ئەندامو دەسەو ڕاوەبەریی کەجەکەی مسەفا قەرەسوو ئەنجامەکاو ورچنیەیی ٣١و ئاداریش پەی ئاژانسو هەواڵو فورات (ANF)یش ورسەنگنێ. قەرەسوو ئەنجامەکێش پێسەو سەرکەوتەی کوردی و هێزە دیموکراسیوازەکا ئشناسنێ و دەسنیشانش کەرد کە مەژگی قڕکەر شکسش ئاردەن.

چەمپەنەکەوتەیەکەو ئەندامو دەسەو ڕاوەبەریی کەجەکەی مسەفا قەرەسووی ئینەنە:

سەبارەت بە ئۆپراسیۆنە گەورەکاو گەریلای، چالاکییە قەوەتەکا دژو پیلانگێڵنیی میاننەتەوەیی ١٥و شوباتی، مەبارەکباییە بە جۆشوخرۆشەکاو ٨و ئاداری و نەورۆز و مزانییەکەو ناوەندو پارێزنای گەلی، ئانە کە دۆخێوی چانەنە کوردستاننە و تورکیانە ورچنیەی تاریخی کریا. چە ورسەنگناێوی مکەرۆ مسەفا قەرەسوو واتش: "ئی ورچنیەیە وێمانە بییەن بە ورچنیەیێوی تارێخی. هەم کوردستاننە و هەم تورکیایچنە جەنگی تایبەت کە گردو تواناکاو دەوڵەتی دژو گەلا بەکار ئارێ، گورزی گەورەش وەرکەوت. گردو ئامرازەکاو دروا، خەڵەتنای، فشار، سەرکوت، تۆقنای و شارتەیۆ ڕاسی وەردەمو ڕاسیینە تێکێ شیێ. مشۆم ئا دۆخە پێسەو سەرکەوتەی گەلاو کوردستانی و تورکیای وربسەنگنیۆ، کە وەراوەرو گرد نۆعە هجوومەکاو دەوڵەتی مردێوە و سەرەشا نەکۆمنارە. پەوکای مەبارەکبایی وەنەو گردو ژەنا، گەنجا و پیرەکاو گەلو کوردی و گردو گرووپە ئیتنیکی و باوڕییەکا مکەرو، کە ساڵەو ٢٠١٤یوە کریێنێ ئامانجو هجوومەکاو پلانێش ماڕێ، پەوکای ئا هەڵوێستەیشا مەبارەک مکەرمێ. هەرپاسە مەبارەکبایی وەنەو گەلاو تورکیای، رەنجدەرا، دیموکراسیوازا، ژەنا، گلیرگە باوڕییەکا و گرووپە ئیتنیکییە جیاجیاکا مکەرمێ، بۆنەو هەڵوێستورگێرتەیشا دژو فاشیزمو ئاکەپە-مەهەپەی.

مشۆم ئا ڕاسییە بوینیۆ، کە سەیەو کۆشیای و قوربانیدای گەورەو گەلو کوردینە، هامپەیمانە چەپ و دیموکراتەکا و عەلەویەکانە نەبیێ، ڕەنجدەرێ و گەلاو تورکی چێرو فشاری هەسو فاشیزمو ئاکەپە-مەهەپەینە بە تەمامەتی سەرکوتێ کریێنێ. ئەگەر تورکیا بە دڵو فاشیزمو ئاکەپە-مەهەپەی نەخوڵقییان، مشۆم چانەینە دەورو ئا کۆشیاگەورەیە بوینۆ.

بەتایبەتی دماو ورچنیەی ئایارو ٢٠٢٣جەنگی تایبەت و دەسەڵاتداریی ئاکەپە-مەهەپەی و هامپەیمانە کوردەکاشا گەرەکشابێ دۆخیوی نەرێی، بێهیوایی و کەمتەرخەمی بخوڵقنا و سەرو کوردی و ئۆپۆزسیۆنیرە بسەپناش و تورکیانە و کوردستاننە سیاسەت لاو ئی دەسەڵاتداراوە واوەی دیزاین کریێ و سەدساڵی دووەم پێسە بونیاد بنریێ. بەڵام جمیەرو ئازادیی کوردی کە تورکیانە و وەرکەوتو دلێڕاسەینە هێزی سەرمەشقو کۆشیای دیموکراسیین چەنی دۆس و هامپەیمانەکاش ڕاشا پانەیە نەدا. دەمودەس هەڵمەتێوەشا وستەڕا، کە ئا کەشە سیاویوینییەشە ماڵا و گوڕشا بە کۆشیای دا.

جمیەرو ئازادیی کوردی ئەرەیاوناش، کە چەقو سیستمو فشاری و ستەمش وەنەو کوردستانی و تورکیای جەنگی دەروونی و گۆشەگیریی دژوارا سەرو ڕابەر ئاپۆی، پەوکای هەڵمەتەو 'ئازادیی پەی بۆ ڕابەر ئاپۆی، چارەسەری سیاسی پەی پەرسەو کوردی' پا ئامانجۆ دەسش پەنە کەرد. ئا هەڵمەتێ جە کەسایەتیی ئازادو ڕابەر ئاپۆینە هەڵمەتێوی کۆشیاینە دژو جەنگی چەپەڵ و تایبەتو دەسەڵاتی فاشیستی ئاکەپە-مەهەپەی تورکیانە و کوردستاننە. سەرتاسەرو جیهانینە ئاستێوی بەرزنە خاوەنداریی جە ڕابەر ئاپۆی ئاما ئاراوە. ئا خاوەندارییە بی بە کۆشیاێوی دژو دەوڵەتو تورکی، کە جە کەسایەتیی ڕابەر ئاپۆینە دژو کوردا سیاسەتو قڕکەردەی مکەرۆ، تورکیایچنە فاشیزمێو دژو دیموکراسی مسەپنۆ. وەرو ئانەیە فاشیزمو ئاکەپە-مەهەپەی دوژمنایەتیی وەراوەرو کورداش یاونا بەرزتەرین ئاست، تا کوردێ نەتاوا ئیسفادە جە دیموکراسی بکەران.

بۆنەو ٤ی نیسانی ڕۆو پەیدابییەی ڕابەر ئاپۆی مەبارەکبایی ئەرەمیاونمێ. چوارچوەو هەڵمەتەو ئازادیی ڕابەر ئاپۆینە مبۆ و گەلەکەما و دۆسێما بلا ئامارا و حەریاگێنە کە ئینێ دلێشنە بە جۆشوخرۆشۆ مەبارەکبایی ڕۆو پەیدابییەی ڕابەر ئاپۆی بکەرا و پێسە جوابو دوژمنایەتیی فاشیزمو ئاکەپە-مەهەپەی وەراوەرو کوردی و دیموکراسی بدانێوە.

فاشیزمو ئاکەپە-مەهەپەی چندین ساڵێن کۆشیای گەلو کوردی پێسەو 'پارچەکەردەی و بەشکەردەی تورکیای' نیشانە مدۆ و بە واتەی 'وەرگێریی تیرۆریزمی بووە' گردو ئامڕازەکاش ئەرەیاونێ و وەڵێش کەردێوە و بەکارش ئاردێ، برەوش بە سۆڤێنیزمی دا و سەرو ئا بنەمێ تا حاسێوی دلێ گلێرگەو تورکیایۆ پەشتیوانییش بەدەس ئاورد. بەڵام سەربارو ئانەیە ٩ ساڵێن بە پەشتیوانیی هێزەکاو بەری و سەربارو بەکارئاردەی گردوو ئامرازەکاو جەنگی هجووم مکەرۆ، کەچی نەتاواش کۆشیای ئازادیی گەلو کوردی لاواز بکەرۆ. گەریلا پایزو ٢٠٢٣ێوە بە هەڵمەتە شۆڕشگێڵنییەکاش یۆ دماو یۆی گورزی قورسش وەنەو سوپاو تورکی شانا. پا گورزا ئامانجو دەوڵەتو تورکی مەڕیا. پا نۆعە تورکیا و جیهانن وینییا، کە ئاکەپە-مەهەپە وێش پێسەو حکومەتو جەنگی ئەرەیاونان، بەزیا و شکسش ئارد. بێگومان ئا دۆخە نەک حەر ورەش بە گەلو کوردی بەخشا، هاموەخت ورەش بە گردو گەلا دا، کە ئینێ چێرو ستەمو فاشیزمو ئاکەپە-مەهەپەینە، ئازایەتییش پەنە بەخشێ، کە دژوو ئی دەسەڵاتەیە مرداوە و ئا سیاسەتێ ئاکەپە-مەهەپەی کەوتێ وەرو وەنەپەراسایوە.

ڕاسیی کوردی و کوردسانینە کە دەسەڵاتداریی ئاکەپە-مەهەپەی بنەڕەتۆ جەنگ دژش مکەرۆ و گەرەکشەن دلێشنە بەرۆ؛ چالاکییەکێ وەراوەرو پیلانگێڵنیی ١٥ شوباتینە، ڕاپیمای ئازادیی، کە دوێ قۆڵێوە کوردستاننە کریا، ٨و ئادارینە هەڵمەتەی شۆڕشگێڵنییەو 'ژەنی، ژیوای، ئازادی'ی کوردستاننە، تورکیانە و جیهاننە کریا، نەورۆزنە هەڵوێستو گەلو کوردی چوارپارچەو کوردسانینە، ئەورووپانە و گرد یاگێوی جیهانینە وەڵێوەختە نیشانەش دا کە گەلو کوردی ورچنیەینە چە هەڵوێستێو مگێرانێنە وەر. وەختێو کە شکسی گەورەو ئاکەپە-مەهەپەی ورچنیەی کوردساننە و تورکیانە ورسەنگنیا، مشۆم پێرفۆرمانس، کاریگەری و هەڵوێستو گەلو کوردی و هێزەکاو ئازادیی دماو ورچنیەیی ئایارو ٢٠٢٣ بەدروسی بوینیۆ".

سەبارەت پانەیە هامپەیمانیی فاشیستیی ئاکەپە-مەهەپەی بە هجوومی قورس گەرەکش بێ ورچنیەیە وێمانەکانە گورز وەنەو گەلو کوردی بدۆ، بەڵام بەپێچەوانەوە دەم پارتی چەنی گەلو کوردی و دۆساش جە ورچنیەیی وێمانەکانە گورزی قورسشا وەنەو دەسەڵاتی فاشیستی شانا، مسەفا قەرەسوو پێسە ئەنجامەکاو ورچنیەیە وێمانەکاش ورسەنگنێ؛

"هامپەیمانیی ئاکەپە-مەهەپەی گەرەکش بێ دماو ورچنیەیەکاو ئایارو ٢٠٢٣ ئیرادەو گەلو کوردی بە تەمامەتی ماڕۆ و ڕاو چەسپنای پۆلیس و سەروازاوە یاگەکاو نزیکو بارەگایەکاو جەنگینە گەرەکش بێ ئا هەرمانێ بکەرۆ. چا چوارچوەنە چەنی هوداپاریچ هامپەیمانییش کەرد. چەنی پەدەکەیچ دەسشا بە هامپەیمانی کەرد تا کۆشیای ئازادیی گەلو کوردی سەرکوت بکەرا. چی ورچنیەیەیچنە پەدەکە پەی سەرکەوتەی ئاکەپەی سیاسەتش گێرتەرەوەر. ئاکەپە، میت و بڕێ جە هامکارە کوردەکاشا چی ورچنیەینە دۆخێوی چامنەشا خولقنا، کە ئاکەپە دماو ورچنیەی پەی چارەسەرو پەرسەو کوردی هەنگامە منیۆ و پێسە گەرەکشابێ ئاکەپەی کوردساننە سەربوزا. پەدەکەیچ چندین ساڵێن ڕاو نزیکایەتییوە 'با دەوڵەتو تورکی ڕا بدۆ ٢-٣ شارانە دەسەڵاتدار بو' سیاسەتو قڕکەردەی دەوڵەتو تورکی سەروو کوردی و وەرنیشتیوە قبووڵ مکەرۆ. دەردەو پەدەکەی ئینێنە، ئانەیچش کە سیاسەتەکاو ئادیشا دیاریی مکەرۆ ئانەنە."

قەرەسوو وریچش ئاردۆ، کە ورچنیەی ٢٨و ئایارینە "پارتو چەپی سەوزی ڕووەو پڕچنای پەیوەندییەکاش چەنی گەلیوە بڕێو کەموکوڵیێ بیێنێ، کە دمایی بە قۆناغوو ڕەخنەینە ویەرنێنێش. چەنی نزیکبییەیۆ ورچنیەی قەرارێوی فرە گرنگش دا و ورچنیەی دلێش کەرد. ئا ورچنیەیێ وەڵێوەختە تەنیا پەیوەندییش بە ئەنداماو پارتەکەیوە نەبێ، بەڵکوم دینامیکی دیموکراتیکی وێمانەش ئامێتەو پرۆسەکەی کەرد. ئانەیچ نەک حەر جۆشوخرۆشی بە گەلی دا، هەرپاسە گردو دینامیکەکاو کوردیش تێکەڵ بە پرۆسەکەی کەردێ. بڕێو کەموکەسریێ بێینێ. بەڵام هەنگامێوی یارایانێ و گرنگە بێ. ئا هەوڵێ بڕواو نەریتی سیاسیی دیموکراتیکو کوردیش بە ئەزموونی دیموکراتیکی کوردی و گەلی نیشانە دا."

مسەفا قەرەسوو، قسێ هامسەرۆکاو هەدەپەیش چا وەختانە ئاردۆ و بە گرنگ نیاشرە، کە وەرپەرسبییەی کەموکوڵییەکاو پڕۆسەو ورچنیەییشا گێرت گەردەن و وێشا هورنەچنیۆ. کە "ئانەیچ بڕواێوی زیاتەرەش بە گەلی بەخشا. گەل دیشا کە پارتەکەشا ڕاسواچا و جیاوازا جە پارتەکای تەری. هەدەپە و پارتو چەپی سەوزی کۆنگرە، کۆنفڕانس و کۆبییەیۆشا ساز کەرد و گردو گومان و نیگەرانییەکاو گەلیشا ڕەمنێوە و گردو ئا هەڵوێست و هەنگاماشا دماو ورچنیەی ئایارو ٢٠٢٣وە نریێ دەورشا جە سەرکەوتەی گەورەو ورچنیەی وێمانەینە بێ".

مسەفا قەرەسوو ئەندامو دەسەو ڕاوەبەریی کەجەکەی یادش وستۆ، کە کۆشیای ٥٠ ساڵەو گەلو کوردی سەرنیشتو کوردستانینە کۆشیاێوی دیموکراسی و ئازادیین و شۆڕشێوی دیموکراتیکیش بە ئەنجام یاونان و ٣-٤ نەوێ چەنی بەهاکاو شۆڕشی دیموکراتیکی گەورێ بیێ. ئا شۆڕشەو ئازادییە کە بە خەتەو ئازادیی ژەنێ قووڵ بییۆ، بەتایبەتی دلێ ژەنا و گەنجانە بەتەمامی گلێرگە هۆشیاری دیموکراسییش گەشەش کەردەن. مشۆم ئێمە ئەدایاو کوردی پێسە نیشانێ حەرە بەرجەسەی ئانەیە بوینمێ. ئا گلێرگە پابەندو تاکڕەوی نمەبۆ، جەماوەرێوی ئاسایی نییا. دلێ هۆشیاریی ڕێکوزیای ٥٠ ساڵەینە قەوەت بییەن، بییەن ساعیبو هۆشیاری و وێش پێسەو ئیرادێوە بونیاد نیان. وەرو ئانەیە وێش بە بەها دیموکراتیکەکا پتەو کەردەن، گەرەکشانە ئیرادەشا بشناسیۆ. لایێوی تەریچۆ جمیەرو ئازادیی کوردی وەراوەرو ئا هجوومانە، کە گرد هەلومەرجێوەنە سەروو پایاوە مەنەنۆ، قەوەتبییەی بڕوا و پەیوەندییەکەیش چەنی گەلی کە یاوانش پەنە، پاسەش کەرد ئا تووڕەییە گەورە بۆ و دژو کۆلۆنیالیزمی قڕکەری داواو کۆشیای گەشتەرە بۆ."

قەرەسوو جەختش چانەیچە کەردۆ، کە هجووم و فشارەکاو سەرو کۆشیای ئازادیی کوردی بیێ مایێ ئانەیە بووە مایەی ئەوەی لە دژی دەسەڵات هەڵوێستی جددی نیشان بدرێت و لە ورچنیەیی خۆجێییدا گورزی گەورە لە سیاسەتی قەیوم وەشێندرا و تەختی زەوی کرا. هاوکات ئەو سەرکەوتنە کاردانەوەبوو وەراوەر گوشاری توند و هجوومەکانی سەر هەرێمەکانی پارێزنای مێدیا و رۆژئاوا کوردستان و هەموو ئەوە بووە هەڵوێستی تێکۆشانی گەلی کورد."

مسەفا قەرەسوو درێژەنە باسش کەرد، کە زیادکەردەی سەروازا و پۆلیسا، بەکارئاردەی هوداپاری و ورگێرتەی پاڵپەشتی جە کوردە نۆکەرەکایچ حیچ ئەنجامێوەش پەی دەسەڵاتی وەنە نەکەوتۆ ووستش ڕووە، کە یۆ جا یاگا کورد دلێشنە سەرکەوتەن شرنەخا. "دەوڵەت دەسش سەرو شڕنەخیرە گێرتەن کە پێسەو بارەگایێوی جەنگی موینۆش. تا شڕنەخی بکەرۆ بە ناوەندو جەنگی و ئانەش کەرد. بەڵام چی ورچنیەینە شڕنەخ سەرکەوت، دەوڵەت دۆڕیا! خەڵکو شڕنەخی بە هەڵوێستو وێشا بە گردو جیهانیشا نیشانە دا، کە دەوڵەت کوردستاننە دۆڕیان. مەبارەکبایی وەنەو خەڵکو شڕنەخی مکەرو. دەکەم. کە بە ڕۆشنی نیشانەشا دا کە کورد گەلێوی شکۆمەندا و ئیرادەش هەن؛ ورەشا بە گردو گەلو کوردی بەخشا. فاڕایۆ سەرواز و پۆلیسا جە ٥-٦ یاگانە و پێسە دەسملەرەگێرتەی شارەوانییەکا، نیشانێ تێکشییەی دەوڵەتینە. دداننیان پانەیرە کە جگە جە هێزو پۆلیسی و سەروازا دەوڵەت حیچ نیا کوردستاننە. نەک هەر شڕنەخنە بەڵکوم قلەبان، چەلێ، شەمزینان، باژێرگە، ستەور و ئەلکێشنە گەل مزانۆ کە وێش براوەن، بەهەرحاڵ حیچ یاگێ جیهانینە پا ورچنیەیە نمەوچیۆ دیموکراتیک و یەکسان. ئەنجامو ئا دۆخەیشا بە پێچەوانەو ڕاسییوە نیشانە دا. بەڵام راسیینە ئا دۆخە جە هۆشیاریی گەلو کوردینە دۆخێوی تازەش خولقنا.

کوردستاننە ئەگەر ناوەندێوی جەنگی شڕنەخنە بۆ، ئەوی تەر ئینا واننە. شڕنەخنە سەرجەمو یاگە گەورەکا کەوتێنێ دەسو دەم پارتی. واننە گردویاگەکا کەوتێ دەسو دەم پارتی، کە ئانەیچ نیشانێ سەرکەوتەی گەلو ینە ەراوەر بە قەرارگەو جەنگی کۆلۆنیالیستی قڕکەر. مشۆم مەبارەکبایی وەنەو گەلو وان بکریۆ. گەلو کوردی گردو یاگە و شارەکانە سەرکەوت. مەبارەکبایی گردیشا ونەو مکەرمێ. پەوکای یۆ یۆ باسشا نمەکەرو، تەنیا گەرەکما سەرنجە پەی سەرو سەرکەوتەی دەم پارتی ئێلیح و حیلواننە بکێشوو. حیلواننە جمیەرەکەما هەوەڵ جار چا سەرکەوتە بێ. سەرکەوتەی چا یاگانە چانە ماناش گەورێنە. پی بۆنەوە ئێمە ئەدیب سۆلمەز، نادر تەمەل و دایکمان دوڕە کایا بە ڕێز و پەنەزانایۆ یادێ مکەرمێوە. گەرەکشانە دەس سەرو شارەوانیی حیلوانیرە بگێرا. پەی ڕێزوو نادر تەمەل و ئەداما دوڕەی مشۆم گەلەکەما بە قەرارداری و پاگێرتەیرەوە درێژە بە کۆشیای بدانێ و ڕانەدانێ بە زەوتکەردەی شارەوانی."

درێژەنە مسەفا قەرەسوو بارەو دەورو ژەنا و سیستمو هامسەرۆکایەتیوە ورچنیەینە و سەرمەشقایەتیکەردەی ژەنا پڕۆسەکەنە واتش، "وەختێو باس جە کۆشیای سیاسی کوردستاننە بکریۆ، ئەگەر دەور و کاریگەریی ژەنێ ورنەسەنگنیۆ، باسەکە کەمو کوڵا و ناتەمام. مشۆم گردو دیموکراسیواز و شۆڕشگێڵنا ئا ڕاسییە بوینا. جە وەڵیوەلوای ئازادی و دیموکراسیینە کوردستاننە ژەنی دەوری گرنگشا هەن. ورسەنگناێوی سیاسی، کۆمەڵایەتی و ئایدۆلۆژی کە ئا ڕاسییە نەوینۆ، ڕاس نییا. ڕابەر ئاپۆ خەتەو ئازادیی ژەناش بە هامسەرۆکایەتی و نوێنەرایەتیی یەکسانی بەرد وەڵێوە و پاسەش کەرد کایێ سیاسیینە هەنگامەی شۆڕشگێڵنییە بنریۆ. ئانەیچە جۆشوخرۆشێوی گەورەش بە ژەنان بەخشا کە کاراکتەرو گلێرگەی دیاری بکەرا. شۆڕشی دیموکراتیک کوردستاننە یاوا ئاستێوی تازە. مشۆم ئانە پێسەو قەوەتکەردەی شۆڕشی دیموکراتیکی کە نمەبەزیۆ بوینمێ.

ژەناو کوردی ئیساتێ بە فەلسەفەو 'ژەنی، ژیوای، ئازادی'ی نەک حەر پەی گلێرگەو کوردی بەڵکوم سەرمەشقایەتیی شۆڕشی پەی ورچەرخیای جیهاننە مکەرانێ. ژەناو کوردی پا سەرمەشقایەتییە شۆڕشگێڵنییەیشا بیێ یاگێ شانازی و پەسندای سەرتاسەرو جیهانینە. مشۆم گرد کوردێو پا شکۆ و شانازییەو ژەناو کوردی دڵوەش بۆ. ژەناو کوردی بە کۆشیای گەورە یاوێنێ ئا حاسە. کۆشیای ئازادیی، کە ڕابەر ئاپۆ کوردستاننە دەسش پەنە کەرد، کۆشانی ئازادییش یاونا ئی خاڵێ. هامسەرۆکایەتیی جەوهەریتەرین بەرهەمو ئا کۆشیایە گەورەیەینە. ئانێ ئینەیە نمەوینانێ و نمەیاوانە، نمەتاوان جە کۆشیای ئازادیی گەلوو کوردی بیاوانە. هامسەرۆکایەتی ئانە نییا، کە هامسەرۆکێو ملوو ئەوی تەریرە باڵادەس بۆ، بەڵکوم یەکسانا و قەرارەکێ پێوە و بە شێوەی دیموکراتیک بەرێ کریا. هیچشا سەرو ئەوی تەریوە زاڵ نییا. پەوکای واتەی ئانەیە کە 'کێ مبۆ بە هامسەرۆکی ڕسمی" و باسکەردەی سەرو ئانەیە بە ماناو نکۆڵیکەردەین جە هۆشمەندیی هامسەرۆکایەتی. بە ماناو ئانەیە مێ کە بەڕسمی ئیمتیاز و هێزو ئەرکی موینیۆ، ئینەیچە بە ماناو نەیاواینەین جە هامسەرۆکایەتی. وەروو ئینەیچە مشتومڕی چینە پێسە غەڵەتی فەلسەفیین. ئانێ هامسەرۆکایەتی قبووڵ مکەرا نمەبانێ بە لایەنێوی بەشدار چی مشتومڕەی. بەڵام وەروو ئانەیە ئەرەیاونای کاندیدی ڕسمیی هامسەرۆکایەتی ناچاریین، ئانە تەنیا پەی ڕواڵەتی و ڕۆتینین".

جەختیچش کەردۆ، کە "گەرەکمانە ڕووەو شۆڕشو ئایندەیما سەرتاسەرو جیهانینە بوینیۆ و کاریگەرییش بۆ، پەوکای مواچمێن کە کاندیدی ڕسمیی هامسەرۆکایەتی مشۆم لاو ژەناوە بۆ. وەرو ئانەیە کە ڕوخسارو شۆڕشگێڵنیی دیموکراتیکی بەتایبەتی تورکیانە و وەرکەوتو دلێڕاسەینە، کاریگەری سەرتاسەرو جیهانینە مکەرۆ".

مسەفا قەرەسوو ئەندامو دەسەو ڕاوەبەریی کەجەکەی بەشێوی تەرو ئا چەمپنەکەوتەینە ئاماژەش دا بە شکسو فاشیزمو ئاکەپە-مەهەپەی ئیستەنبوڵ، ئەنقەرە، ئیزمیر و چوکورۆڤانە و واتش، " ورچنیەیی وێمانەنە گورزێوی قورس جە ئامانجو فاشیزمو ئاکەپە-مەهەپەی دریا، کە گەرەکش بێ فاشیزمی گرد یاگێوەرە وەڵا بکەرۆوە. گرد وەختێ سەرنەجما پەی ئانەیە کێشتێنە کە دەسەڵاتی فاشیستی ئاکەپە-مەهەپەی ئینا دۆخو وڕیای و دلێنەشییەینە. واتما کە دەسەڵاتداریی ئاکەپە-مەهەپەی کە گەرەکش بێ کوردی ماڕۆ، وێش تێک مشۆ. ئانەما پەی پڕوپاگەندی نەوات. ئا جەنگە کە ژوو ئێمە مکریۆن چەنینا و ئەنجامەکێ چەنینێ با، پەوکای خاس خاسێ چەمداریی کەرێنمێ، ئێمە ئا دەسنیشانکەردەیما وستەبێ ڕووە، جارێوی تەر ئاشکرا بی، کە ورسەنگنایەکێما چندە ڕاسێنێ.

کاراکتەری فاشیستی و دوژمنایەتیی دژو دیموکراسی بییەن مایێ وڕیای و هەرەسئاردەێوی چینەو فاشیزمو ئاکەپە-مەهەپەی تورکیانە. بناغەو ئانەیچە پەی دوژمنایەتی وەراوەرو کوردا مگێڵۆوە. دوژمنایەتیی وەراوەرو کوردا دەسەڵاتو ئارۆیش یاونا قەراخوو وڕای و هەرەسئاردەی. دوژمنایەتی وەراوەر بە دیموکراسییچ سەرچەمەو ئا وڕایە ئەخلاقی، سیاسی، ویژدانی و کولتورییەیە مگێڵۆوە کە گلێرگەنە سازش کەردەن. جەنگی چەپەڵ و تایبەت و ئا زەڕە کە پەی ئا جەنگەیە تەرخان مکریۆ."

پێویسا کە ئێمە باسو ئا بابەتەیچە بکەرمێ. بە کۆشیای گردو هێزە دیموکراتیکەکا و بەتایبەتی گەلو کوردی دەسەڵاتداریی ئاکەپە-مەهەپە چا شارانە دۆڕیا، جە دۆخی سیاسی، ئابووری، کۆمەڵایەتی و کولتووریی تورکیا دیاری مکەرا. هەرپاسە ئێمە مزانمێ کە چا یاگانە کوردێ فرێ مژیوا و هەڵوێستی هامبەشو کوردا و گەلاو تورکیای بابەتو دیموکراتیکبییەی تورکیانە گرنگیێوەش هەن. ئۆپۆزسیۆنو دلێ سیستمی چندە ئانەیە بە دروسی وربسەنگنا ئانەیچە بابەتێوی جیاوازا. بەڵام پێوەس پا شارا ئێمە موینمێ کە گلێرگەو تورکیای ئینا دلێ دینامیزمێونە، کە دیموکراتیکبییەی تورکیای بە بنەما مگێرۆ. ئا ڕاسییە فرە گرنگا. ئانە پەی خاسبییەی دماتەرو تورکیای خاڵێوی بنچینەییەنە. بەکوڵی ئانە ئەنجامو کۆشیای دیموکراسی و ئازادیی سەد ساڵەین. پێویسا ئانەیچە بوینیۆ.

دماو ورچنیەیی ئایارو ٢٠٢٣ فاڕای ڕاوەبەریی جەهەپەی، داینامیزمێو دلێ ئا حزبەینە وەش بییەن. وەختێو ڕاوەبەرایەتی خراپ مفاڕیا فرەو جارا ئەنجامی چینە مێ ئاراوە. بێگومان چێوێ کە بە تەمامەتی چارەنویسو بابەتەکەیش دیاریی کەردەن ئانە نییا، بەڵام پێویسا ئانە قبووڵ بکریۆ کە ئانەیچە خاڵێوەنە."