ۋەرو ئانەی گەلوو کورڎی جە ڕاو پەکەکەیۊ جە وەرمو مەرڎەی بەئاگا ئاماوە، تەرسێوە گۊرۍ کۊتە دلۍ دڵو دەوڵەتو تورکیوە. بەمەڵامەتو ئا تەرسېوە چنڎین ساڵېن جە هجومەکا ۋېشەنە دژ بە گەلوو کورڎی گرڎ جۆرە شێوازێوە دڕنڎانە بەکار مارۊنە. جە لایۍ تەرۊ گەنجۍ قارەمانۍ کورڎی بە فکر و فەلسەفەو ڕابەر ئاپۆیۊ تا دما دڵۆپو ۋنېشا جە دژوو ئا هجوما گژیا. یۊ چا قارەمانا بنەڤش ئاغاڵ (گوڵپەرین عەتا) نە.

گوڵپەریە کە جە مەنتیقەو وێرانشاری رحای پېسە ئەنڎامەو خێزانێوە ۋڵاڎپارێزی جە ئەڎابیە، حەر جە زارۊڵەیۊ شایەتەو کۆکوژی دوژمنی جە دژوو گەلوو کورڎی بۍ. توڕەیی و قینە و گوڵپەرینۍ کە ئەنڎامۍ خانەواڎەکەیش جە لایەنو دەوڵەتو تورکیوە گەشمەرڎۍ کریېبێنۍ، زینڎانی کریېبېنۍ و دوورۍ وزیېبێنۍ، جە ۋەران ۋەرو ئا دوژمنەینە ڕۊ دماو ڕۊی بەقوەتتەر بۍ. دماجار پۍ ئانەی حەقە جە دوژمنی کۆلۆنیالیستی کەرۊوە، جە ساڵەو ٢٠١٤ینە جە بۆتانۊ ئاما دلۍ ریزەکا گەریلایۊ. گوڵپەریە دماو ئانەی ملۊ هەرێمو بەستای، نامۍ یۊ جە سەرمەشقەکا جمیەری ئازاڎیی بنەڤش ئاغاڵۍ پۍ ۋېش هۊرچنۊ.

گەشمەرڎە بنەڤشە کە فرە زوو فێرەو ژیای گەریلایی بیېبۍ، ۋیرکەرۊوە کە جە ڕاو ئەنەیاوای جە رامان و ئەندێشەکا ڕابەر ئاپۆیۊ میاۋۊ بە ئامانجە راسەقینەکاش. بنەڤشە ۋیر کەرۊوە کە راسی ڕابەر ئاپۆی جە ئازادیی ژەنۍ، زارۊڵەی، گەنجی و گرڎوو مرۆڤایەتینە شاریانۊ و تەنیا جە ڕاو ۋەنەیۊ ئا هزر و رامانەیۊ ئینسان متاۋۊ بیاۋۊ بە ماناو ژیای، سەرو ئا ئەساسیە ساڵەو ٢٠١٧ ی ڕۋەش کەرڎە ئەکادیمیاو مەعسوم کۆرکمازی و پەروەردەی سەروازی و بیردۆزیش ۋینا.

بنەڤشە کە جە پەروەردەنە بە جۆش و خرۆشۊ بەشڎاری جە گفتوگۆکا جەبارەو پارێزنامەو ڕابەر ئاپۆی کەرۊ، پۍ ئانەی شایسەو نامەکېش بۊ رەنجی فرەش کێشا. جە خەباتی تایبەتەنە کە پەنەوازش بە بڕوا و هەستیاری فرەی بۍ، بەشڎارە بۍ. گرڎوو ئەرکەکاش بە سەرکۊتەیی ۋیەرنۊ.

دوژمن کە نەتاواش مدرامانەکەی ماڕۊنە بە چەکی کیمیاۋیی هجومش ئەنجام دا

گەریلاو یەژاستاری بنەڤشە کە کاریگەری قووڵی هامڕایی پەکەکەیش سەر بۍ، هامڕایا حەقی، مەزڵوم و خەیریەکا کە چنی ڕابەر ئاپۆی هامڕایی کەرا پۍ ۋېش کەرۊ بە نمونە و حۊڵ مڎۊ ۋېش بیاۋنۊ ئا ئاستیە.

ۋەرو ئانەی دلۍ هامڕایاشەنە ۋەردەوام پېسە کەسێوە خاکیۍ،کە جەوهەر و ناخێوە پاکش هەن ئشناسیۍ. بنەڤشە کە بە کۊشیای و مدرامانو ۋېش بۊ بە نمونە پۍ هامڕایاش، پەی ئەسایۊ حەقەو هامڕا گەشمەرڎەکاش، ۋەردەوام پێشنیار کەرۊ کە بلۊ ئا مېڎانای کە جەنگ چنەشانە قورسا.

بنەڤشە کە جە تەمامو ژیای گەریلایەتینە دلۍ هەلومەرجۍ قورسینە ئەرەکۊشۍ، جە ساڵەو ٢٠١٩ینە ڕۋە کەرۊ هەرێمەکا پارېزنای مەدیای. جە کوڕەژارۊ ئەرکدارە کریۊ و بە قووڵایی پەیوەستەبۊ ئەرکەکەیشۊ. چنی هامڕاکاش پا چالاکیا گورزەی گۊرېشا جە دوژمنی ئەشا، رەنجی فرەش کێشا.

دماو دەسپنەکەرڎە و هجومەکا دەوڵەتو تورکی ئەرەگیری پۍ سەرو هەرێمەکا پارېزناو مەدیای بەتایبەتی زاپ، مەتینا و ئاڤاشین چنی هامڕاکاش بە بەقوەتی جوابو ئا هجوماشا داوە. جە وەران ۋەر بە هجومە ئەرەگیریەکا سوپاو تورکی پۍ چنڎین ڕۋا ۋېڕاگری کەرۊ. دەوڵەتو تورکی ئەرەگیری کە نەتاۋاش مدرامانەکەو فەرمانڎە بنەڤشۍ و هامڕاکاش ماڕۊ، چەکی کیمیاۋییش بەکارئارڎ. جە ٢٣پۍ٢٥ و ئایارو ٢٠٢٢ېنە گەریلا بنەڤشە و پۆلێوە جە هامڕاکاش کە تا دما هەناسەشا جە هەرێمو زاپی ۋېڕاگریشا کەرڎ، جە ئاکامو هجومی کیمیاۋیینە گەشمەرڎۍ بیۍ و لۋۍ قافڵەو نەمراوە.

هـ . ش