سەدان ئەرەنیشتی قامیشلۊی سەرەوەشیشا جە بنەیانەو ئا گەشمەرڎا کەرد، کە هجوومەکاو دەوڵەتی ئەرەگیروو تورکینە گەشمەردۍ بیۍ.

مەراسیمەکە بە ئامادەیی ئەرەنیشتا و دۊسا و هامڕایا و گەشمەرڎا و ئەنداماو کۊنگرەو ستاری و پارتوو یۊبییەی دیموکراتیک (پەیەدە)ی و تەڤگەروو جڤاکی دیموکراتیک (تەڤ دەم)ی و کۊنگرەو ئیسلامی دیموکراتیکی و ئەرەمەرزیا مەدەنییەکا لوا ڕاوە.  

هامسەرۊکوو تەڤگەروو جڤاکی دیموکراتیکی، غەریب حەسۊ، واتش: "جە سەیەو مدرامانوو گەنجە فیداکارەکاماوە، یاوایمۍ ئی ئاستە بەرزە".

هامسەرۊکوو ئیدارەو وێڕاوەبەری، تەڵعەت یونس واتش، ئیرادەو گەلوو کوردی مەمەڕیۊ و خاوەندارێتی وەنەو گەشمەرڎەکاشا کەرا.

ڕاوەبەروو دەسەو ڕیشچەرماو سەرنیشت و وەرکەوتوو سوریای، واتش: "با دوژمن خاس بزانۊ حەرگیز گەلوو کوردی مەسڕیۊوە، ئیرادەما جە فڕۊکەکاشا قەوەتتەرا".

دمایی شناسنامەو گەشمەرڎا ونیاوە و تەسلیموو بنەیانەکاشا کریا.

تاتەو گەشمەرڎە فەرحان تەمۍ، محەمەد زەکی تەمۍ، گەشمەرڎەبییەی  کوڕەکەیش وەنەو گردوو میللەتوو کوردی مەبارەک کەرد.

تاتەو گەشمەرڎە ڕێناس حوسێنی، محەمەد حەسەن، واتش: "دەوڵەتی ئەرەگیروو تورکی هجووم کەرۊ سەروو خەڵکی بێتاوانی، وەلۍ مەزانۊ ئەگەر ڕێناسێوە بلۊ، سەدان ڕێناسۍ گێڵاوە. ئیرادەو گەلەکەیما هەرگیز مەمەڕیۊ".