ئەمیندارو گردیی عەسائیبوو ئەهلوو حەقی، قەیس خەزعەلی سەرنجش وست سەرو ئاڵنگارییەکا وەردەموو حکومەتوو سودانی و ئەرەیاوناش، ئاڵنگاری سەرەکی وەردەموو حکومەتی بەرکەردەی هێزەکاو هامپەیمانا و سوپاو تورکیاین سەروو خاکوو عێراقینە.
ئارۆ، جە شارو بەغاینە، جە ساڵیادو ئەرەمەرزیای جمیەروو عەسائیبوو ئەهلو حەقی، ئەمینداروو جمیەرەکەی قەیس خەزعەلی پەشگیریش پەی سەرۆکوو حکومەتی محەمەد شیاع سودانی واوەی کەردۆ و سەرنجش وست سەرو ئاڵنگارییەکا وەردەموو حکومەتی و واتش: "ئاڵنگاری یووەم بەرکەردەی هێزە بیانییەکان بەپاو دەستووری، وەڵێ گردینە هێزەکاو هامپەیمانی میان نەتەوەیی و هێزەکێ تورکیای".
هەر جە درێژەو قسەکاشەنە خەزعەلی ئەرەیاوناش پێویسا کێشەکاو بەینوو حکومەتی فیدراڵی و حکومەتو هەرێموو کوردسانی چارەسەرێ کریا و هورچنیەو سەرۆکو پەرلەمانی یەکلایی کریۆوە.
