سزاو جە قەنارەدای پەخشان عەزیزیۍ جە لایەنو دادگاو باڵاو ئێرانیوە پەسینیا
زانیان، سزاو جە قەنارەدای زینانیکریۍ سیاسییەو کوردی، پەخشان عەزیزیۍ جە لایەنو دادگاو باڵاو ئێرانیوە پەسینیان.
ئەمیر ڕەئیسیان پارێزنەرو پەخشان عەزیزیۍ ئەرەیاۋناش ، جە لایەنو دادگاو باڵاو ئێرانیوە سزاو جە قەنارەدای پەخشان عەزیزیۍ پەسەڼ کریان، ماچۆ: ئا بەڵگۍ پەی وەرگریکەردەی جە پەخشان عەزیزیۍ پێشکەشو دادگای کریێبێنۍ ڕەڎۍ کریێنێوە.
ئەمیر ڕەئیسیان جە پێگەو ڕسمی ۋێشەنە جە پەلیانەو ئێکسینە جە بارەو سزاو جە قەنارەدای پەخشان عەزیزیێوە پەیامێوەش وەڵا کەردۆ.
ڕەئیسیان ئەرەیاۋناش، جە لایەنو دادگاو باڵاو ئێرانیوە سزاو جە قەنارەدای پەخشان عەزیزیۍ زینانیەی سیاسییەو کوردی جە زینانو ئەوینینە پەسەڼ کریان.
ماچۆ: ئا بەڵگۍ کە پەی وەرگریکەردەی جە پەخشان عەزیزیۍ پێشکەش بە دادگای کریێبێنۍ ڕەڎۍ کریێنێوە.
یاگۍ ئاماژەینە، پەخشان عەزیزیە خەڵکەو شارو مهابادینە و بەرشیۍ بەشو کاری کۆمەڵایەتینە جە زانشتگەو عەلامە تەباتەباییەو تارانی، چالاکەو بوارو مافو ژەنانە و زینانیەی سیاسییەنە جە زینانو ئەوین، جە ٤و ئابو ٢٠٢٣ جە لایەنو هێزە ئەمنییەکاوە جە تارانەنە دەسبەسەرە کریا و فاڕیاوە پەی بەندو ٢٠٩و زینانو ئەوینی، بە تۆمەتو “یاخیبیەی و ئەندامیەتی جە گرووپەکا دژ بە دۆڵەتی” زینانییە کریا، جە مانگۊو ئایارو ئێساڵی سزاو جە قەنارەدایش سەرەرە سەپیا.
