ئەنداموو دەسوەڵیوزوو ئازاڎیی پەی ڕابەر ئاپۊی و ئەنداموو مەجلیسوو گەلی دیموکراتیکوو ئیدارەو وێڕاوەبەری سەرنیشت و وەرکەوتوو سوریای، خالید ئەل حەسەن، ئەرەیاوناێوەش بە ئیمزاو هەزار پارێزنەرا پەی ئازاڎیی ڕابەروو گەلوو کوردی عەبدوڵا ئۊجالانی یاد ئارڎۊ و واتش: "وەڵێ چند ڕوێوەنە هەزار پارێزنەرێ پەی دماییئارڎەی بە زیندانیکەرڎەی ڕابەروو گەلوو کوردی عەبدوڵا ئۊجالانی، ئەرەسپاردێوەشا بە داوای یاساییوە ئیمزا کەرڎە و پێشکەششا کەرد".

خالید ئەل حەسەن، داواش وەنەو ڕێکوزیایەکاو مافوو ئینسانی و لایەنگێراو ئازاڎیی جیهاننە کەرد و واتش نزیکایەتیێوە دووەڕوانە وەراوەروو دۊسیێ ڕابەروو گەلوو کوردی عەبدوڵا ئۊجالانی هەن، پەوکای گردوو داواکارییەکا بێجواب مەناوە. واتش: "تا ڕابەر عەبدوڵا ئۊجالان ڕەوشێوە تەندروستدا بژیوۊ، داواما کەرڎە چەمش بە قەومەکاش گنۊ".

خالید ئەرەیاوناش، ئا کەمپەینە کە وەرکەوتوو دلێڕاسەینە دەسش پەنە کەرڎەن، تا مێ فراوانتەر بۊ و واتش: "داواو وەنەو گەلاو هەرێمەکەی کەرمێ، بەیا مەیدان و چالاکی کەرا. پەی چارەسەرکەرڎەی دۊزوو ڕابەر عەبدوڵا ئۊجالانی، داواما جە یاساشناساو جیهانی کەرڎە فشار وەنەو تورکیای و ڕای گردینی کەرا".