یۊبیەی ژەناو سۆسیالیستی ئەوروپای (سەکەبە) جە ئەرەیاۋنېوە نویسیانە ئەرەیاۋناش، پۍ ئازاڎیی ڕابەروو گەلوو کوردی عەبدوڵا ئۆجالانی، ئێشکگیریی دادوەری و مانگرتەی جە واردەی  بەردەواما.

جە ئەرەیاۋناکەینە ئامان: " زینڎانیا قەراروو ئانەیشادان، تا گۆشەگیری لانەبریۆ، جە مانگرتەی جە واردەی بەردەوامۍ با، ئێمە خۊتانکەردەی جە داواکاری زینڎانیا شۆڕشگێڵنی کەرمۍ و بە رێزۆ سڵام جە مدرامانیشا کەرمۍ".

سەکەبە ئەرەیاۋنانیچش:

"داوا جە ژەنا کرێکاری، کۆچبەرا و ئەرەنیشتا ئەوروپای کەرمۍ، ئینایمۍ حەر وڵاتێوەنە دەنگما وزمۍ پاڵوو دەنگ و داواو زینڎانیا، مافوو ژیۋایشا پارېزیۆ، داواکاری رەوا و مافوو مدرامانیشا بە ڕېزوو حورمەتۆ بیاونمۍ بە بەری، شان بە شانوو ژەنا زینڎانی نەوەشی مردمېوە و بیمۍ بە هێز".