تەژەکە-فە و جەدەکە-فە: ڕاپیمایەکەو کۊڵنی تارێخیین، بێگومان بەشدارۍ بیمۍ
تەژەکە-فە و جەدەکە-فە داواشا کەرڎە پەی بەشداربییەی ڕاپیمایەکەو کۊڵنی و ماچا: "ئی ڕاپیمایە ماناێوە تارێخییەش هەنە، پەنەوازا گردما یاگێما دلۍ کارەوانوو ئازاڎیینە گێرمێ".
تەژەکە-فە و جەدەکە-فە بە ئەرەیاوناێوە نویسیا سڵامش کەرد جە مانگێرتا و وارڎەی زیندانییا و چالاکییەکاو ئێشکگێریی دادپەروەری و ڕاپیمای گەورەو ئازاڎیی.
ئەرەیاونایەکەینە وچیان: "هەڵمەتەو ئازاڎیی دۊسا و هامڕایاما مەیدانی میاننەتەوەیینە پەی ئازاڎیی ڕێبەرێتیما، جە تەماموو مەیدانوو ئەوروپاینە بەشێوەی سەرانسەری وەڵا بییەنۊ. ڕاپیمای ٢٥ ڕوەو ٢٥ چالاکا جە ٢٥ شاراو سەرنیشتوو فەڕەنساینە، کاریگەریێوە ئەرێییش بییەن. ڕاپیمایەکەو شاروو کۊڵنوو ئەڵمانیای ١٧ شوباتی، ورگێروو مانێوە تاریخییێن ".
هەرپاسە داوا کریا: " ١٧ شوباتینە پێویسا گردلایۍ دژوو دەوڵەتی فاشیستوو تورکی و لایەنگێراش مجیارە مەیدان. سەدان هەزار کەسۍ دەنگ بەرز کەرمۍ و هەڵمەتەکێما میاونمۍ بەرزتەرین ئاست. گردوو ئا یاگانە ڕێکوزیێکێماش چەنەنۍ بە پاسەکاوە گندۍ ڕا بەرەو کۊڵن. هەرپاسە هەزاران وەڵاتپارێزنۍ کوردستانی بە سەیارە تایبەتەکاشا بەرەو کۊڵن گنا ڕا. پێویسا گردما دلۍ کارەوانوو ئازاڎیینە یدا یاگۍ وێما گێرمێ".
