مەجلیسو بنەیانەو گەشمەردا و یەکینەکاو پارێزنایی گەلی یەپەگە مۆزەخانێوەشا پەی یادو گەشمەردە عەگید (مەحسوم کۆرکماز)ی کەردۆ. مۆزەخانەکەنە چەک و کەرەسێ سەروازیێ جەنگەوانا و گەریلاکا، کە هەرێمو سەرنیشت و وەرکەوتو سوریاینە و هەرێمەکاو پاریزنای میدیاینە گەشمەردێ بیێ نمایشێ کریێنێ. 

مۆزەخانەکە پارکو ٤ی نیسانینە، شقەیفنە و گەڕەکەو شێخ مەقسوودینە کریاوە، جگە چانەیە ڕسمێ گەشمەرداو هێزەکاو پارێزنای گەل (هەپەگە)، یەپەگە، یەپەژە، هێزەکاو ئاسایشو دلێ، مدرامانو سەردەمی و ڕسمو گەشمەردە ئەبو شیاری گەڕەکەو سەکەنو شەبابینە نمایشێ کریێنێ. 

چالاکییەکەنە، قسەکەرەو هەڵمەتەو ئازادیی ڕابەر عەبدوڵا ئۆجالانی، سورەیا، ئامنە خدرۆ واتش، یوەم تەقەو گەشمەردە عەگیدی تاریخو پەکەکەینە، مدرامانش قەوەتتەر کەرد و گەلش پەی کۆشیای هۆشیار کەردۆ. 

حەمزە حەلەب فەرماندەو یەپەگەی واتش، مانگەو ئاداری مانگەو دەسکەوتی و سەرکەوتەیەکان. ئەرەپڕای قامیشلۆی یۆن چانیشا هێز وێش جە یوەم تەقەو گەشمەردە عەگیدیوە ئاردەن.  

تاتەو گەشمەردە گوڵجین، خەلیل واحید بیلال وئەداو گەشمەردە گەرزان، ئیمێل قەرەمان مۆزەخانەکەشا کەردۆ.

هاموەخت نیشانگێوە هونەری مەکتەبو سەلاحەدینینە گەڕەکەو ئەشرەفیەو حەڵەبینە کریاوە. 

نیشانگاکەنە ٦٠ تابلۆوێ نەخشنیێ لاو ١٠ وانیارە ١٤ ساڵاوە نمایشێ کریێ. تابلۆکانە ڕسمێ ڕابەرو گەلو کوردی عەبدوڵا ئۆجالانی و عەفرینی ئەرەگیرکریای و سەبارەت بە تندوتیژیی دژو ژەنا ئرمانیێ.