تەڤ-چاندوو ئەورووپای واتش: "خەباتکاراو چاپەمەنیی ئازادی گوڵستان تارا و هێرۆ بەهادینە بە سیخوڕیی هامکاری و خیانەتکاریی بنەیانەو بارزانی، ئەنجاموو هجوومێوە دڕندانەینە کوشیێ، پپەی بەدیئاردەی ئامانجەکاشا بە فیداکاریی گەورەوە مکۆشییەمێ.
تەڤ-چاندوو ئەوروپای دەربارەو هجوومکەردەی سەروو خەباتکاراو چاپەمەنیی ئازادی ئەرەیاوناێوە نویسیاش وەڵا کەردۆ، ئەرەیاوناش سەدێوەن دەوڵەتی فاشیستوو تورکی بە هامکاریی خەتەو خیانەتوو بنەیانەو بارزانی پا مگێرۆرە سەروو هجووموو قڕکەردەی کوردی، وەروو ئانەیە هجوومە نائەخلاقی و نایاساییەکا پەی سەروو گەریلای مەڕیا، ئیسە هجوومێ مکەرۆ سەروو دەنگی ئازادی، ماچۆ:" ٢٣ێ ئابی بە هامکاریی و سیخوڕیی بنەیانەو بارزانی خەباتکاراو چاپەمەنیی ئازادی گوڵستان تارا و هێرۆ بەهادینیانەشا گەشمەردێ کەردێ، کە دەنگی ئازادوو گەلوو کوردی بێنێ".
"کۆشیای گەورە مکەرمێ، یۆبییەی بنیات منیەیمێ"
تەڤ-چاند هجوومەکەی شەرمەزار مکەرۆ و گەشمەردەکا یاد مکەرۆوە و سەرەوەشی وەنەو بنەیانە وەڵاتپاریزنەکا مکەرۆ،هومێدوو خاسبییەیوە پەی بریندارەکا موازۆ.
ئاماژە پانەیە مکەرۆ خەباتکاراو چاپەمەنیی ئازادی، فیداکارانە دژوو هجوومو دەوڵەتوو تورکی و بنەیانەو بارزانیی خیانەتکاری و هامکارەکاشا کۆشیێنێ، گەشمەرداو چاپەمەنیی ئازادی یاد مکەرۆوە و ماچۆ:" فکر و قەڵەم و دەنگی ئازادیشا سەرەمڕ دنیێ ڕٶشنە مکەرۆوە و حەسرەتوو ئازادی بە فەلسەفەو ژەنی،ژیوای، ئازادیی پەی گردوو ژەناو گەلاو جیهانی مبۆنە بە هومێد".
ئەوەخوایش مکەرۆوە سەروو ڕاو گولستانێ و هێرۆیوە گەشمەرداو چاپەمەنیی ئازادی زیاتەر مبانە بە دەنگوو ئازادی و ڕووەی هەقەتینەو قڕکەری و خیانەتکارا زیاتەر ئاشکرا مکەرا، ماچۆ:" پیسە خەباتکاراو چاپەمەنیی ئازادی و کولتووری، دژوو سیستمی و سیاسەتوو قڕکەروو دوژمنی و ژەنا و گلێرگەی،پیوە سەروو ڕای ڕاسێوە یۆی مگێرمێ و کۆشیای فراوان مکەرمێ.
سەروو ئی بناغەیوە واوەی گوڵستان تارێ و هێرۆ بەهادینێ و دەلیلەی بە وەشەسیای و سوپاسۆ یادێ مکەرمێوە و پەی ئاردەیدیی وەرمەکاشا بەفیداکارییوە مکۆشیەیمێ".
