مېیانو ئەرەیاۋنای و چاپەمەنی هێزەکاو سوریای دیموکراتیکی (قەسەدە) جە بارەو دمایین پێشئامایەکا جە قۆڵکاو پانیشت و ۋەرکۊتوو منبجینە ئەرەیاۋنێوەش وەڵا کەرڎۆ.

ئەرەیاۋناکەی پی جۆرەنە:

"هێزەکێما هێزەکاو سوریای دیموکراتیک جە هەرێمەکاو سەرنیشتوو ۋەرکۊتوو سوریای جە دژو ئەرەگیری تورکی و چەتەکاش مڎرامانی تاریخی مکەرا و گورزەی گۊرێشا ۋنە مشانا.

جە قۊڵو پانیشت- ۋەرکۊتوو منبجی، جە ما بەینو جەنگەوانا و چەتەکا دۆڵەتو تورکی ئەرەگیرینە جەنگی دژوار ئینا ئارانە

جەنگەکە سەعات ١٧:٠٠و رۆو جومعەی دەسش پنەکەرڎ و تا سەعات ١١:٠٠ رۆژو شەممەی بەردەوام بی. جە جەنگەکەنە ٢٣ چەتۍ کوشیۍ و ٣٦ی تەریچ زامڎارۍ بیۍ، پا مەڵامەتۆ چەتەکۍ ناچارۍ بیۍ جە مېڎانەکەنە بڕەما. بەمەڵامەتو ئا گورزە قورساوە کە جەنگەوانەکێما مشاناشا، ژمارێوە فرە جە چەتەکا جە تەرسەو ئانەینە سەرجەنۆ بکیاناشاوە پەی بەرەکا جەنگی، چنی زامڎارەکا رووە مکەرا خەسەخانەکا و داوا جە دکتۊرەکا مکەرا پێسە زامڎاری تۆمارێشا بکەرا. ئینەیچ ۋەرو ئانەی چەتەکۍ جە ئاژێوە بێهیوایی و شکس و تێکشیێوە دەروونی گۊرەنە مژیوا و بە گرڎ جۆرێ هەوڵ مڎا جە جەنگ دژو هێزەکامانە ۋێشا دزاوە و بڕەما.

سەرەڕاو دژواری جەنگەکەی و بۊمبوارانو فرۆکەی جەنگی و فرۆکەی بێفرۆکەوانو دۆڵەتو تورکی ئەرەگیریچ، هێزەکێما جە ۋەرا ۋەرو چەتەکانە مڎرامانێوە قارەمانانە نیشانە مڎا و گرڎو هرووژمەکۍ دووە ڕۊی ۋېیەردەیشا ماڕێنۍ و جە ئاکام هرووژمەکانە ٣ جەنگەوانێما گەشمەرڎۍ بیێنۍ".