خەباتوو ئازادیی گەلوو کوردی، کە ٤٥ ساڵێن بە سەرمەشقایەتیی پەکەکەی و ڕابەرەکەیش عەبدوڵا ئۊجالانی بەرڎەواما، بییەن بە بابەتوو بەرهەمی ئەدەبی و هونەری  مەیدانی میاننەتەوەیینە. ڕۊنامەنویس و نویسەری ئیتاڵی لۊرا شرادر، کە ساڵەو ١٩٧٥ـــۊ هەرمانە سەروو گەلوو کوردی و کۊشیایشا پەی ئازادیی کەرۊ، یەرەمین کتێبوو وێش بە نامۍ "مدرامان (مدرامانوو گەلوو کوردی دژوو جینۊسایدوو ئەردۊغان)ی، کە دماو کتێبەکاو (ئاویروو کوردستان)ی و (ڕاسی و شارستانیەت)ی وەڵا کەرڎەنۊ.  

کتێبەکەو لۊرا شرادری کە دەزگاو چاپ و پەخشوو پۊنتۊ ڕۊسۊیۊ چاپ کریان، کە کتێبەکاو ڕابەروو گەلوو کوردی عەبدوڵا ئۊجالانی بە زوانی ئیتاڵی وەڵا کەرۊوە، تیشکە وزۊ سەروو ئا مدرامانا، کە سەروو بنەماو هزر و فەلسەفەو عەبدوڵا ئۊجالانی وەراوەروو جەنگی کۊکوشیی دەوڵەتوو تورکیوە وەراوەروو گەلوو کوردی کریان.

ڕۊنامەنویس و نویسەری ئیتاڵی، لۊرا شرادر، سەبارەت بە تازەتەرین کتێبوو وێش و  کۊشیای گەلوو کوردی پەی ئازادیی، قسێش پەی ئاژانسوو فوراتی کەردێ.

نویسەری ئیتاڵی شرادر، کە ساڵەو ١٩٧٥ـــــۊ  خەریکوو هەرمانێن سەروو کۊشیای ئازادیوازانەو گەلوو کوردی، ئا سەبەبا وزۊ ڕووە، کە بیێنۍ بایسوو ئانەی هەرمانە سەروو کوردیوە کەرۊ، ماچۊ:" ئانە کە دژوو ئادیشا کریۊ وەرەچەماو وەڵاتاو وەرنیشتیوە، فرە تووشوو سەرەسڕمەنەیش کەرڎەنا پانەیە دیموکراسیی وەڵاتاو وەرنیشتی پاسە با بە شەریکەتاوانۍ دژوو گەلوو کوردی".

شرادر، عەبدوڵا ئۊجالانش پێسە ڕابەرێوە بیرمەندی سەروو ئاستوو نیلسۊن ماندێلای و لوسەر کینگ و غاندی پێناسە کەرڎەن و واتەنش:"گۊشەگیریی سەپیا سەروو ڕابەر ئۊجالانیرە تاوانێوە میاندەوڵەتیین، پارادایمەکاو ئۊجالانی ڕێبازێوەنۍ تا گردوو ئینسانیەتی پێوەرە بژیوا و متاوۊ ئا جەنگە جیهانش دەورە دان، چارەسەرش کەرۊ. گەرەکما گلێرگەی میاندەوڵەتی بزانۊ، کە جمیەروو ژەنۍ، ژیوای، ئازادی، کە گردوو ژەناو جیهانی گێرۊ وۍ، بناغەو وێش شۊڕشوو ژەناوە ورگێرۊ، کە ئەوەڵوو ئەرەمەرزنای پەکەکەیۊ لاو ئۊجەلانیوە نەخشێش پەی مجیێنەرە. ئی شۊڕشەو ژەنا شۊڕشێوەن، نەک تەنیا ئیسلامەنە، بەڵکوم گردوو دنیێنە  دمایی بە کولتووری چێرڎەسەبییەی مارۊ. فەلسەفێوەن گردوو دنیێنە بە ڕادیکاڵ و ژیواێوە تازە خولقنۊ.

گۊشەگیری تاوانێوە میاننەتەوەیین

هەرپاسە ڕۊنامەنویس و نویسەری ئیتاڵی لۊرا شرادر ماچۊ، کە گەرەکشا کتێبەکاشنە قسۍ پەی گرد لایۍ کەرۊ و درێژەش بە قسەکاش دا و واتش:"شێوازێوەم  بە نامۍ 'ئیمپڕشیونیست'ی ورچنی، وچیۊ کە 'کاریگەرا'، داستانەکۍ بەتایبەتی تیشکی وزۊ سەروو ڕوودایە گەورە و کارەساتبارەکا پێسە دلێنەبەرڎەی سوری ئامەدی، ئەرەگیرکەرڎەی عەفرینی، دلێنەبەرڎەی جزیری و ڕسموو بڕۍ جە کەسایەتییا پێسە ساکینە جانسز، فیدان دۊغان، سەلاحەدین دەمیرتاش، هەڤرین خەلەف و ئەردۊغانی وێش. پشتەو ئا وێگێرییە گەورەو گەلوو کوردیوە، تەوەرێوی هامبەش، بییەێوە نەفاڕیا هەن، کەسایەتیی ڕابەر عەبدوڵا ئۊجالانی و هزرەکەش هەن، گۊشەگیرکەرڎەی ڕابەر ئۊجالانی بەڕاسی تاوانێوە میاننەتەوەیین