جە ماوەو وێردەینە ئۆردۆگان جە دماو ئا شکستە گەورەیە کە جە ورچنیاکا سەرنیشتوو کوردسانی و تورکیاینە چەشتش، بە هەرچوار پەلش کەوتەن جموجوڵ تا درېژە بە هجوومەکاش دۆ جە دژو گەریلاکا ئازاڎیی. شکسوو دەسەڵاتی فاشیزم و ئەکەپەو جەهەپەی جە وەرانوەرو کۆشیاو گلیرگەو کوردی جە مېڎان و سیاسی و دیبلۆماسی و سەروازینە، بییەن بە مەڵامەتو توڕەی ئی دەوڵەتە ئەرەگیرەیە، وەڵینگەو دەوڵەتو تورکی ئەرەگیری ئانەش نیشانەدان کە چنڎە دژو گلېرگەو ئینسانی ئازاڎوو کوردییا. دەوڵەتو تورکی ئېساڵیچ چەنی نزیک بییەیۆ فەسڵو وەهاری پیسەو وەڵینگەو وېش جەڕاو دەزگا تایبەتەکا جەنگی تایبەتیۆ ئەرەیاوناش کە دریژە بە جەنگو تیرۆری مڎۆ جە دلۍ سونوورینە و جە بەرو سنوورەکایچۆ.

ئارۆنە ئانەی بییەن بە مایەو نیگەرانی و توڕەی گلیرگەو کوردی و تەمام و ئازاڎیی وازا دنیۍ ئا بێدەنگییەنە کە جە لایەنو دەوڵەتا ئەوروپا و ئەمریکایۆ پەی ئا وەحشیگەریا دەوڵەتو ئەرەگیرو تورکیای کە تەمام و یاساکا جەنگیش دەربازکەردینی، ئینەیج ئا ورسەنگناو ڕابەر ئاپۆیشە پەش ڕاس کەرۆوە کە دەوڵەتو ئەرەگیرو تورکییەی پۆلیسو پاریزناو سیسەمە جیهانییەکەین جە وەرکەوتو میامینینە، کە سیسەمی سەرمایەدارین و ئی سیسەمە جە دژو بییەو گلیرگەو کوردی و کورسانی جە ١٠٠و ساڵی وێردەنە مەزیانەرە، پەیماننامەو "سیڤەر و لۆزان و سایکس بیکۆ" جە ڕاسیینە گوزارشت چی ڕاسییەیە مکەرانۍ. ئارۆنە سیسەمو سەرمایەداری جە ڕاو  ئۆردۆگانیۆ گەرەکشا گلیرگەو کوردی جەبەین بەرۆنەو پەی ئی ئامانجەیشا گرد هامکارێوەش پێشکەش پی دەوڵەتە ئەرەگیرەیە کەردەن. بەپاو ئا سەرەداوا کە بەرکەوتینۍ ئۆردۆگان جە سەرداکەیشەنە پەیلاو کاروەدەسا ئێراقی داواو هامکاری سەروازیش کەردەن جە دژو تەڤگەرو ئازاڎیی کوردی و کاروەدەسۍ بەغڎای چیبارۆ هیچ وەعدێوەشا پەنە نەڎان، ئینەیج گوزارش چا ناکۆکییە قوڵا مکەرۆوە کە میامینو ئی دووە دەوڵەتەینە هەن؛ هاموەخت دەوڵەتوو ئێراقی هیچ بەرژەوەندێوە ویش چی داواکارییەو تورکییەنە مەوینۆوە. ئی دۆغەو ئۆردۆگانی فاشیستی ئا ڕاسیەما نیشانەمڎۆنە کە تا ئیسە ویشو سوپاکیش جەوەرانوەرو ئیرادەو گەریلا ئازادەکانە شکستش ئاوردەن.

ئامای ئۆردۆگانی پەی هەولیری بی بە مڵامەتو ناڕەزاێوە فرەو گلیرگەو کوردی، بیەو ئا پەیوەندییە بێ مانایا بنەیانەو بارزانی و هەرجۆرە خزمەتکەردێوەشا پەی دوژمنا کوردی فرەتەرین کاروەدای و ناڕەزایەتیش چەنی وېش ئارد. ڕازنایۆ قەڵاو هەولیری پا ئاڵۍ کە زیاتەر جە ١٠٠ ساڵان نکۆڵی جە هەر جۆرە بیەو کوردی کەرۆنە ئانەش ئاشکراکەرد کە بنەیانەو بارزانی چن دوورینی جە ڕاسینەو گلیرگەو کوردی و هەرجۆرە پێوانێوە ئەخلاقی. ئانەی مایەو دڵوەشی بی ئا کاردانەوە فراوانەو گلیرگەو کوردی بی جە پانیشتەنە دژ پا سەردانەو ئۆردۆگانی و ئا پێشوازییە شەرمازارانەو بنەیانەو بارزانی، ئانەی مایەو بەزەیبی پەی ئی بنەیانەیە ئانەبی کە جە تەمامو ئەرەیاوناکا دەوڵەتو ئەرەگیرو تورکییەینە ئاماژە بە سەردانی ئۆردۆگانی پەی پانیشتو کورسانی نەکریابی، ئینەیج یۆتەربی جا شەرمەزاریا کە بنەیانەو بارزانی پەی وەڵینگەو ویشا زیاشا کەرد. جە دماو سەردانەکەو ئۆردۆگانی هجوومە ئەرەگیریەکۍ سووپاو تورکیای بە هامکاری بنەیانەو بارزانی پاش نیا قۆناغێوە تەر و چی بارۆ هیزەکاو هەپەگەی ئەرەیاوناشا کە سووپاو ئەرەگیروو تورکی جە کەش و چارچەلی و کەش و گەشمەرڎە دڵبرینی جە ٢٦و نیسانیۆ مېڎانوو مدرامان و گۆلکایش بە هەلیکۆپتەر بۆردومانکەردەن. هەرپاسە جە ٢٧ و ٢٨ و مانگێنە هەرێمو حاجی ئومەران و مېڎانوو مدرامانو شیلادزێ‌و مەتینای و خواکورگی و کەش و گەشمەردە دەلیلی جە وەرنیشتو زاپینە جەلایەنو دەوڵەتو تورکیایۆ بۆردومان کریان. هەرپاسە جە ٢٧و مانگینە هیزەکا یەژا ستاری ورشا کوان سەرو سووپا ئەرەگیرەکی تورکیای بە چەکی نیم ئۆتۆماتیک.