دەوڵەتی ئەرەگیروو تورکی نزیکوو سەیدسادەقینە پاریزگاو سلێمانیینە، سەیاریوەش کەرد ئامانج، کە دووێ ڕۆنامەنویسێ چەتری، کە ژەنی بێنێ گوڵستان تارا و هێرۆ بەهادینە گەشمەردێ بیێ.

یاگەداروو سەرۆک وەزیرانوو حکومەتوو هەرێموو کوردستانی، قوباد تاڵەبانی بە ئەرەیاوناێوە هجوومەکەش شەرمەزار کەرد و واتش: "قوربانییەکاو هجوومە درۆنییەکەو نزیکوو سەیدسادەقی، دووێ ڕۆنامەوانێ ژەنی بێنێ، نەک ئەندامێ هێزیوە چەکداری تا تەرسی وەش بکەرا پەی سەروو ئاسایش و سەقامگیریی هیچ وەڵاتێوە".

درێژەنە قوباد تاڵەبانی ماچۆ: "ئینە تاوانێوی بەهانەورنەگیرا و دژوو گرد نۆعە یاسا و نەریتیوە میاندەوڵەتین و بەتندی ئیدانەش مکەرمێ. جگە چانەیچە پاشێلکەردەیوە زەقوو سەروەریی خاکوو عێراقین،واوەی داوا وەنەو حکومەتی فیدراڵی وگلیرگەی میاننەتەوەیی مکەرمێ، سنووریوە پەی ئی پاشێلکارییا بنیارە، کە بیێنێ بە هەڕەشێوە جیددیە پەی سەروو ژیوای هاموەڵاتە مەدەنییاو هەرێموو کوردسانی.

پی بۆنەوە سەرەوەشی جە بنەیانەی و کەسوکاروو هەردووە ڕۆنامەنویسە گەشمەردەکا مکەروو هومێدوو زوو خاسبییەیوە پەی بریندارەکەی موازوو".