نوێنەراو سەندیکاکا کە سەروو ئاستی میاننەتەوەییوە بە نامۍ "کەمپینوو سەندیکاکا پەی ئازاڎیی ئۊجالان"ی هەرمانە و خەبات کەرا، جە ٢٦ تەمووزی بروکسەلنە کۊنفڕانسێوە ڕۊنامەوانی ساز کەرا.
بە پاو ئەرەیاونیاو ڕاوەبەراو سەندیکاکا کرستین بلاور و سیمۊن دوبینس گرووپێوە جە نوێنەراو سەندیکاکا وەروو ئانەیە کە نیگەرانییەکێشا بارەو گۊشەگیریی دژواروو سەروو ڕابەروو گەلوو کوردی عەبدوڵا ئۊجالان-یوە وزا ڕووە، پەرلەمانوو ئەورووپاینە جە بروکسەلوو پایتەختوو بەلجیکاینە کۊنفڕانسێوە ڕۊنامەوانی ساز کەرا.
کۊنفڕانسی ڕۊنامەوانیی نائاسایی
لە ئەرەیاونایەکەو بلاور و دوبینسنە ئامان: "بەڕێز ئۊجالان ٢٤ ساڵێن تورکیانە ئینا ژووری تاکەکەسینە و دووۍ ساڵێن ڕا مەدریۊ پارێزنەرۍ و بنەیانەکەش ویناش و زانیاری بارەو دۊخیشۊ ورگێرا. ئیسەنە مەزانیۊ کە سڵامەتا و تەندروسییش خاسا یان نا. ئیساتۍ بێتاقەتیێوە فرە قووڵ بارەو ژیوای و تەندرووسییشۊ هەن.".
هامکاراو گۊشەگیری
نوێنەراو سەندیکاکا ئەرەیاوناشا، کە بۊنەو ئانەیۊ کۊمیتەو وەرەنگاربییەیۊ ئەشکەنجەی زانیاری پێویس و بڕواپەنەکەرش بە ڕای گردینی نەدان ئانەیچ بییەن بایسوو زیادبییەی بێتاقەتییەکا و واتش، "ئێمە کۊنفڕانسە ڕۊنامەوانییەکەمانە ئانەیە وزمۍ ڕووە، کە ڕێکوزیایەکاو مافوو ئینسانی، ئەنجوومەنوو ئەورووپای و حوکمەتەکاو ئەورووپای بەبێدەنگیشا وەراوەروو ئی دۊخەینە بیێنۍ هامکار و هامبەشوو ئی پاشێلکارییە زەقەو مافەکاو ئینسانی".
کۊنفڕانسی ڕۊنامەوانی کە ئەرەیاونیان، لاو سارە گیلنەیۊ ملۊ ڕاوە. سیمۊن دوبینس، یونیت زی یونیون (یونایت) (بەریتانیا)، بارۊنس کریستنی بلاور (بەریتانیا)، ئانتۊنیۊ ئامۊرۊس، یۊبییەی گەلوو کوبی (ئیتالیا)، میشێل ئاریکال پارێزنەر جی ئار ئی دی (ناوەندوو کۊڵیایۊ و چالاکی پەی دیموکراسی)، (ئیتالیا) ئامێدیۊ- کیاستالیا، سەرۊکوو مەنتێقەی هەشتەموو شارەوانیی ڕۊمای، ساڤریۊ نۊنۊ، سەرۊکوو شارەوانیی فۊسالتۊ (ئیتالیا)، ڤیسێنتۍ ژۊزۍ ڕیکۊندۊ، نوێنەروو ئێڵ ئەی بی، دانیەل کۊپ، ئەنداموو سکرتاریەتوو پی ئای (بەلجیکا) ڕۊزا ساڵحە، ئەندامەو ئەنجوومەنوو گلاسکۊی (سکۊتلاند)، مایک ئاڕنۊت سەرۊکوو کۊنگرەو سەندیکاکاو سکۊتلاندی (تی یو سی) (بەریتانیا) بەشداری کەرا.
س.ز
