جەمەو شۆڕشگێڵنیی ژەنا ئەفغانستانی (راوا) هجومەکۍ دەوڵەتوو تورکی ئەرەگیری و ئێرانیشا پۍ سەروو گەلوو کوردی شەرمەزارکەردۍ و ئەرەیاۋناشا، کە ئاخێزوو ژەناو کوردی سەرچەمەو هیواین پۍ گرڎوو ژەنا ۋەرکەوتوو دلێڕاسەی.
راوا پەیامێوەش ئاراسەو گلێرگەو ژەنا ئازاڎیی ۋەرکەوتوو کوردسانی (کەژار)ی کەرد و چنەشەنە سەرنجش وست سەروو هجوومەکا دەوڵەتا ئەرەگیری و ئاماژەش بە مدرامانوو گەلوو کوردی بە تایبەتیچ ژەنا جە ۋەران ۋەروو هجومەکانە کەرد.
راوا هجومەکۍ دەوڵەتوو تورکی و ئێرانیش جە ۋەران ۋەروو گەلوو کوردینە شەرمەزار کەردۍ و ئەرەیاۋناش، ئاخێز و کۊشیای ژەناو کوردی سەرچەمەو هیواین پۍ گرڎوو ژەنا ۋەرکەوتوو دلێڕاسەی.
جە پەیامەکەنە ئامان، "پێسە ژەناو ئەفغانستانی و کوردسانی ئێمە جە دژوو هجومەکا مشۆم بە هامبەشی کۊشیەیمۍ. دەوڵەتوو تورکیای فاشیستی ئەوەڵجارش نییا کە هجوم کەرۆ. چنڎین ساڵێن هجوم کەرۆ سەروو گەلوو کوردی و ژەنە جەنگەوانەکا کوردی گەشمەرڎۍ کەرۆ. بەڵام وڵاتا دنیۍ ۋاران ۋەر پا تاوانە بێ هەڵوێستێنۍ و دەنگ هۊرمەبڕا. ژەناو ئەفغانستانی داکۆکی جە هەمان قەزیەو ژەنا کوردی کەرا. ۋەروو ئانەی پەشتیوانی جە کۊشیای ژەنا کوردی دژوو فشاری و ئەرەگیری کەرمۍ. جە قەنارەدای چوار زینڎانیا کوردی جە تەرەفوو رژێموو ئێرانیۆ، شەرمەزار کەرمۍ".
