سووریانە ماوەو ٢٤ سەعاتانە هەشت کەسۍ کوشیۍ
سۆهر ئەرەیاۋناش جە ماوەو ٢٤ سەعاتا ۋېیەردەینە جە سووریانە لاوکەمیۆ هەشت کەسۍ بە قۊمیای جۆراوجۆر کوشینۍ.
ڕوانگەو سووری پەی مافەکا مرۆڤی (سۆهر) ئەرەیاۋناش جە ماوەو ٢٤ سەعاتا ۋېیەردەینە جە سووریانە لاوکەمیۆ هەشت کەسۍ بە قۊمیای جۆراوجۆر کوشیێنۍ.
سۆهر جە ئەرەیاۋناکەیشەنە سەبارەت بە کوشتەو هەشت کەسا زانیاریش وەڵاکەردەنۆ و ئاماژەش پانەی دا جە گەڕەکەکا عەربینی و بەرناوی حەمای گروپێوە چەکڎاری نەشناسیا دوو ۍکەسېشا کوشتۍ، جە ناوچەو ۋەرکۊتوو حەلەبیچ جە ئاکامو جەنگو بەینو چن جوانێوە، کەسێوە کوشیا.
هەرپاسە جە ئەرەیاۋناکەو سۆهرینە ئاماژە پانەیچ کریان، جە دەگاو حەماینە کەسێوە دماو بڕفانایش تیرۆر کریان. جە ناوچەو ۋەرنیشتو حەلەبیچ بەمەڵامەتو تەقەکەردەی غەڵەتیوە کەسێوە کوشیا.
جە دما دمایی ئەرەیاۋناکەو سۆهرینە ئامان؛ جە دەگاو شەلالی شارو هۆڵو ۋەرکۊتوو حەسەکەینە تەرمو کەسێوە ئېزیانۆ، هەرپاسە جە هەرێمو ئەبو خەشەبو دەگاو ۋەرنیشتوو دێرەزۆرینە دووۍ کەسۍ جە لایەنو گروپێوە چەکڎاریوە کوشیۍ.
