دەسەو پەشتیوانی ستێرکی و مەدیا خەبەر تی ڤی هۊرکوای پۆلیسی پەی سەروو کەناڵەکا ئاڎیشاش شەرمەزار کەرد و ئەرەیاۋناشا، "پەی ڕاگێرتەی جە پاشێلکارییە یاساییەکا داوا جە گەلەکەیما مکەرمۍ کە رووە بکەرا بارەگاکاو هەردووە کەناڵەکەی".
دەسەو پەشتیوانی ستێرکی و مەدیا خەبەر تی ڤی سەبارەت بە هۊرکوای سەروو ستۆدیۆکاشا بەلجیکانە ئەرەیاۋنېوەش وەڵاکەردۆ، ئەرەیاۋناکەی پی جۆرەنە:
"چی دماییانە ئا کۆنسێپتەو دەوڵەتوو تورکی پەی قڕکەردەی کوردا ئاماڎەش کەردەن، حۊڵ مڎریۆ کە جابەجۍ بکریۆ و سەرداکاو سەرۆک کۊماروو تورکیای پەی ئەمریکا و عێراق و ئێرانی حەرپاسە رێککەوتەی چنی پەدەکەی، سەرەڕاو ئانیشا سەردای سەرۆککۆماروو تورکی ئەردۆغان پەی عێراقی و پەی لاو بارزانیەکا، دمایین نیشانەکېنۍ پەی بە یاگۍ یاونای ئا کۆنسێپتەو قڕکەردەی. هجوومی ئەرەگیری پەی سەروو مەتینایچ ئاستی سەروازی ئا قڕکەردەینە.
ئاشکران کە ئا کۆنسێپتە کۆنسێپتێوە هجوومی میان نەتەوەیین. هۊرکوای سەروو ستۆدیۆکاو مەدیا خەبەری و ستێرک تی ڤی بەلجیکانە شەوەو ٢٣ۍ نیسانی سەعات نزیکەو ٠٢:٠٠ ئەنجامدریا، ئاماژېوە ڕۊشن و ئانەین. کەناڵەکېما ئیساتۍ جە تەرەفوو سەڎان پۆلیساوە ئەرەگیرکریێنۍ. جە ڕاو ئی هۊرکوایۆ نیازشا بۍ دەنگوو گەلوو کوردی بڕا و کپش بکەرا. مەبۆ ئێمە ۋەرا ۋەر پانەی بێدەنگۍ بیمۍ.
داوا جە گەلەکەیما مکەرمۍ کە پەی ئانەی ڕا چا پاشێلکاریا و هۊرکوای سەرە نا یاساییە گېرمۍ، ڕووە بکەردۍ بینا و بارەگاکا هەردووە کەناڵەکەی."
