شاندو کەنەکەی پاڵپەشتی ۋێشا پەی کەمپینو ۋەرنیشتی بەربڕی
شاندو کەنەکەی سەرشا ۋنەو کەمپینو گلێرگەردەیۆ هامکاری پەی ۋەرنیشتوو کوردەسانی جە سلیمانینە دا و پەشگیری ۋێشا پەی كەمپەینەكەی و ۋەرنیشتوو کوردەسانی ئەرەیاۋنا.
شاندێوە کەنەکەی کە پێکئاما بۍ جە، هامسەرۆکۆو کۆنگرەی نەتەوەی زەینەب موڕادۍ، ڕەفیق غەفور ئەندامو کۆنسەو ڕاوەبەری کۆنگرەو نەتەوەی، شەهلا عەفیدە ئەندامەو کۆنسەو ڕاوەبەری كەنەكەی، سەرشا ۋنەو ڕێکوزیاو ئازادبیەی جە شارو سلێمانینە دا و جە بارەو ئامانجو سەرۋنەداکەیشا کۆنگرێوە ڕۆنامەوانیشا بینا.
رەفیق غەفوور، ئەندامو کۆنسەو ڕاوەبەری کۆنگرەو نەتەوەیی کوردەسانی -كەنەكە جە کۆنفرانسە رۆنامەوانیەکەنە ئەرەیاۋناش، ئامانجو ئێمە گلێرکەردەیۆ کۆدەنگی و ڕێکوستەیۆ دلۍ یانەو کوردین و کەمپینو پەشتیوانیکەردەی و هامکاریکەردەی ۋەرنیشتوو کوردەسانی بە کارێوە گرنگ مزانمۍ.
ماچۆ، پېسە ئانەی جە میدیاکاوە موینمێش کە زاوڵۍ جە ئاوراینە مرا، پۊکەی هامکاری مرۆیی پەی هەر گەلێوە بۆ ئانە کارێوە پیرۆز و نیشتیمانیا، ئەر وڵاتو ۋێما و هامنیشتیمانیا ۋێما با ئانە ئینا وەڵتەرێوە.
واتیچش، کەمپینو پەشتیوانی ۋەرنیشتی بەشێوەن چا کۊششەی هەریۆ جە ئێمە پەی ئازادی و ئارامی و پێوەرەیی پەیش ئەرەکۊشمۍ.
ئانەیچش وست ڕووە، جە ئیساتێنە ئینایمۍ هەوڵداینە کە گلێرۆبیەی راوێژكاری نەتەوەیی جە هەرچوار پارچەنە بکەرمۍ، پۊکەی گەرەکمانە پەیلواو فرەو لە لایەنە سیاسیەکا و کەسا نیشتیمانی و ئەکادیمی هۊرگێرمۍ پەی ئانەی بزانمۍ چا بارۆ چ هەنگامێوە بنیەیمۍ.
ئاماژەش پانەیچ کەرڎ، تا ئیسە سەردای زیاتەر جە ١٢ میدیایاما جە سلێمانی و هەولێرەنە کەردەن تا زەمینێوە پەی کۆدەنگی وەشبکەرمۍ تا ئیساتێچ پەیلواکۍ ئەرێنیۍ بیێنۍ.
