ئەنداماو جمیەروو گەنجە شۊڕشگێڵناو ڕەقەی واتشا، گرڎوو ئەنداما کاریگەرێنۍ بە فکر و فەلسەفەو ڕابەروو گەلوو کوردی عەبدوڵا ئۊجالانی و تا ڕابەر عەبدوڵا ئۊجالان ئازاڎ نەبۊ، دەس جە کۊشیای وەر مەڎەیمێ.
پەی ئازاڎیی ڕابەروو گەلوو کوردی عەبدوڵا ئۊجالانی و دژوو تاوانەکاو دەوڵەتوو تورکی فاشیستی و بێدەنگیی گلێرگەی میاندەوڵەتی چالاکییەکۍ بەردەوامێنێ. پێوەس پینەیە گەلوو ڕەقەی پەی ئاژانسوو فوراتی قسێشا کەردێ.
بیلال محەمەد واتش، کە ویرۊکەو عەبدوڵا ئۊجالانی دلۍ گلێرگەینە و گەنجانە وەڵا کەراوە:"ویرۊکەو عەبدوڵا ئۊجالانی بنەماو گلێرگەین، کۊمەڵگایە. هەروەخت بتاومۍ ویرۊکەکاش وەڵا کەرمێوە متاومۍ گۊشەگیریی سەرئش ماڕمۍ و ئازاڎیی جەستەییش دەس وزمێ".
بیلال سەرەنجەش وستە سەروو ئا پەرەوەردەیە کە سەروو فکروو ڕابەروو گەلوو کوردی عەبدڵا ئۊجالانیوە ورش گێرا و واتش:"وەختۍ بە ویروو ڕابەر ئۊجالانی ئاشنا بیا، ئا وەخت ڕاو ژیوایم ئشناسا و بیا بە داراو ئیرادەی و هێزی".
ئیسماعیل هەویجی سەروو ئا چالاکیا کە پەی ئازاڎیی ڕابەروو گەلوو کوردی عەبدوڵا ئۊجالانی کریا واتش: وێنیشانەدای زیاتەر کەرمۍ پەی ئازاڎیی ڕابەروو گەلوو کوردی عەبدوڵا ئۊجالانی، تا دۊخی تەندروستییش ئاشکرا بۊ و ئازاڎیی جەستەییش وینمێ. ڕابەر عەبدوڵا ئۊجالان سیمبوڵوو مدرامانی، سەرکەوتەی و ئازاڎیین. بە ئەرەمەنەیەکاش متاومۍ وێما ئازاڎ کەرمۍ و گلێرگەیچ ئازاڎ کەرمێ. مشۊم خاوەنداری جە ویروو ڕابەر ئۊجالانی کەرمۍ و چالاکیما بە دروشمی 'سەرکەوتەی یان سەرکەوتەی' تا ئازاڎی ڕابەر عەبدوڵا ئۊجالانی بەردەوام بکەرمێ".
