دۆسیەو کۆبانێ بۆنەو چالاکییە شەرمەزارییەکاو بەینوو ٦-٨ تشرینوو یوەموو ٢٠١٤ دژوو هجوومەکاو داعشی پەی سەروو کۆبانێ کریا و فیگەن یوکسەکداغە و سەلاحەدین دەمیرتاش، هامسەرۆکاو پارتی دیموکراتیکوو گەلا (هەدەپە) و ئەنداماو ڕاوەبەریی ناوەندییوە، کریانۆ و ١٨ زیندانیێ کە بە گردیوە ١٠٨ کەسێنێ دادگایی مکریا، جە ٢٢ەمین دادگاو باڵاو تاوانەکاو ئەنقەرەینە کەمپوو زیندانوو سینجانینە کریا. بەڕێوەچوو. دلێشنە دۆخوو گێرتەی زیندانییەکا ورسەنگنیا.

دلێشنە، عەلی ئورکوت سیاسەتمەداری زیندانیکریا واتش: "ماوەو ٣ ساڵان دادگاییکەردەیەکێ بەردەوامێنێ" بەرکەوتەن شایەتحاڵەکێ دروێ مکەران. هۆکارەکەش ئانەنە، کە ئێمە دژوو داعشی قسێما کەردێنێ و داواما وەنەو  خەڵکی کەردێنە هەستیارێ با. هەرپاسە داواما وەنەو دەسەڵاتدارا کەردێنە وەراوەروو کۆبانێنە هەستیارێ بانێ، تەوقەو سەروو خەڵکوو کۆبانێ هورگێرا.  ئیساتێ داواکاری گردین هەوڵێ مدۆ ڕووەدایەکەی پێچەوانە بکەرۆوە، تارێخ ئینەیە قبووڵ نمەکەرۆ و ئێمەیچ قبووڵش نمەکەرمێ."

دمایی سیاسەتمەدار ئالپ ئاڵتینۆرس وەرگێرییش جە زیندانییەکەی کەرد و واتش: "ئێمە ئینایمێ چوارەمین ساڵیادوو وستەیرەیەکەیمانە. بە تویتێوە چند دێڕی، چوار ساڵێ گیریێنێ. ئارۆ ئۆزتورک تورکدۆغان کاندیدوو هامسەرۆکوو شارەوانیی شاروو ئەنقەرەی ئینا دلێمانە. دڵنیانا خاتوو گوڵتانەیچ پەیوەندیی بە SEGBİS مکەرۆ. سوپاس و پەنەزانی وێم پەی هەردووە کاندیدەکەی بەرموزوو، کە ورچنیەیێوە وەڵێکەوتەشا پەی خەڵکوو ئەنقەرەی کەردەن. داوا وەنەو گردوو دیموکراتەکا و خەڵکوو ئەنقەرەی مکەروون کە دەنگ بە گوڵتان کیشاناکێ و ئۆزتورک تورکدۆغانێ بدا. من دەنگوو وێم بە بەڕێزا بەکار ماروو."

دماتەر ئاڵتینۆرسە چوارچوەو دۆسیەکەینە وەرگێرییش جە وێش کەرد و واتش: "ئانە کە چێ دادگایی مکریۆ پاڵپەشتیی خەڵکین چا کەسایەتییا کە بانگەوازش کەردەن، هەرپاسە ئانە چێگە حوکم مدریۆ، شکستوو داعشین  کۆبانێنە جە کەسایەتیی جە بانگەوازەکەیمانە. مەبەس جە بانگەوازەکەیما ڕۆشنا. هومێد کەروو ئی دۆخە دەسبەسەرکەردەیە ناڕەوایانە دماییش پەنە بێ.

هەرپاسە سیاسەتمەداری زیندانیکریا ئایلا ئاکات ئاتایە بە سڵامکەردەی جە گردوو ئا کەسا پەشتیوانییشا وەنە کەردەن، دەسش بە وتارەکەیش کەرد. بارەو بانگەشەو ورچنیەی کاندیدوو هامسەرۆکوو شارەوانیی ئەنقەرەو دەم پارتی، گوڵتان کشاناکێوە واتش: "ئێمە سەرەنجە وزمێ سەروو ئانەیە کە چەنی متاومێ  پەشتگیری وەنەو بانگەشەو ورچنیەی گوڵتانێ بکەرمێ.

عەتا درێژەو قسەکانە واتش: جەنابوو سەرۆکوو دادگای، ماوەو ساڵ و نیمێوەنە ئی ئەوەکۆڵیایە  مکەری. هۆکاروو گێرتەی هیچ هامڕاێوەما نەفاڕیان. یانێ هیچ چێویوە نیا.  چەنی نەتاوات بەهانێوە پەی گێرتەیما وەش کەری. چەنی هیچ بەهانێت نییەنە پەی واتەی، ئێمەیچ هیچما نییا سەروو بەهانەکات بواچمێش جەنابوو دادوەری.

سیاسەتمەدارێوە تەری زیندانیی بەنامێ ئاینور ئاشانی ماچۆ: "بارگرانیی ژەنا دلێ گلێرگەینە زیادش کەرەن، بەڵام شمە پی دادگاییکەردەیا، پرۆسەو زیندانی و زیندانەکا 3 ئاندەی تەر بارگرانیما زیاد مکەردێ. پەوکای دژوو ئی نادادییەیتا کۆشیەیمێ.

ئەرەنیشتەیەکەی بە وەرگێریکەردەی گوڵتان کیشاناکێ بەردەواما.