رژێموو فاشیستی ئاکەپە-مەهەپەی تەسەورش پا جۊرە بۍ، کە بە ڕا و رێبازێوە متاوۆ گەریلای پاکتاو کەرۆ؛ کۊشیای ئازاڎیی گەلوو کوردی دلېنەبەرۆ. بەڵام تەسەورەکېش شېویۍ. جە ئاخروو یەرە ساڵەکەینە وینیۆ کە باهۆز و زریانێوە ۋەران ۋەرش مردانۆ.

مشۊم ئامارەو ئی جەنگیە جە ساڵەو ٢٠٢١ بەدماوە هۊرسەنگیۆ و چەمش پۊرەرە خشکیۊوە، ۋەروو ئانەی کە ڕێبازی هەنوکەیی جەنگی و تاکتیکوو هجووم و سوپاو تورکی سەرەتا جە شوباتوو ٢٠٢١ینە بە هجومەکەو سەروو گارەی دەسشپنەکەرڎ. سەرۆککۆماروو تورکی ئەردۆغان بە واتەی 'ئێمە ۋەرفراوانتەرین جەنگی تاریخی کۆمارەکەیما بەرمۍ ڕاوە' ئەرەیاۋناش کە دەوڵەتوو تورکی جە دژوو گەریلای و گەلوو کوردی دەسش بە هجومی ۋەرفراوانی کەردەن. وەختۍ ئینسان سەرنج وزۊ سەروو جەنگوو یەرە ساڵەی ویەرڎەی موینۆ، کە چنی دەوڵەت گرڎوو ئەرەمەرزیاکاش پەی ئا جەنگەیە وستېنۍ حاڵەتوو ئاماڎەیۆ، سەرچەمە داراییەکاش پۍ حاسڵ کەردەی شیەینەو جەنگی بەکارمارۆ. ۋەروو ئانەی ئامارەو ئۍ ساڵی فرەو چېوا وزۊ ڕووە. سەرەڕاو قەراروو بێچالاکی بەمەڵامەتوو بومەلەرزەی و هۊرچنیەیۆ، پێرفۆرمانس و ئەداو بێ هامتایی گەریلای، چالاکیۍ بەرهەمدارۍ و ئۆپراسیۆنە شۆڕشگێڵنییەکۍ ئینۍ وەروو چەماوە. فرەیچشا بە بەڵگۆ تۆمار کریېنۍ و پۍ ڕاو گرڎیی وەڵۍ کریېنۍ. ناوەنڎوو ئەرەیاۋنای و چاپەمەنی هەپەگەی رووەدایە مەیدانیەکۍ جەنگیش بە شێوېوە ڕسمی ئاشکرا کەردۍ و بە شێوېوە بەردەوام و رێکوپێک زانیاریش وەڵا کەردۆ.

گارەنە شکسشا ئارڎ

پېسە گرڎ چېوۍ، جە جەنگیچەنە وەختی هەستیار هەن. پۍ دەوڵەتوو تورکی کە جە ساڵەو ٢٠١٥یۆ پلانەو ' دلېنەبەردەی' جابەجێ کەرۆ، هەستیارتەرین وەختوو جەنگی دژوو گەریلای و گەلوو کوردی، جەنگوو زاپی بۍ جە ساڵەو ٢٠٢٢ېنە. ۋەروو ئانەیچ جە قۆناغوو سەرەتاو  جەنگەکەینە جمیەروو ئازاڎیی کوردسانی ئا جەنگشە پېسە جەنگوو مەنەی و نەمەنەی پێناسەکەرڎ. دەوڵەتوو تورکی بە پاو پلان و ستراتیجوو ۋېش دمایین ' گورزەی کوشندۍ' جە گەریلای و گەلوو کوردی شانۍ. رژێموو فاشیستی ئی هجومەو دمایش جە شوباتوو ٢٠٢١ینە بە هجوموو چوار ڕووەی پۍ سەروو گارەی دەسپنەکەرڎ، بەڵام سەرەڕاو ئانەی بە شێوېوە گۊرە شکسشئارڎ، هجومەکېش دژوارتەرۍ کەردۍ و درێژەش پنە دۍ. ئامانجەکەیچش ئانەبۍ کە گەریلای بە تەمامی دلېنە بەرۆ، کۊشیای ئازاڎیی جە ماوېوە کەمەنە هۊرشانۆوە و پلانەو قڕکاری ۋېش سەروزۆ. حەرپۊکەی وەختی هەستیار و هجومی هەستیار جەنگوو زاپی بۍ جە ساڵەو ٢٠٢٢ېنە.

ئامارەو جەنگوو ٣ ساڵەی

گرڎوو قووەت و ناتۆیش بەکارئارڎ، تاوانەو جەنگیش ئەنجامدا، بە رێبازوو جەنگی تایبەتی هجومی دژوارش کەرڎ سەروو گرڎوو مېڎانەکا. پەشت قایم بە گرڎوو تواناکاو دەوڵەتی ئاما دلۍ جەنگەکەیۆ. ساڵەکا ٢٠٢١-٢٠٢٢ و چی دماییەیچەنە ٢٠٢٣ جەنگېوە دژوار ئاما ئاراوە و وەختۍ ئینسان ئەنجامەکا ئا جەنگیە هۊرسەنگنۆ، ئا وەختە ئاژەکە عالتەر بەرگنۆ.

-پوختەو ئامارەو جەنگوو ٢٠٢١ ی جە ئاڤاشین، زاپ و مەتینا: ٢٠٢٥ هجومۍ ئاسمانیۍ، ٣٦٧ هجومۍ بە چەکی کیمیاۋیی، ٤٣٦ هجومۍ بە کاتیوشا و هاوەنۍ. جە ۋەران ۋەروو ئا هجومانە گەریلا ٤٧٢ چالاکیێش ئەنجامدېنۍ. ٢٩٨ گەریلۍ گەشمەرڎۍ بیېنۍ. ٨٦١ سەروازۍ تورکی ئەرەگیری سزادریېنۍ، ١٢٨یچ زامڎارۍ بیېنۍ. ئینە بەرزتەرین ئامارەو ساڵەکا ٢٠١٥پۍ ٢٠٢١ینە.

-ئامارەو ٢٠٢٢ جە زاپ (ۋەرکەوت، ۋەرنیشت) ئاڤاسین و مەتینا: ٤٥٢٧ هجومۍ ئاسمانیۍ، ٣٢٨٠ هجومۍ بە تەقەمەنی قەڎەغەکریا و چەکی کیمیاۋیی، ٥٧٠٢ هجومۍ بە هەلیکۆپتەر. هێزەکۍ گەریلای بە گرڎیی ٣٠٣٤ چالاکیېشا ئەنجامدېنۍ. ٣٠١ گەریلا گەشمەرڎۍ بیېنۍ. جە ئاکاموو چالاکیەکاو گەریلاینە ٢٩٤٢ سەروازۍ تورکی ئەرەگیری کوشیېنۍ و ٤٠٨یچ زامڎارۍ بیېنۍ.

-ئامارەو جەنگی جە ٢٠٢٣ېنە: ١٥٨٠ هجومۍ ئاسمانیۍ، ١٠٣٨ هجومۍ بە تەقەمەنی قەڎەغەکریا و چەکی کیمیاۋیی. ٣٤٢ هجومۍ بە درۆن، ٩ هجومۍ بە بۆمبی ئەتۆمی تاکتیکی. هێزەکۍ گەریلای هەزار و ٧١٢ چالاکیېشا ئەنجامدۍ. ١٧٩ گەریلۍ گەشمەرڎۍ بیۍ. ٩١٩ سەروازۍ تورکی ئەرەگیری سزادریۍ کە ٧شا سەروازۍ پلەباڵۍ و دوېچشا جاشۍ بێنۍ. ١٢٨ سەروازۍ تورکیچ زامڎارۍ بیۍ.

هجومەکۍ و مدرامانیچ گەورۍ بیۍ

جە ڕاو ئا ئاماراوە درک بە گەورەیی هجومەکا و گەورەیی مدرامانی ۋەران ۋەر پا هجوما کریۆ. دەوڵەتوو تورکی جە ماوەو جەنگوو یەرە ساڵەی ۋیەردەینە بە گرڎیی ١٣ هەزارۍ و ٨٣٤ جارۍ هجومی ئاسمانیێش کەردېنۍ. حەرپاسە ٤ هەزارۍ و ٦٨٥ جارېچ بە تەقەمەنی قەڎەغە کریا و چەکی کیمیاۋیی هجومش کەرڎەن. گرڎ ڕووۍ سەڎان جارۍ بە کاتیوشا، هاوەنە و تانک هجوم کەرۆ. جە هەمان وەختەنە ساڵەو ٢٠٢٣ سەرەڕاو ئانەی شش مانگېش بە قەراروو بێ چالاکی ویەرڎ، گەریلا جە ماوەو یەرە ساڵی ۋیەردەینە ٥ هەزارۍ و ٤٨٨ چالاکیۍ و ئۆپراسیۆنۍ شۆڕشگێڵنیېش ئەنجامدېنۍ. بێگومان پی پێرفۆرمانس و مدرامانۆ جەنگوو گەریلا ی یاوان بە ئاستێوە تازە.

ئاواتوو چەقنای ئاڵاکېشا قەندیلەنە، سەروو دڵیشاوە مەنۆ

مشۊم ئینسان قسېوە سەردەسەو مەهەپەی و هامبەشوو دەسەڵاتی دەوڵەت باخچەلی کە واتەبێش 'ئێمە ئاڵاو تورکی قەندیلەنە چەقنمۍ' ویربارۆوە. گوایە ئانە دمایین ئامانجوو دەوڵەتی بۍ. ئاخر وێسگەو ئا هجومایچشا قەندیل بۍ. بەڵام سوپاو تورکی جە ساڵەو ٢٠٢١ ی بەدماوە حەرچی کەرۆ مەتاوۆ جە زاپ، ئاڤاشین و مەتینانە ۋێش گێرۆ.