتەکا ئاشکرا کەرۆ. وەلێ سی پی تی تا زەرەر بە پەیوەندییە دیپلۆماسییەکاش چەنی تورکیا نەیاونۆ، ڕاپۆرتەو دماین سەردایش پەی بۆ زیندانو ئیمرالی وەڵا مەکەرۆوە."
هەرپاسە وەڵێنیارەکەنەڕاپۆرتەکاو وەڵێ سی پی تی یادێ وزیێوە، کە دلێشەنە نیگەرانییەکێ بارەو بارودۆخو زیندانو ئیمرالییوە وەڵێ کریێوە و وچیا،"وەرو ئانەیە تورکیا ناڕەزایەتی نیشانە مدۆ، پەوکای ماوەو 2 ساڵا و نیمی زانیاریشا سەرو عەبدوڵا ئۆجەلانی ورگێرتەن، وەلێ ڕاپۆرتەکەی وەڵا مەکەرۆوە."
درێژەو ڕاپۆرتەکەینە ئەرەیاونیان، کە سەرەڕاو بانگەوازەکاو هەدەپی، پارێزنەراو مافو ئینسانی، پارێزنەرا، سیاسەتمەدارا و چالاکا، هەڵای سی پی تی ڕاپۆرتەکێ وەڵا مەکەرۆوە.
پەرلەمانتار ئۆنلاند باسیچش کەرد، بۆنەو ئانەیوە سی پی تی ڕاپۆرتەکێش وەڵا مەکەرۆوە، زانیاری سەرو عەبدوڵا ئۆجالانی و مافەکاش دیار نیا.
بە مەبەسو دەسەبەرکەردەی مافو زیندانییا و پارێزنای یاگێ سی پی تی، داوا کریۆ سی پی تی ڕاپۆرتەکێش وەڵا کەرۆوە.
