گەریلاکاو هەپەگەی و یەژاستاری سەبارەت بە کۊشیای و مدرامانی، کە لە ساڵەو ٢٠٢٣ هەرێمەکاو پارێزنای مەدیاینە دژوو هجوومەکاو تورکی ئەرەگیری کریێنۍ و قەرارداریی ساڵەو ٢٠٢٤پەی ئاژانسوو هەواڵوو فورات (ANF) قسێشا کەردێ.

'ئازاڎیی ئێمە و گەلا بە ئازاڎیی ڕابەر ئاپۊیۊ  مۍ دی'

گەریلاو هەپەگەی ئازاڎ دێریک، دیارییش کەرد، کە هێز جە مدرامانی شکۊداروو ڕابەروو گەلوو کوردی عەبدوڵا ئۊجالانی ڕابەروو گەلوو کوردی دژوو دەوڵەتی ئەرەگیروو تورکی ورگێرا و واتش: " ئارۊ بە ڕۊحێتوو مدرامانوو ئیمراڵییوە زاپ، ئاڤاشین و مەتینانە جەنگ کەرا. حەروەخت دەوڵەتی ئەرەگیریی فاشیست گەرەکش بۊ ئەرەگیری کەرۊ، وەلۍ نمەتاوۊن ئا ئەنجامەیە بەدەس بارۊ. دەوڵەتوو تورکی کە وێش ئسپاران بە تەکنیکەکا، وەراوەروو هێزوو گەریلایۊ بێچارە مەنەنۊ.  وەروو ئانەیە گەریلا ئەرەمەنەی و ئیرادەش جە ڕابەر ئاپۊیۊ ورگێرتەن و جەنگێوە بەحورمەت کەرۊ. حەتا ئازاڎیی جەستەیی ڕابەر ئاپۊی مسۊگەر کەرمۍ، جە مدرامانی بەردەوامۍ بیمێ. حیچ وەخت پەی دمای هەنگامە مەنیەیمۍ، چونکوم ئازاڎیی ئێمە و ئازاڎیی گەلا بە ئازاڎیی ڕابەر ئاپۊیۊ مۍ دی. یۊبییەی گەلوو کوردی و گەلاو وەرکەوتوو دلێڕاسەی سەروو ئەرەمەنەیەکاو ڕابەر ئاپۊی گەشەش کەردەن. پەوکای تا گرد یاگێوە دنیۍ، پەی ئازاڎیی ڕابەر ئاپۊی چالاکیۍ هەنێ. ئی مدرامانانە حەر یاگێوە کوردستانینە بە سەرمەشقایەتیی گەریلای ئاستێوە بەرزنە بەردواما.  پەی ئەرەمەرزنای گلێرگێوە ئازاڎی، یەکسانی و دیموکراتیکی مدرامان کەرمێ".

'کۊشیای فراونتەر کەرمۍ '

ئازاڎ دێرک، دەسنیشانش کەرد لە حیچ یاگێوە جیهانینە نموونەی پێسە مدرامانەکاو ساڵەو ٢٠٢٣ گەریلای نییا و پێسە بەردەوام بی: "ساڵەو ٢٠٢٤ ئی کۊشیایە فراونتەر کەرمۍ و ساڵەو ٢٠٢٤ کەرمۍ ساڵەو سەرکەوتەی. گەشمەرڎەبییەی حەرهامڕێوەما، تووڕەیی و قینیما وەراوەروو دوژمنی زیاتەرە کەرۊ. بە وەعدوو هەقکەردەیۊ هامڕا گەشمەرڎەکاماوە کۊشیای فراوانتەر کەرمێ".

"ئێمە ساڵەو ٢٠٢٤داواو ئازاڎیی جەستەیی ڕابەر ئاپۊی کەرمۍ "

زەینەب نەواڵە، گەریلۍ یەژا-ستاری واتش، گەریلا ساڵەو ٢٠٢٣ێنە مدرامانێوە تارێخییشا دژوو هجوومەکاو دەوڵەتی ئەرەگیروو تورکی کەرد و واتش:"دوژمن بە گردوو هێزیشۊ گرد لاێوە هجوومش کەرد سەروو هەرێمەکاو گەریلای، وەراوەروو ئی هجوومانە گەریلا مدرامانێوە تاریخییشا تۊمار کەرد. مدرامانوو هامڕایاما ڕۊ بە ڕۊ لاپەڕەکاو تاریخیینە منویسییۊوە.. دوژمنی دڕندە گەرەکشا بە چەکی کیمیاوی گەریلای بەرۊ دلێنە لەناو. وەلۍ ئارۊ گەریلاکاو ئازاڎیی دژوو چەکی کیمیاوی بە ڕومانەی دەسی، ئیرادە و هێزێوەن جە یارای گەشمەرڎاوە پەیشا مەنەن جیا، تەکنیکوو دوژمنی ماڕا. ئێمە پا هێزەیە کە ویروو ڕابەر ئاپۊیوە هەنما درێژە بە کۊشیای مدەیمۍ و بە مدرامانما ساڵەو ٢٠٢٤ینە ئازاڎیی جەستەیی ڕابەر ئاپۊی مسۊگەر کەرمێ".

'جەنگوو مەنەی و نەمەنەین'

حەرپاسە گەریلاو هەپەگەی زنار تۊری واتش، ساڵێوە تەمامشا بە مدرامانی ویەرنا و واتش،"جەنگێوە کە هەرێمەکاو پارێزنای میدیاینە کریۊ، جەنگوو مەنەی و نەمەنەین". پەوکای دەوڵەتی ئەرەگیروو تورکی بە گردوو هێز و تەکنۊلۊژیاو سەردەمیوە هجووم کەرۊ سەروو هەرێمەکاما. حیچ وەخت مەتاوۊ ئا ئەنجامە کە گەرەکشا دەسش وزۊ. بەپێچەوانەوە وەراوەروو ئیرادەی پۊڵایوە بێدەسەڵات مەنۊوە و بۊنەو ئازاڎیوازاو کوردسانیوە کە هێز و ورەشا ویرۊکەکاو ڕابەر ئاپۊیۊ ورگێرا، مەتاوۊ سەرگنۊ.