سەنگەرەکۍ مدرامانی جە زەمین و ئاسمانۊ بۊمبۋاران کریۍ
سوپاو ترکی ئەرەگیری ١٧ و ١٨و نیسانیەنە جە کەشو ئێف ئێمی، کەشو جودی، چەمچۊی و سیدای سەنگەرەکۍ مدرامانیش ١٢ جارۍ بە هەلیکۊپتەری ھجومکەر، ٣٦ جارێچ بە کاتیوشا، تانک و چەکی قورس بۊمبۋاران کەرڎۍ.
ناۋەنڎو یاۋنەری و چاپەمەنی هەپەگەی جە بارەو ھجومەکا سوپاو ترکی ئەرەگیری زانیاریش وەڵاکەرڎۊ. ئەرەیاۋناکە پی جۊرەنە:
هەرێمو زاپی:
١٧و نیسانیەنە سەعاڎ ٠٤:٠٠ پۍ ٠٧:٠٠ و سەرسەعبی سوپاو ترکی ئەرەگیری بە چەکی قورس ھجومش کەرڎ سەرو مەیڎانو مدرامانو کەشو جودی. هێزەکېما پۍ پارێزناو ۋێشا ناچار بە جواب دایۊ کریۍ و ئاکامەنە جەنگ ھورگیسیا.
ھجومەکۍ سوپاو ترکی ئەرەگیری:
١٧ و ١٨و نیسانیەنە سەنگەرەکېما جە مەیڎانەکا مدرامانی کەشو ئێف ئێمی، کەشو جودی، چەمچۊی و سیدای ١٢ جارۍ بە هەلیکۊپتەری ھجومکەر، ٣٦ جارێچ بە کاتیوشا، تانک و چەکی قورس بۊمبۋاران کریۍ".
هـ . ش
