ڕووەدایەکاو دەسدرێژیکەردەی سەروو ژەنا و ناڕەزایەتییەکا دژوو ئی ڕووەدایا هیندسانەنە، واوەی بەرش وست، کە کۆشیای یەکسانیی ڕەگەزی چندە گرنگ و دژوارا، درووشموو " ژەنی، ژیوای، ئازادی"ی دەورێوی گرنگش هەن.
ساڵا و دمایینە، هجوومەکێ پەی سەروو مافەکاو ژەنا هیندسانەنە و ناڕەزایەتی دژوو ئی هجووما، قۆرتێ قووڵێ کۆمەڵایەتیێش ئاردێنێ وەرۆ، بەتایبەتی تندوتیژی و دەسدرێژی پەی سەروو ژەنا، بەشیوە گەورەو گلێرگەینە تووڕەیی و سەرەوردایش وەنە کەوتەنۆ. هیندسانەنە نەریتوو پاشڤەڕۆیی، عادەتوو تاتەوبابایان جە بەکۆیلەنیایرەی و بەکۆیلەکەردەی ژەنانە، کە سەر بە لکەدریای یاسا و ڕێسایەکاو دەوڵەتین و بە ڕەوا موینیا، ئارۆیچەنە بەردەواما. سیستمی قیزەون و دژ بە ژەنا، کە گرد دەووڵەت و دەسەڵاتێونە هەن، هیندسانەنە ئاستێوی بەرزەنە ئەرزموون مکریۆ. پەوکای تا مێ ڕووەدایەکاو پێسەو تندوتیژی، هەراسانکەردەی، ئەزیەتدای و پەشتگۆشوستەی و کۆیلەکەردەی ژەنا بەردەوامێنێ و زیادێ با. چا چوارچوەنە کۆشیای و مدرامانوو ژەنا هیندسانەنە بە درووشموو " ژەنی، ژیوای، ئازادی" کە بییەن بە سیمبولوو ژەناو جیهانی، واوەی بەرکەوتۆ.
هجووم پەی سەروو مافوو ژەنا هیندسانەنە
هیندسان وەڵاتێوا جە ڕووەو مافوو ئینسانیوە، ساڵانیوەن دەسوو قۆرتە گەوراوە گیرۆدە بییەن. ڕووەدایەکاو پێسەو تندوتیژیی ڕەگەزی، دەسدرێژی و هەراسانکەردەی و جیاکاریی دژوو ژەنا قۆرتگەلیوە فرێنێ چی وەڵاتە گەورەنە. ساڵانە سەدان ژەنێ بەدڕندانە پیێکێشا دەسدرێژییشا مکەرانە سەر و مکوشیانێ و ئی پیا-دەوڵەتێ کە ئی هەرمانێ مکەرا، بێ سزا مەنانێوە. ئینەیچ مبۆبە بە بایسوو ئانەیە ئی جۆرە ڕووەدایێ زیاتەرێ بانە. نۆرم و نادادپەروەرییە کۆمەڵایەتییەکێ ڕا بە قوربانییەکا نمەدانە دەنگشا بەرز بکەرانێوە و ئینەیچە بۆ بایسوو ئانەیە ئی تاوانێ بەردەوامێ با و ڕەوایەتییشا پەنە بدریۆ. ئی ڕووەدایێ نیگەرانیی جیددیشا بارەو سڵامەتی و مافوو ژەناوە هیندسانەنە وەش کەردەن. ژەنی فەزای گردینەنە هەست بە سڵامەتی نمەکەرانە و ڕەوشێوەنە کە یاسا بە پاو پەنەوازیی نییەنە، ناچارێنێ مافەکاشا بپارێزنا، ئی ڕەوشە پاسە مکەرۆ نایەکسانیی ڕەگەزی و فشاروو سەروو ژەنا قووڵتەر بۆوە.
درووشموو "ژەنی،ژیوای، ئازادی" بییەن بە دەنگوو مدرامانی
درووشموو "ژەنی، ژیوای، ئازادی" ئەوەڵ جار لاو ڕابەر ئاپۆیوە وچیا، لاو تەڤگەروو ژەناو کوردیوە بەکار ئاما و بی بە سیمبولو ئازادی و مدرامانوو ژەنێ. ئی دروشمە نەک پەی ژەناو کوردی، پەی ژەناو دنیێچ پێسەو هومێدی و یۆگێرتەی موینیۆ، بەتایبەت ڕووەدایەکاو ئی دمایەو هیندسانینە بی بایسوو ئانەیە ئی درووشمە وەڵاتەکەنە دەنگ بدۆوە. شاروو کالکوتاو سەر بە ویلایەتوو بەنگالوو وەرنیشتوو هیندسانینە، ٩و ئابینە ژەنە پزیشکێوە دەسدرێژییش کریا سەر و کوشیا. دماو ئی ڕووەدایە فرەو یاگەکاو هیندسانینە پزیشکێ مجیێ سەروو جادەکا و تووڕەیی وێشا بەروست. ئا پزیشکێ کە زانکوەکاوە تا گەراجوو پاسەکا ڕاشا پیما، درووشموو "دادپەروەیما گەرەکا"ی بەرز کەرێنێوە. حەر چا چالاکییەنە ژەنی پانکارتوو "ژەنی، ژیوای، ئازادی"یشا هورگێرت کە بە کوردی و هیندی سەرشۆ نویسیابێ. ئی درووشمە بانگەواز مکەرۆ پەی مدرامانی دژوو ستەمی و تندوتیژی وەراوەروو ژەنا. ئی دەنگە پەی پارێزنای مافوو ژیوای ژەنا و پاریزنای ئازادیی ژەنا و وەڵێوەبەردەی یەکسانیی ڕەگەزی بەرز کریاوە. وەرنیشتوو هندسانینە ٩و ئابینە ژەنە پزیشکێوە خەسەخانەنە دەسدرێژییش کریا سەر و کوشیا. دماو ئی ڕووەدایە فرەو مەنتێقەکاو هیندسانینە پزیشکێ مجیێرە سەروو جادەکا و تووڕەیی وێشا بەروست. ئا پزیشکێ زانکۆوەکاوە تا گەراجوو پاسەکا ڕاشا پیما. درووشموو "دادپەروەریما گەرەکا"یشا بەرز کەردۆ و حەر جا چالاکییەنە ژەنیپانکارتوو "ژەنی، ژیوای، ئازادی"یشا بەرز کەردۆ کە بە کوردی و هیندی سەرشۆ نویسیابێ. ئی درووشمە داوا مکەرۆ پەی مدرامانی دژوو ستەمی و تندوتیژی وەراوەروو ژەنا. ئی درووشمەو ڕابەر ئاپۆیە یاگێ وێش کەردێنۆ دلێ وێنیشانەدایەکانە دژوو ڕووەدایەکاو دەسدرێژی. ژەناو هیندسانی، پی درووشمەیە گەرەکشانە، دەنگوو وێشا بیاونا بە دلێ وەڵاتی و تەماموو جیهانی.
مزانیی فاڕیای گلێرگەی
ئی ناڕەزایەتییەو هیندسانی دژوو دەسدرێژی و تندوتیژی پەی سەروو ژەنا زیاتەر بۆ، تەنیا سەرەوردای چند کەسێوە نییەن، هاموەخت مشۆم پێسەو مزانیی فاڕیای گلێرگەی لەیەک بدریۆوە. ژەنی سەیەو درووشمەکەو ڕابەر ئاپۆینە وێشا ڕێک موزانە و دەنگوو وێشا میاونا، هەنگامە منیا پەی فاڕیای بنەڕەتیی هیندسانەنە. کۆشیای ژەناو هیندسانی میاونۆ بە مەیدانی میاننەتەوەیی. ئی کۆشیایە نەک تەنیا هیندسانەنە، گردوو دنیێنە پەرسەی هامبەشەو ژەنانە: مافوو ژیوای ژەنێ و ئازادی و یەکسانی پاشێلێ مکریا.ڕووەدایەکاو دەسدرێژیی هیندسانەنە و ناڕەزایەتیەکێ ئی ڕووەدایا واوەی بەرشا وست،کە کۆشیای یەکسانیی ڕەگەزی چندە گرنگەن و دژوارا، درووشموو "ژەنی، ژیوای، ئازادی"ی بەرزکەردەیوە دەنگ و پارێزنای مافوو ژەنا دەورێوی گرنگش هەن، ئی کۆشیایە دژو فشاری و زۆرداری پەی سەروو ژەنا هیندسانەنە و جیهانەنە، مبۆنە پایێوی گرنگە پەی فاڕیای کۆمەڵایەتی و مەیلوو یەکسانی.
