ڕۆو ٤ نیسانی پەیڎابییەی ڕابەرو گەو کوردی عەبدوڵا ئۆجالانی لە کەمپو سەردەمو شەهباینە بە ئاهەنگ و وەشی مەبارەک کریا. ئاهەنگەکە بە سەرمەشقایەتیی کۆنگرەو ستاری ڕێک وزیابێ، یاگێ مەراسیمەکەی بە ڕسمەکاو ڕابەرو گەلو کوردی عەبدوڵا ئۆجالانی ڕازیابێوە. بە سەدان ئاوارێ عەفرینی، ئەرەنیشتێ شەهبای، نوێنەرێ ڕێکوزیا مەدەنییەکا و لایەنە سیاسییەکا بەشدارییشا ئاهەنگو مەبارەکباییەکەینە کەرد.

مەبارەکباییەکە بە دەیەقێو ڕێزگێرتەی پەی یادو گەشمەردا دەسش پەنە کەرد و ئەدایاو ئاشتی مەبارەکباییەکەنە کاوەترییشا ئازادێ کەردێ.

گولێ محەمەدە ئەندامەو کۆنگرەو ستاری ئاهەنگەکەنە واتش، کە مانگەو نیسانی ئەوەڵوو ژیوایۆین و ڕوێوی پێسەو ئارۆینە ڕابەرو گەلو کوردی عەبدوڵا ئۆجالان پەیڎا بی تا گەلو کوردی بپارێزنۆ.

هەرپاسە گولێ محەمەدە داواش وەنەو ڕێکوزیایەکاو مافو ئینسانو جیهانی کەردە، پەی دماییئاردەی بە گۆشەگیریی سەرو ڕابەرو گەلو کوردی عەبدوڵا ئۆجالانی بەیا وەرۆ.

بە بۆنەو ڕۆو پەیڎابییەیی ڕابەرو گەلو کوردی عەبدوڵا ئۆجالانیوە، گەنجێوی خەڵکو عەفرینی وەعدش دا کە بلۆ ڕیزو شۆرشگێڵناوە.

دمایی گرووپو شیعرا و گۆرانییا هونەر وێشا پێشکەش کەرد و ئاهەنگەکە بە سەما و شادی دماییش ئاما.