هجوومەکەو ساڵەو ٢٠١٤ تا ئارۊ گەنجاو ئێزدی قۊناۍ گرنگێشا بڕیێنێ، پەی پەروەرڎەی و ڕێکوستەی، هەنگامۍ گەورێشا نیێنێ.  گەنجاو ئێزدی کە بە گردوو قوەو وێشاوە وەختوو هجوومەکەینە وەرگێرییشا جە  گەلەکەیشا کەرد،  ساڵ بە ساڵ چالاکییەکێشا فراوانتەرۍ کەردێ، یۊگێرتەییشا چەنی گەنجاو عەرەب پەرە پەنە دا و دماییچ، بە ویرۊکەو نەتەوی دیموکراتیکی هەنگامێشا پەی فراوانکەرڎەیش دەشتەو نەینەواینە دەس پەنە کەرڎەن. ئەنجاموو ٩ ساڵا خەباتی کۊنفرانسوو یەرەموو گەنجاو ئیزیدخانی بەڕۊشنی بەرکەوت.  سەدان گەنجۍ ئێزدی، عەرەب و تورکمانۍ چێروو دروشموو " پەی ئازادیی ڕابەر ئاپۊی، جەنگوو ئازادیی سەر وزمێ، سەربەوێی شەنگاڵی مسۊگەرکەرمێ" کوۍ بیێوە و جوابێوۍ تندشا پا  جەنگە تایبەتەیە کە سەروو گەنجاوە هەن  داوە.

 کۊنفرانسەکەنە بابەتی سەرەکیی گردوو پەیام، وتار و ورسەنگنایەکا، ئازادیی جەستەیی ڕابەروو گەلوو کوردی عەبدوڵا ئۊجالانی، پارێزنای سروشتی، پەسەندکەرڎەی سەربەوێی شەنگاڵی و پەرەپەنەدای بە یۊبییەی گەنجاو ئیزیدخانی بێ. یوە جە بەشداربیاو  کۊنفرانسەکەی، ئەندامەو لوجنەو دیپلۊماسیی تاژێ، سوهام شەنگاڵییەبێ، کە سەبارەت بە ئەنجاموو یەرەم کۊنفرانسوو یۊبییەی گەنجاو ئیزیدخانی قسێش پەی ئاژانسوو فوراتی کەردێ.

' گلێرگە بە وەڵێکەوتەی گەنجا فاڕیۊ'

سوهام شەنگاڵییە ئەوەڵوو قسەکاشنە، سەرەنجەش وستە  سەروو گرنگیی کۊنفرانسوو گەنجا چی قۊناغەنە و واتش، کە سیاسەتەکاو جەنگی تایبەت سەروو گەنجاو شەنگاڵیوە هەنۍ و هەمە لایەنێنێ. سوهام شەنگاڵییە پەیلوایش سەبارەت بە کۊنفرانسەکەی پێسنەبێ: "ئا پەیامۍ کۊنفرانسەکەنە دریێنۍ فرە قەوەتێنێ، پەیاموو بەشداربییە ئێزدیا، عەرەب و تورکمەنەکاو کۊنفرانسەکەی، جەخت سەروو گرنگیی ڕێکوستەی کریاوە. گەنجۍ واتشا، کە چەنی  متاوا سەرمەشقۍ گلێرگەکەیشا با. کریۊ بە سەرمەشقیی گەنجا گلێرگە فاڕیۊ. هۊکاروو ئینەیچە ئانەن کە گەنجۍ چالاکتەرین بەشەکاو گلێرگەینێ. پەوکاتی فرەو گەنجا با بە ئامانجوو هجوومەکاو دوژمنی.

'گەنجۍ بە هێزێوە کە کۊنفرانسەکەوە دەسش وزا، هجوومەکاو دوژمنی پووچەڵۍ کەراوە'

سوهام شەنگاڵییە ماچۊ، گەنجۍ ڕێکوستەی دژوو هجوومەکا فرە گرنگا و: " چی کۊنفرانسەنە گرد سەرنجەشا وستە سەروو ویر و فەلسەفەو ڕابەر ئاپۊی و واتش، کە گرنگتەرین چێو ئانەن یاگۍ ڕانماییەکاو ڕابەر ئاپۊینە بیدێ.  چی وەختەنە جە گرد وەختۍ زیاتەر هجووم کریۊ سەروو گەنجاو ئیزیدخانی و پەدەکەیش چەمساقوو هجوومەکان. وەلۍ گەنجۍ مشۊم بتاوا بە زانابییەی دژوو ئا هجووما  وەرگێری کەرا".

ئەندامەو دەسەو دیپلۊماسیی تاژێ، سوهام شەنگاڵییە، ئاخرۊ واتش کە پێویسا چەمکوو جەنگی و پارێزنای بە گەنجاوە پەرەش پەنە بدریۊ و واتش:"ئامانجما ئانەنە کە بە گەنجاوە ئانە چەمەڕوانی کریۊ کە گنا وەڵێ، واوەی مەبارەکبایی کۊنفرانسوو گەنجا وەنەو ڕابەر ئاپۊ، کۊشەراو جەنگوو بەرەکاو وەڵێ، گردوو گەشمەرڎا و کەسوکاریشا کەرمۍ و هومێدوو سەرکەوتەی پەی گەنجا موازمۍ ".