کۆمیتەکاو پژاکی و کژاری ستۆکهۆڵمەنە داوا جە گرڎوو ئازاڎیوازا کەرا دژوو گۆشەگیری سەروو ڕابەروو گەلوو کوردی عەبدوڵا ئۆجالانی ئەرکوو ۋېشا جابەجۍ کەرا و ئەرەیاۋنانیچشا: " تا ئازاڎیی ڕابەر ئاپۆی کۊشیایما بەردەوام بۆ".
جە پەیامێوەنە کە ئاراسەو ڕای گرڎی و گردوو ئازاڎیوازاشا کەرڎەن، کۆمیتەکۍ پژاکی و کژاری ستۆکهۆڵمەنە ئاماژەشا پانەی کەرڎەن کە ڕابەروو گەلوو کوردی عەبدوڵا ئۆجالان ماوەو ٢٤ ساڵان جە زینڎانوو ئیمراڵینە گۆشەگیر کریان و نزیکەو یەرۍ ساڵایچا گۆشەگیریېوە رەهاش سەرەرە سەپیان و دەوڵەتوو تورکی ڕا مەڎۆ پارێزنەر و بنەیانەکەش سەردای ئیمراڵی کەرا و دیڎار چنی "ڕابەر ئاپۆی ئەنجام بڎا".
حەر جە پەیامەکەنە ئامان: "ئێمە قەناعەتما پاسەن کە گۆشەگیری سەروو ڕابەر ئاپۆی پاگېرتەین سەروو نکۆڵیکەرڎەی جە ئشناسنامەو گەلوو کوردی و هاموەخت کەرڎەیۆ بەرەکاو ئیمراڵی کرێڵ و چارەسەری کێشەکاو ۋەرکەوتوو دلېڕاسەیا".
کۆمیتەکاو پژاکی و کژاری ئانەیچشا وست ڕووە، "ئێمە ئا گۆشەگیریە مەحکوم کەرمۍ و داوا کەرمۍ کە پەنەوازەن رێکوزیاکاو مافوو مرۆڤی و سی پی تی و گرڎوو ئازاڎیوازا بە ئەرکوو ۋېشا هۊربېزا".
جە دمادمایچەنە ئەرەیاۋنانشا: "ئێمە داواو ئازاڎیی فیزیکی ڕابەر ئاپۆی کەرمۍ و تا ئازاڎیی ڕابەر ئاپۆی کۊشیایما بەردەوام کەرمۍ".
