ناوەندو ئەرەیاونای و چاپەمەنیی هەپەگە سەبارەت بە گەشمەرڎەبییەی گەریلێوە ئەرەیاوناێوەش وەڵا کەردۆ. ئەرەیاونایەکە ئینەن:

"٢٣ ئادارو ٢٠٢٤ هەرێمو گەشمەرڎە دەلیلو وەرنیشتو زاپی هجوومێوی دوژمنینە هامڕاما خەبات تورکمەن گەشمەرڎە بی.

ڕابەر ئاپۆ بە ئەندێشەو نەتەوەی دیموکراتیکی ئا ڕاسییەشە نیشانە دا، کە پەی گردو گەلا و بەتایبەتی پەی   گەلاو وەرکەوتو دلێڕاسەی ژیواێوی ئازاد متاویۆ دەسەبەر بکریۆ. جە ڕاو شۆڕشو ئازادیی وەرنیشتی  و ئەندێشەکاو ڕابەر ئاپۆیوە  کریێنێ بە کرڎەوە و یاویێنێ یاگێ. وەرو ئانەیە گەلاو سەرنیشت و وەرکەوتو سوریای سەربارو هجووم و کۆکوشییچ دەورو ئا ئەندێشارە کوێ بیێوە و ژیواێوی ئازادشا بونیاد نیا. جە جیهانێوی تاریکنە، کە چەتەکاو داعشی هەوڵێش دێ بخوڵقناش، هامڕاما خەبات تورکمەن ڕاو ئەندێشەکاو ڕابەر ئاپۆی و جەنگی گیانبازانەو هێزەکاو ئازادییوە وەرنیشتنە ڕۆشن بیۆ، بە بێ ساتێو دڕدۆنگی و دووەدڵی، بەشدارییش ڕیزەکاو کۆشیاینە کەرد و ژیوای ئازادییش ورچنی. هامڕاما کەشەکاو کوردستانیش پێسەو یاگێ مسۆگەرکەرڎەی ئازادی وینێ، گرد ساتێونە هەست بە ئازادیی کەرێ. هامڕاما خەبات کە زانێ بەشداربییەی چەنی ڕابەر ئاپۆی پێویسا بە شێوەی گیانبازانە بۆ، بە گردوو خانەکاو جەستەیشوە، بەشدارییش کۆشیاینە کەرد. هامڕاما هەرێمو گەشمەرڎە دەلیلو وەرنیشتو زاپینە یاگ نەمەنەبێ نەلۆشنە، جە چندین سەنگەرانە کۆشیا و هەرمانەو وێش سەرکەوتانە کەرڎە.

بە کەسایەتێوی ساکار و جەوێویەرڎە، بێگەرد، ڕاس و ڕەنجدەرانە کۆشیا، دلێ هامڕایاشنە بی بە یاگێ ڕێز و وەشەسیای. سەرەوەشی وەنەو بنەیانەی بەڕێزو هامڕایما خەباتی و گردو ئا گەلا مکەرمێ، کە دڵش پەی ئازادیی مدۆ وەنە.

زانیاری سەرو شناسنامەو هامڕاما خەبات تورکمەنی:  

شناسنامێ: خەبات تورکمەن

نامێ و دمانامێ: محەمەد نیناوی

یاگێ پەیدابییەی: ڕەقا

نامێ ئەدێ- تاتەی: وەخلە- هناوی

وەخت و شۆنەو گەشمەرڎەبییەی: ٢٣ی ئادارو ٢٠٢٤/ زاپ