کاندیدەو پارتوو چەپی سەوزی جە مەنتێقەو دووەموو ئیستەنبوڵینە "ئۊزگول ساکی"یە، جە ساڵەو  ١٩٧٦ جە چایجوماو زۊنگوڵداغ-ینە پەیدۍ بیێنە. دماو تەمامنای زانکۊی بیێنە بە مامۊسا و چا وەختۊ تێکەڵە بە هەرمانۍ سەندیکایۍ بیێنە. جە ساڵەکاو نەوەڎینە پەی وەشکەرڎەی لوجنەو ژەنا جە سەندیکایەکانە خەباتش کەرڎەن. ساکی-یە، کە بەشڎارییش جە جمیەرە فیمینیستییەکانە کرڎەن، فرەو چێوانە هامکاریی کۊشیایا جمیەروو ئازاڎییش کەرڎەن. بەتایبەتی جە وەختوو مدرامانوو وێڕاوەبەرینە، جە چوارچووەو دەسوەڵێوستەی ژەنانە پەی ئاشتی لوێنە کوردسان و چا چەنی ژەنا دیدارش ساز کەرڎەن.

ساکییە کە وێش پێسە 'فیمینیست سۊسیالیست'ێوە مشناسۊ پێسە باسوو لوایدلۍ پەرلەمانی کەرۊ: "ئێمە پەرلەمانی پێسە مەیڎانۍ پەی یاونای دەنگوو جاڎەی وینمۍ. هەمان وەختنە پەی بوارێوە پەی کۊشیای ڕزگاری جە دژوو پیاسالاری وینمێش".

هامپەیمانی دوژمنوو ژەنا

ساکییە ئانەیچش وست ڕووە، کە هامپەیمانیی کۊماری بەینوو ئاکەپەی و هوداپاری و پێکئامایەکای تەری، یەکڕاس هامپەیمانیین دژوو ژەنا واتش: "جە چوارچووەی تەسکوو ئەقڵیەتوو پیای و بە پاو وێشا ئشناسنامێوە پەی ژەنۍ هەن. پەی ژەنا جبەروو ئا ئشناسنامەیۊ گرڎ تنڎوتیژیێوە بە ڕەوا نریۊرە، ئێمە ئا سیستمی فاڕمێ".

مەبۊ یەک دەنگیچ فۊتیۊ

ساکیییە ماچۊ مەبۊ یەک دەنگیچ فۊتیۊ، پەی فاڕای سیستمی ئینە فرە گرنگا. ساکییە واتش، "فرە زەروورا گرڎوو توانا و وزەو کۊشیایما چی پڕۊسەنە پێوە وزمۍ هەرمانە و زیاڎکەرڎەی ژمارەو پەرلەمانتارەکا چی ڕێوە بۊ. گرڎما ئینەی زانمۍ و پێویسش بە واتەی نییا. سیستمەکە فاڕیۊ. ئیساتۍ وینیان کە کۊکەرڎەیۊ گرڎوو دەسەڵاتەکا دەسوو تەنیا کەسێوە چنڎ خراپا. پەوکای ئی سیستمە فاڕیۊ. ئینەیچ پێویسش بە فاڕیای یاسۍ و هەموارکەرڎەیۊ دەسوورین. چێنە ژمارەو پەرلەمانتارا فرە زەروورا. گرنگا کە دەنگەکێچ نەڎریا ئاویرە و ئێمە بتاومۍ ژمارێوە فرە پەرلەمانتارۍ کیانمۍ پەرلەمان".

س.ز