قەسەدە: ١٤ چەتۍ کوشیۍ، ٤ ترۆمبێلۍ و ٢ ماتۆڕسکیلۍ دلێنەبریۍ
قەسەدە ئەرەیاۋناش جە هرووژمەکانە پەی سەرو پانیشتوو ۋەرکۊتوو مەنبەجی ١٤ چەتۍ تورکی کوشیۍ و ٤ ترۆمبێلۍ و ٢ ماتۆڕسکیلۍ دلێنەبریێنۍ، وە ژمارێوە چەتۍ زامڎارۍ بیێنۍ.
مېیانو ئەرەیاۋنای و چاپەمەنی هێزەکاو سوریای دیموکراتیکی (قەسەدە) ئەرەیاۋناش، هێزەکێشا جە ئەنجوومەنو سەروازی مەنبەجی هرووژمەکۍ چەتەکا دۆڵەتو ئەرەگیرو تورکیایشا بە پاڵپەشتی زەمینی و ئاسمانی دۆڵەتو ئەرەگیرو تورکیوە جە پانیشتوو ۋەرکۊتوو مەنبەجی، هەرپاسە جە دەگاو باکووری بەنداوو تشرینی مەڕیێنۍ.
مېیانەکە ئەرەیاۋناش جە ئەنجامو گرژیەکا سەرسەعبو ئارۆی جە دەوروبەرو شارو ئەبو قەلقەلی پانیشتوو مەنبەجی و دەگاو باکووری بەنداوو تشرینی، ١٤ چەتۍ ئەرەگیرۍ کوشیێنۍ و دەیان چەتۍ زامڎارۍ بیۍ. هەرپاسە ٢ زرێ‌پۆشۍ و ٢ ترۆمبێلۍ دۆشکەهۊرگیرۍ و ٢ ماتۆڕسکیلۍ چەتەکاشا دلێنەبەردۍ.
مېیانەکە ئاشکراش کەرد تەمامو هرووژمەکا مەڕیێنۍ و جە دیمەنەکانە دلێنەبەردەی ئامێرەکاو دژمنی جە نزیکتەرین کاتەنە وەڵۍ مکریاوە.
