کۊنفیدارسیۊنوو جڤاکوو کورڎسانییا ئەڵمانیانە (کۊن-مەد) بە بۊنەو یوەمین ساڵیاڎوو کۊکوشییەکەو پاریسیوە، پەی ڕاپیمایەکەو سەوای داواو بەشداریش کەرد و سەعاتەو بەرشییەی پاسەکاش وەڵا کەرڎۊ.
کۊن-مەد بە ئەرەیاوناێوە نویسیا، تیشکەش وستە سەروو ئا دووە کۊکوشیا کە دە ساڵۍ بەینشا بێ. ئەرەیاوناکەینە ویر وزیانۊ، کە ئەڤین گۊیی و عەبدولڕەحمان کیزیل و میر پەروەر جە کۊکوشییی دووەموو کانوونوو یوەموو ٢٠٢٢ گەشمەرڎۍ بیێ.
ئاماژە پانەیە کریان، حەردووە کۊکوشییەکۍ پەی ڕای گردینی ڕۊشنۍ نەکریێنێوە، جەخت چانەیە کریانۊ، دەوڵەتوو تورکی و ئەڵمانیای و فەڕەنسای وەرپەرسێنۍ چی کۊکوشییا.
ئەرەیاونایەکە ئاماژە پانەیە کەرۊ، دەوڵەتوو تورکی جە کۊکوشیی یوەموو ساڵەو ٢٠١٣ و پاریسینە، ساکینە جانسیزە و لەیلا شایلەمەزە و فیدان دۊگانی تیرۊرۍ کەرڎێنێ، ئەوەخوای کریانۊ ئی ڕوودایە لاو وەرپەرساو فەڕەنسایۊ ڕۊشن نەکریانۊ.
ئەرەیاونایەکەنە دەسنیشان کریان، بێجگە جە ئەنداماو میتی ئەرهان پەک چەتین و ئایدن گونەل، کە جە ئۊپەراسیۊنێوە تایبەتوو ساڵەو ٢٠١٧ لاو پەکەکەیۊ گیریێنۍ و ئیعترافشا سەروو کۊکوشییەکەی کەرڎەن، فەرەنسا و ئەڵمانیا هیچ وەنەپەرسایۊیۍ قووڵشا نەکەرڎەن. حەرپاسە ئەرەیاونیان، ئەڵمانیا پەیوەندیی بەینوو کۊکوشییەکاو پاریسی و تاوانباراو میتی تورکیش ئەڵمانیا نەدیێنۍ و ئا وەخت باسەکە مۍ سەروو کوردی یاسا هەرمانە مەکەرۊ.
ئەرەیاونایەکەینە ٦ گەشمەرڎۍ پاریسی یاڎۍ کریێوە و داوا جە گردوو ئەڵمانییەکا کریا بەشدارۍ ڕاپیمایە گەورەکەو ٦ کانوونوو دووەموو پاریسی کەرا و کۊکوشییەکەی شەرمەزار کەرا. ئاخرۊ ئەوەخوای کریاوە، تا ڕۊشنکەرڎەیۊ کۊکوشییەکاو پاریسی، بە پاگێرتەیرەوە کۊشیا.
