وەزیروو جبەروو عێراقی چنی هامتا ئێرانییەكەیش جە سعودییە كۆبیۊ و ئاژەو غەززەی و مەترسییەكۍ فراوانبیەی جەنگیشا هۊرسەنگنۍ، حەرپاسە فوئاد حسێن ئاگاڎیشدا جە مەتەرسی فراوانبیەی جەنگی جە تەماموو مەنتیقەکەینە.
نۋیسینگەو ئەرەیاۋناو وەزارەتوو جبەروو عێراقی جە بارەو کۊبیەیۊ فوئاد حسێن، وەزیروو بەروو عێراقی و ئەمیر عەبدوڵاهیانی وەزیروو بەروو ئێرانی جە جەدە، ئەرەیاۋنېوەش ۋەڵا کەرڎۊ.
جە ئەرەیاۋناکەینە ئامان، ئارۊ فوئاد حسێن، جە پەراوێزوو کۊبیەیۊ دەسەی كارگێڕی ئەنجومەنوو وەزیرانوو بەروو وڵاتا ئەنڎام جە ڕێكوزیای هامكاری ئیسلامی چنی هامتا ئێرانییەكەیش جە سعودییە کۊبیۊ، جە کۊبیەیۊکەینە چن پەرسېوە هامبەش و پەیوەس بە غەزەی هورسەنگنایشا پۍ کریا.
ئاماژە پانەیچ کریان، جە کۊبیەیۊکەینە وەزیروو جبەروو عێراقی باسش جە حۊڵەکا پۍ مرڎنای جەنگوو سەروو غەزەی و یاۋنای هامكاری مرۆیی پۍ كەرتوو غەزەی کەرڎ، حەرپاسە ئاگاڎیشدا جە فراوان بیەی مەترسییەكا جەنگی سەروو ئەمنیەتوو مەنتیقەکەی، مشۊم گرڎوو حۊڵەکا سەروو مرڎنای جەنگی و پارېزنای هاموڵاتیا مەڎەنی چڕ کریۊوە.
هېزی کۊبیەیۊ وەزیرا جبەروو وڵاتا ئەنڎام جە ڕێكوزیای هامكاری ئیسلامی پۍ باسکەرڎەی دەسدرێژی سەروازیی ئیسرائیلی پۍ سەروو فەلەستینی جە بارەگاو سكرتاریەتی گرڎینەو ڕێكوزیاکەی جە شاروو جەدەی جە سعودیە لۋاڕاوە.
