دۆرتمۆند

بۆنەو ٤٥ ەمین ساڵیاڎوو ئەرەمەرزناو پەکەکەی، جە تەرەفوو ناوەنڎوو گلېرگەو کوردی دیموکراتیکی دۆرتموندیوە، مەراسیمېوە سازکریا.

کوردسانیا جە دەکتەم کوۍ بیېوە، هۆڵوو مەراسیمەکەی بە لافیتۍ مبارەک بایی ساڵیاڎەکەی و وێنەکا ڕابەروو گەلوو کوردی عەبدوڵا ئۆجالانی و گەشمەرڎا کۊشیای ئازاڎیی ڕازیاوە.

مەراسیمەکە بەدەیەقېوە ڕێزگرتەی جە گەشمەرڎا دەسش پنە کەرڎ و بە نامۍ تەڤگەریوە قسۍ کریا.

مەراسیمەکە بە چالاکی هونەری و بەرزکەرڎەیۆ درووشمەکاو "بژیۋۆ سەرۆک ئاپۆ" و "بژیۋۆ مدرامانوو گەریلا"ی و "گەشمەرڎۍ مەمرا" و "ژەنی، ژیۋای، ئازاڎیی" بەردەوام بۍ.

دارمشتات

مەجلیسوو دیموکراتیکی دارمشتاتی و دەتەکەی و تەژەکە-ئەی، مەراسیمېوەشا سازکەرڎ.

مەراسیمەکە بە دەیەقېوە ڕێزگرتەی جە یاڎکەرڎەیۊ گەشمەرڎا کۊشیای ئازاڎیی کوردسانی دەسش پنە کەرڎ. دماتەر بەڵگە فیلمېوە سەروو تاریخوو کۊشیای و ساڵەو ئەرەمەرزناو پەکەکەی نیشانەدریا. 

جە قسەکانە ئاماژە پانەی کریا، گرڎوو دەسکۊتەکا ئیسەو گەلوو کوردی ئەنجاموو ئیراڎەو بەقوەتوو سەروەخت و ئەرەمەرزناین.

مەراسیمەکە بە نمایشی هونەری و بەرزکەرڎەیۆ درووشمەکا دمایش پنە ئاما.