مامۆسا جە فاکەڵتی یاساو زانشتگەو دۆچەنتی شاروو سیدنی ئوسترالیای د. ڤیکی سینتاسە ئاماژەش پانەی دا کە ئازاڎیی ڕابەروو گەلوو کوردی عەبدوڵا ئۆجالانی تەنیا ڕاو ئاشتی و چارەسەریی سیاسین پەی پرسوو کوردی.
یاردیدەرەو پرۆفیسۆری د. ڤیکی سینتاسە ئاماژەش پانەی کەرد کە ئاژەو زینڎانیکەردەی ڕابەروو گەلوو کوردی عەبدوڵا ئۆجالانی یاگۍ قبوڵکەردەی نیا و واتش: "ئاژەو زینڎانیکەردەی ئۆجالانی دژوو یاساکا تورکیای، یاسا میان نەتەوەی و گرڎوو پەیمانەکا مافەکاو مرۆڤیا. ماوەو ٣ ساڵان ڕاگیری مکریۆ جە چەمپنەکۊتەی ئۆجالانی چنی بنەیانەی و پارێزنەراش. پۊکەی پێویسا سەرنج وزمۍ سەروو بێدەنگی ئەرەمەرزیا گرنگەکاو یۊبیەی ئەوروپای جە ۋەرا ۋەروو ئی کارە دوور جە مرۆڤایەتیانە کە دژوو ئۆجالانی ئەنجام مڎریا. ئی بێدەنگیۍ ئەوروپای پاسەمکەرۆ تورکیا پاشێلکەردەکاش زیاتەرۍ بکەرۆ."
ڤیکی سینتاسە، ئانەیچش دەسنیشانکەرد ئی بێدەنگییەو ئەوروپای پاسە بە تورکیای مکەرۆ کە جە قۆناغەو ئاشتی دوور گنۆوە و واتش: " مسۆگەرکەردەی ئازاڎیی ئۆجالانی و ئەنجامدای دیالۆگی هامبەشی چنیش، تەنیا ڕاو چارەسەری سیاسیا."
ڤیکی سینتاسە سەبارەڎ بە گوزارشت نەڎای سی پی تی و ئەنجوومەنوو ئەوروپایش جە بارەو ئیمراڵیۆ پېسە ئاستەنگکەردەی پەیمانە میان نەتەوەییەکا هۊرسەنگنا و واتش: " بەردەوامی ئی پاشێلکارییە دوور جە مرۆڤایەتییا و گۆشەگیری سەروو ئۆجالانی پی جۊرە، بێگوومان دووەڕووی ئەوروپای بەروزۆ. حەرپاسە وەختۍ باس جە کوردی و ئۆجالانی مکریۆ یاسا میان نەتەوەییەکۍ پەشتگۆش وزیا. پێویسا ئەوروپا، سی پی تی و دەزگایی سیاسی، پەرلەمانوو ئەوروپای و دادگاو یۆبیەی ئەوروپای پەی گێڵنایۆ مافە مرۆییەکاو ئۆجالانی هەنگامە بنیا."
