پەی وینای عەبدوڵا ئۆجالانی کە حیچ هەواڵێوەش مەزانیۆ، داواکاری تازە وزیاڕووە
پارێزنەراو نوویسینگەو یاسایی سەڎەی پەی ئەنجامدای دیڎاری چنی ڕابەروو گەلوو کوردی عەبدوڵا ئۆجالانی کە حیچ هەواڵێوەش مەزانیۆ، داواکاریشا وست ڕووە.
٣٤ مانگێن زانیاری جە ڕابەروو گەلوو کوردی عەبدوڵا ئۆجالانیوە هۊرنەگیریان، کە ئینا زینڎانوو ئاسایشوو جۆروو ئێفینە جە ئیمراڵی. پارێزنەراو عەبدوڵا ئۆجالانی پەی ئەنجامدای دیڎاری چنی موەکیلەکەیشا جارێوەتەر سەردای داواکاروو گرڎیی کۆماریشا جە بورسا و ڕاوەبەرایەتی دەزگاو جابەجېکەرڎەی سزاکا ئیمراڵیشا کەرد. داواکارییەکە جە تەرەفوو پارێزنەرا نوویسینگەو یاسایی سەڎەیۆ 'رازیە ئۆزتورکە، ئیبراهیم بیلمەز، عەمران ئەمەکجی و جەنگیز یورەکلییەوە' بەرزکریاوە.
پارێزنەرەکۍ هەمان داواکاریشا پۍ وینای موەکیلەکا تەریشا جە ئیمراڵی 'عومەر خەیری کۆنار، حامیلی یەڵدرم و وەیسی ئاکتاشیچ' بەرزکەردۆ.
داواکارییەکۍ پەی ئەنجامدای دیڎاری چنی عەبدوڵا ئۆجالانی و یەرە زینڎانیەکەی تەری جە ئیمراڵی، بە بەهانۍ "سزاو دیسپلینی" ئاستەنگ کریا. دادگا دۆسیەو پەڕاوی پەیوەس بە سزاو دیسلپینی ئاشکرا مەکەرۆ.
