پەی ئەنجامدای دیڎاری چنی ڕابەروو گەلوو کوردی عەبدوڵا ئۆجالانی داواکاری وزییا ڕووە
پارێزنەراو نویسینگەو یاسایی سەڎەی پۍ ئانەی بتاوا چەمشا بە رابەروو گەلوو کوردی عەبدوڵا ئۆجالانی گنۆ، داواکاری تازەشا پێشکەش کەردۆ.
جە پارێزنەرا نویسینگەو یاسایی سەڎەی رازیە ئۆزتورکە، عەمران ئەکمەکچی، ئیبراهیم بیلمەز و جەنگیز یورەکلی پۍ ئانەی بتاوا ڕابەروو گەلوو کوردی عەبدوڵا ئۆجالانی بۋینا، کە ٣٤ مانگېن حیچ زانیاریېوە جە بارەشۆ مەزانیۆ، سەردای داواکاروو گرڎیی کۆماریشا جە بۊرسا و ڕاوەبەرایەتی زینڎانوو ئیمراڵیی کەرڎ.
پارێزنەرا حەرپاسە پۍ ۋینای عومەر خەیری کۆنار، حامیلی یەڵدرم و وەیسی ئاکتاشیچ سەردای داواکاروو گرڎیی و ڕاوەبەرایەتی زینڎان و ئیمڕاڵیسا کەرڎ.
داواکارییەکۍ بەمەبەسوو دیڎاری چنی عەبدوڵا ئۆجالانی و ٣ زینڎانییەکەی تەروو زینڎانوو ئیمراڵی، بەبەهانۍ 'سزاو دیسپلینی' ڕاشا ۋنە گیریۆ.
