ماچانۍ نمەبۆ گەلەکەما جە حیچ تەرسو نێگەرانیێنە بۆ پەی پارێزناو ئایندەو وێشا. جەنگاوەرا ئازادی، قارەمانا و عەگیدا هێز و ئازایی وێشا جە کەشەکا و مڏرامانەکا ڕابەرایەتیۆ هۆرگێرا، پۆکەی گردما مېیاومۍ بە ڕۆژگارۍ زەریفی و ڕۆشنی.
سووریانە و بە تایبەت جە سەرنیشتوو وەرکەوتوو سووریای پرسیارەو 'داخۆم ئی دۆخە بەرەو کۆکە ملۆ' ئینا ویرو فرەو کەسینە. بێگومان گەلو سووریای مافو وێشا پێوەس بە نیگەرانی و تەرسەکاش جە پرسێوە چی جۆرەنە با. چونکە سیستەمو ئیسەی بە خێرایی ورچەرخیا سەرو دەسەڵاتی و ڕەنگە بەرە ڕووەو ڕۊژگارێوە تنڕەوینە بکەرۆوە و بۆ بە هامشێوەو هێزێوە پێسەو داعشی جە وەراوەرو گەلینە.
پێسە ڕۆشنا جە دۆخو جەنگی و ئاڵۆزییەکانە فرە تەر ژەنێ و زاڕۆڵێ با بە قوربانی. ئاشكران بە چەمو دەسکەوتی و غەنیمەتی تەماشەشا کەرا و پێسەو کۆیلێوە زەوتشا کەرا. جە جەنگو چەتەکا داعشینە بە فرەیی ژەنێ و زاڕۆڵێ زەرەرمەندێ بیێنێ، گیانشا جەدەسدان، بە دیل گیریێ و وەرەو ڕو کردەوەی نا مرۆڤایەتیی بیێ. پۆکەی فرە سروشتییا مرۆڤ نیگەرانیش جا دۆخەیە بۆنە.
جەنگاوەرا ئازادی وێشا جە ئایدیاکا ڕابەر ئاپۆینە قوڵکەردەنۆ، پەی پارێزناو شکۆو گەلی، جە دژو ئا چەتە دڕندانە، مڏرامانێش دەسپنەکەردەن کە پەی سەدان ساڵی ویرو گرد کەسێنە مەنۆوە. پۆکەی ژەنی، زاڕۆڵێ و تەمامو گەلو هەرێمەکەی پەنەواز مەکەرۆ پەیوەس بە دۆخو ئیسەی جە تەرسێ و گومانێنە با. بڕواشا بە وێشا-هێز و جەنگاوەرا یەپەژەی و یەپەگەی بۆنە. پێسە چنین ئانەی ئا جەنگاوەرێ شکۆو گەلاشا جە دژو هرووژمو چەتەکا داعشی پارێزنا، جە ئیسە و دماتەریچ پەی پارێزناو شکۆو مرۆڤایەتی هەرچی گنۆنە ئەستۆشا بە بێ دوودڵی ئەنجامش مرا.
بێگومان مەبۆ پێسەو گەلی، ژەنێ و پیای حیچ نەکەرمێ. پەنەوازا گرد کاتێ پاڵو جەنگاوەرامانە شان بە شان جە ئەرەکۆشاینە بیمێ. مشۆم گرد کاتێ دلێ چالاکی، وینیشندای و جموجۆڵینەبیمێ. پەنەوازا گرد کەسێ یانەو وێش کەرۆ بە سەنگەرو مڏرامانی، وێش و تاکەکا خێزانیش فێرو بەکارئاردەی چەکی کەرۆنە. پەی پارێزناو خاکی و شەرفو وێش گرد کاتێ ئامادەینە با.
گەلو کوردی بە ئەرەکۆشای وێش ڕابەر ئاپۆ و تەڤگەرو ئازادی جە مەردەی ڕزگار کەرد، چنی وێش گردو گەلاش هۆشیار کەردۆ بە تایبەتی گەلو عەرەبی. جارۆنە تەمامو گەلا هەرێمەکەی جە ڕاپیمای و چالاکییەکەنە ماچا، 'قەولمادان بە ڕابەر ئاپۆی و گەشمەرڏا تا دماین دڵۆپو ونێما جەنگ کەرمێنە.' جەنگاوەرا ئازادی سەرو بنەماو قەولەکاشا جە دژو هرووژمەکا دۆڵەتو تورکی و چەتەکاش بەرزترین ئاست و مڏرامانیشا نیشانەدا و بەردەوامێنێ.
بێگومان جە مڏرامانەنە هامڕاو ئازێ و قارەمانێما گەشمەرڏێ و زامدارێ با. جارۆنە بە دەیان گەشمەرڏێما بە خاکی سپاردێنێ. بە هەزاران قارەمانێ گیانفیدایما مسپارمێ بی خاکەیە و قوەلمادان پنەشا و سەرو قەولەکەیما بیمێ. هەڵبەتە تا جەنگ و هرووژمەکێ بانە قوربانیچ بانە.
پەنەوازا بزانمێ تا عەگید و قارەمانا گەلەکەیما بانە، ئانە ئەرەگیر، چەتێ و خاینێ مەکەرا بە مەبەس و مەرازە پیسەکێشا. تا کەسانێ بانە و جەمڏرامانی بێ دوودڵیینە با گیانشا کەرا بە فیداو گەلی و خاکەکەیشا، بە دڵنیاییۆ خاک و خەڵک مابەینو ئارامیینە بانە.
جارۆنە جە گرد مەیانەکانە مڏرامان و ئەرەکۆشای بە شکۆ ئینا ئارانە. جوامێری و شێرە ژەنی پێسەو یاگەگیرو حەقیقەتو نازم داشتان و جیهان بیلگینێ پەی ئانەی حەقیقەتو قارەمانێتی جەنگاوەرا ئازادی یاونا گردوو جەهانی و خەباتشا بەردڕاوە، بە شێوێ دڕندانە و نامەردانە تێرۆر کریێ. بەڵام مشۆم بزانریۆ جە مەیانەکا جەنگینە بە دەیان یاگەگیرو حەقیقەتو قەڵەم و کامێراکەو نازام و جیهانیشا هۆرگێرتەن.
هەرپاسە عەگیدا پێسەو ڕێزان چیا عەفرینە سەرەڕاو ئانەی کەمئەندامو جەنگی بێ، بە عەگیدای و ڕوحو فیداییەۆ جەنگش کەرد و یاوا بە کاروانو گەشمەرڏا. هەرپاسە هەڤاڵێ فەرهاد کۆبانێ و باسل شەدادێ کە کەمئەندامو جەنگی بێنێ و پەی دەقێچ جە مەیانو جەنگینە نەکیشیێ جە دژو هرووژمەکا دۆڵەتو تورکی و چەتەکاش گەشمەرڏێ بیێ. بە ڕێز و پنەزانایۆ جە کەسێتی ئا گەشمەرڏامانە گردوو گەشمەرڏا ڕاو ئازادییما یاڏ کەرمێوە.
پۆکەی ماچمێ مەبۆ گەلەکەما جە حیچ تەرس و نێگەرانیینە بۆ پەی پارێزناو ئایندەو وێش. جەنگاوەرا ئازادی، قارەمانی و عەگیدا هێز و بوێری وێشا جە کەش و مڏرامانەکا ڕابەرایەتی هۆرگێرا، پۆکەی گردما یاومێ ڕۆژگاری زەریف و ڕۆشن.
سەرو ئی بنەمێ داواما جە کورد، عەرەب، سووریانی، ئاشوور، ئەرمەن..هتد. گردو گەلی و باوەڕدارییە قەڎیمییەکۍ هەرێمەکەی پێوەرە پەی وڵاتێوە ئازادی و یەکسانی بە بێ دووەدڵی درێژە بە ئەرەکۆشای بڎانە. بە تایبەت پەنەوازا ژەنا جە گردی زیاتەر جە ئەرەکۆشای دژ بە گرد جۆرە هرووژمێنە با. پەنەوازا ڕاگیری بکەرا چانەی وڵاتەکەما پێسەو ئەفغانستانی و ئێرانیش پنە پێ.
پی بۆنۆ یاڏو هەڤاڵاما ئەڤین گۆییۍ، هونەرمەڼ میر پەروەر، وڵاتپارێز و کۊششکار شۆڕش عەبدلرەحمان کزلی مکەرمێ، کە جە ٢٣ۍ کانوونو یوەمو ٢٠٢٢ پاریسەنە جە هرووژمێوە دڕندانەنە گەشمەرڏێ کریێ. سەرەما ئاستو قارەمانیەتیشانە منامنمێرە. قەول مڎەیمۍ کە مەرامەکاشا بارمێنە دی.
